Umunyarwanda, Theodore Tabaro, ufite n\u2019ubwenegihugu bwa Suede, muri Nzeri azatangira kuburanishwa n\u2019Urukiko Rudasanzwe rwa Stockholm ku ruhare ashinjwa muri jenoside yakorewe Abatutsi mu Rwanda nk\u2019uko byatangajwe n\u2019urukiko kuri uyu wa Gatatu ushize.<\/p>\n
Theodore Tabaro w\u2019imyaka 49, ashinjwa ibyaha by\u2019ubwicanyi, kugerageza kwica, gufata ku ngufu no gushimuta Abatutsi. Ibyaha ashinjwa ngo akaba yarabikoze hagati y\u2019itariki 09 kugeza ku itariki 31 Gicurasi mu zahoze ari Segiteri Nyakanyinya na Mibirizi, mu majyepfo y\u2019uburengerazuba bw\u2019u Rwanda nk\u2019uko inyandiko AFP yabashije kubona zibigaragaza.
\n[xyz-ihs snippet=”google-pub”]<\/p>\n
Tabaro, izina rye rigaragara ku rutonde rwashyizwe ahagaragara n\u2019ubuyobozi bw\u2019u Rwanda rw\u2019abantu bashakishwa kubera uruhare rwabo muri jenoside, avugwaho kuba yaragize uruhare mu gutegura, kwinjiza abantu mu mitwe y\u2019ubwicanyi no kububashishikariza ndetse no kubushyira mu bikorwa.<\/p>\n
Kuwa 09 Mata 1994, ahitwa Winteko, ngo Tabaro yagize uruhare mu iyicwa ry\u2019abasivili benshi no gufata ku ngufu abagore n\u2019abakobwa. Kuwa 13 Mata, ngo yagize uruhare mu gitero cyagabwe ku ishuri rya Nyakanyinya, aho ngo amagana y\u2019abantu, harimo abana benshi, biciwe abandi benshi bagakomeretswa na za grenades, amasasu n\u2019ibyuma.Nyuma y\u2019iminsi myinshi, ngo Tabaro yanagize uruhare mu gitero cyagabwe ku kiliziya muri Mibirizi.<\/p>\n
Abashinzwe iperereza n\u2019abashinjacyaha babajije abarokotse mu Rwanda, u Burayi, no muri Amerika ya Ruguru. Hagaragajwe byibuze abantu 36 bishwe na barindwi bafashwe ku ngufu. Abandi 30 barokotse n\u2019abo mu miryango yabo bari mu batanze ikirego.<\/p>\n
Nubwo ashinjwa ibyo byaha, Theodore Tabaro we arabihakana nk\u2019uko umucamanza Hanna Lemoine yabitangarije AFP.<\/p>\n
Theodore tabaro yatawe muri yombi mu Ukwakira 2016 asanzwe iwe ahitwa Orebro mu burengerezuba bwa Stockholm. Yageze muri Suede mu 1998, aba umuturage w\u2019iki gihugu mu 2006.<\/p>\n