Mu 1922, Garrett Morgan, ari kumwe na murumuna we John Morgan mu modoka, babonye impanuka ikomeye ihuriro ry\u2019imihanda. Babonye imodoka igonga akamadoka kakururwaga n\u2019amafarasi,abantu bari bakarimo baranapfa . <\/p>\n
Garrett Morgan amaze gutaha byamuteye gutekereza ukuntu imodoka zajya zihana umwanya aho imihanda ihurira. Ni bwo ahimbye icyapa cyahinduye burundu iby\u2019umutekano mu muhanda . Kiriho ubwoko butatu bw’umuriro : umutuku uvuga guhagarara, umuhondo kwitonda no kugabanya umuvuduko, icyatsi kibisi kigatanga uburenganzira bwo kugenda.<\/p>\n
Kw\u2019itariki ya 27 Gashyantare 1922, yashyikirije ibyangombwa ibiro by\u2019urwego rw\u2019igihugu rushinzwe gutanga ibyemezo ku byavumbuwe (United States Patent Office). Rwamuhaye icyemezo nimero \u201cUS1475024 A\u201d cy\u2019umutungo we mu by\u2019ubwenge Ku itariki ya 20 Ugushyingo, 1923. Uwo mugabo akaba ariwe wenyine wari ufite uburenganzira bwo kuwubyaza umusaruro. <\/p>\n
Ikigo cy\u2019igihugu gishinzwe imihanda migali cyane kandi miremire cyane \u201cFederal Highway Administration\u201d mu Cyongereza, kivuga ko yarengeye ubuzima bw\u2019abantu amamiliyoni n\u2019amamiliyoni. Muri iki gihe muri Leta zunze ubumwe z\u2019Amerika honyine hari ibyapa by\u2019imiriro itatu iyobora imodoka bigera ku 320,000.<\/p>\n
Muri uwo mwaka w\u20191923, Garrett Morgan yagurishije umutungo we mu by\u2019ubwenge na sosiyete yitwa \u201cGeneral Electric\u201d cyazobereye mu by\u2019amashanyarazi n\u2019ingufu. Yamuhaye amadorali 40,000 y\u2019icyo gihe. Uyashyize mu gihe tugezemo arenga 700,000. Ariko yari anawufite mu mahanga, by\u2019umwihariko muri Canada no mu Bwongereza.<\/p>\n
Garret Morgan,yavutse mu 1877 mu mujyi utuwe cyane cyane n\u2019Abirabura witwa Paris, muri leta ya Kentucky, mu majyepfo ya Leta zunze ubumwe z\u2019Amerika. Ababyeyi be bombi, Sydney Morgan na Elizabeth Reed, bahoze ari abacakara bari barahawe ubwigenge n\u2019Abazungu .<\/p>\n
Garrett Morgan yari uwa karindwi mu bavandimwe mu bana 11 bavukanye nawe . Yize amashuli abanza gusa. Yayarangije afite imyaka 14 y\u2019amavuko. Yahise ava iwabo ajya gushaka akazi mu mujyi wa Cincinnati, muri leta ya Ohio, mu burengerazuba bw\u2019igihugu. Abahanga bize iby\u2019ubuzima bwe, bemeza ko yagiraga amatsiko cyane yo kumenya kandi afite n\u2019ubwenge kimeza.<\/p>\n
Yari azi kandi gukorakora mu tuntu twose tw\u2019ubukorikori. Mu 1895, yimukiye mu mujyi wa Cleveland, naho ho muri leta ya Ohio. Ubwo yari afite imyaka 18. Naho yabonye akazi kamwe ko gukora imashini zitandukanye zabaga zapfuye kandi ntabyo yize. Ariko byamuhaye guhora atekereza ku buryo ibintu bikora n\u2019uburyo yabisubiza mu buryo igihe binaniwe gukora neza. Ni gutyo byamuviriyemo no kuvumbura no gucuruza.<\/p>\n
Mbere y\u2019ibyapa by\u2019imiriro iyobora imodoka mu masangano y\u2019imihanda, Garrett Morgan yari yarahimbye mu 1916 kandi ayibonera icyemezo cy\u2019umutungo bwite mu by\u2019ubwenge \u201cmask\u201d ikingira cyane cyane ba kizimyamwoto ibyuka bibi nk\u2019imyotsi. Abasirikare ba Leta zunze ubumwe z\u2019Amerika nabo barayikoresheje cyane mu ntambara ya mbere y\u2019isi yose yabaye kuva mu 1914 kugera mu 1918.<\/p>\n
Garrett Morgan yahimbye n\u2019ibintu byinshi byo gufata neza imisatsi, akanabicuruza. Mu 1920, yashinze n\u2019ikinyamakuru cyitwa \u201cCleveland Call\u201d cyasohokaga rimwe mu cyumweru. Mu 1938, cyahinduye izina cyitwa \u201cCleveland Call and Post.\u201d Ubu ni kimwe mu bitangazamakuru bikomeye mu gihugu.<\/p>\n
Garrett Morgan yari n\u2019impirimbanyi y\u2019uburenganzira bw\u2019Abirabura. Bityo, mu 1908, yashinze ishyirahamwe ryitwa \u201cCleveland Association of Colored Men\u201d, ryaje kuba fondasiyo y\u2019umuryango mugali witwa NAACP (National Association for the Advancement of Colored People), uharanira gutera imbere kw’abaturage b’ibara, nk’uko Abirabura bitwa, wavutse mu mwaka wakurikiyeho w\u20191909, anawubera umwe mu bayobozi b\u2019ikubitiro. Yahaga n\u2019intwererano zitubutse cyane cyane amashuli makuru na kaminuza z\u2019Abirabura.<\/p>\n
Garrett Morgan yitabye Imana i Cleveland mu 1963. Yari afite imyaka 86. Yabyaye abana batatu, bose b\u2019abahungu. Yabonye ibihembo n\u2019amashimwe byinshi. Umwe mu mirage ye, Federal Highway Administration yamwitiriye ikigo cyayo kigisha abakiri bato kibategurira kuzaba abakozi beza mu by\u2019ubwikorezi. Biga siyansi, ikoramabuhanga, imibare (mathematics), n\u2019ibya ba <\/p>\n","protected":false},"excerpt":{"rendered":"
Mu 1922, Garrett Morgan, ari kumwe na murumuna we John Morgan mu modoka, babonye impanuka ikomeye ihuriro ry\u2019imihanda. Babonye imodoka igonga akamadoka kakururwaga n\u2019amafarasi,abantu bari bakarimo baranapfa . Garrett Morgan amaze gutaha byamuteye gutekereza ukuntu imodoka zajya zihana umwanya aho imihanda ihurira. Ni bwo ahimbye icyapa cyahinduye burundu iby\u2019umutekano mu muhanda . Kiriho ubwoko butatu […]<\/p>\n","protected":false},"author":20,"featured_media":0,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[7],"tags":[],"class_list":["post-72643","post","type-post","status-publish","format-standard","hentry","category-utuntu-nutundi"],"yoast_head":"\n