{"id":7308,"date":"2017-09-13T01:00:44","date_gmt":"2017-09-13T01:00:44","guid":{"rendered":"https:\/\/new.bwiza.com\/2017\/09\/13\/inama-y-abaminisitiri-yemeje-intego-zikubiye-muri-gahunda-y-igihugu-y-imyaka-7\/"},"modified":"2025-02-12T15:41:44","modified_gmt":"2025-02-12T13:41:44","slug":"inama-y-abaminisitiri-yemeje-intego-zikubiye-muri-gahunda-y-igihugu-y-imyaka-7","status":"publish","type":"post","link":"https:\/\/bwiza.com\/?p=7308","title":{"rendered":"Inama y\u2019Abaminisitiri yemeje intego zikubiye muri Gahunda y\u2019Igihugu y\u2019Imyaka 7"},"content":{"rendered":"

Inama y\u2019Abaminisitiri idasanzwe yabaye ku wa Kabiri tariki ya 12 yagejejweho Intego zikubiye muri Gahunda y\u2019Igihugu y\u2019Imyaka irindwi [7 (2017-2024)] y\u2019impinduka zo kwihutisha iterambere (National Strategy for Transformation) irayemeza imaze kuyikorera ubugororangingo.<\/em> <\/strong> <\/p>\n

Iyo gahunda ntiyahise itangarizwa Abanyarwanda kuko Itegeko Nshinga rigena ko Minisitiri w\u2019Intebe ategura gahunda ya Guverinoma abigiyeho inama n\u2019abandi bagize Guverinoma. Bitarenze iminsi 30 ashyizweho, agomba kushyikiriza Inteko Ishinga Amategeko.<\/p>\n

Iyo gahunda ni yo igenderwaho muri iyi manda y\u2019imyaka 7 ya Perezida wa Repubulika. Akenshi ishingira kuri manifesto y\u2019umutwe wa politiki ufite umukandida watsinze amatora ku mwanya wa Perezida wa Repubulika. Ni ukuvuga ko ari iy\u2019Umuryango FPR Inkotanyi hiyongereyeho ibitekerezo byavuye mu mitwe ya politiki yindi ikorera mu Rwanda n\u2019iby\u2019abakandida bigenga.<\/p>\n

Ibikorwa kandi bishingiye ku cyerekezo 2020 na 2050, kuri gahunda y\u2019igihugu y\u2019imbaturabukungu ya 2 n\u2019iya 3(EDPRS2, 3), gahunda y\u2019iterambere rirambye n\u2019ibindi, harimo n\u2019ibyemezo byagiye bifatirwa mu mwiherero w\u2019abayobozi ndetse no mu nama y\u2019igihugu y\u2019umushyikirano.<\/p>\n

Ibizakorwa bizibanda ku nkingi enye zirimo ubukungu, imibereho myiza y\u2019abaturage, ubutabera n\u2019i miyoborere myiza.<\/p>\n

Ibizakorwa mu bukungu mu 2017-2024 muri Manifesto ya FPR- INKOTANYI <\/p>\n

Umuryango FPR- INKOTANYI ugamije kwihutisha iterambere ry\u2019ubukungu bugera kuri bose bushingiye ku ishoramari ry\u2019Abikorera, ku bumenyi no ku mutungo kamere. By\u2019umwihariko, hazakorwa ibi bikurikira:<\/p>\n

Hazahangwa imirimo ibyara inyungu, hagamijwe kuzamura ubukungu no kurandura ubukene. Kongera umubare w\u2019abize ubumenyingiro, buhujwe n\u2019ibikenewe ku isoko ry\u2019umurimo, hanatangwe ibibafasha gutangira umurimo. Hazubakwa ubushobozi bw\u2019Abanyarwanda mu guhanga, gutegura no gushyira mu bikorwa imishinga;<\/p>\n

Hazashyirwaho uburyo bufasha guteza imbere imishinga y\u2019ikoranabuhanga no guhanga ibishya; guteza imbere guhanga imirimo, hashyirwaho umushinga w\u2019icyitegererezo ubyara inyungu kuri buri mudugudu;kunoza imicungire n\u2019imiyoborere y\u2019amakoperative, hubakwa ubushobozi bwazo.<\/p>\n

Hazatezwa imbere imigi, icyaro n\u2019imyubakire, hagamijwe imibereho myiza ya bose. Hazashyirwaho uburyo bworohereza Abanyarwanda gutura heza habugenewe, bijyanye n\u2019igihe n\u2019ubushobozi bwabo harimo n\u2019abatuye mu tujagari. Abanyarwanda batuye mu cyaro bazatuzwa ahabugenewe, mu midugudu itunganyije ijyanye n\u2019iterambere.<\/p>\n

Abanyarwanda batuye mu manegeka bazatuzwa neza n\u2019aho batuye havugururwe, ku bufatanye n\u2019Abikorera. Hazimurwa nibura imiryango 1,000 buri mwaka. Amazi n\u2019amashanyarazi bizagezwa kuri bose, kandi hakoreshejwe uburyo butangiza ibidukikije.<\/p>\n

Hazashyirwaho amatara yo ku mihanda iduhuza n\u2019ibindi bihugu ndetse no ku mihanda minini yo mu migi. Hazanozwa serivisi zo gutwara abantu n\u2019ibintu mu migi no mu cyaro.<\/p>\n

Hazubakwa amakusanyirizo n\u2019imiyoboro y\u2019imyanda mu migi, n\u2019ibimpoteri mu cyaro, hashyirweho n\u2019uburyo bwo kuyibyaza umusaruro. Hazatezwa imbere inganda, ibyo twohereza mu mahanga, hongerwe n\u2019 ibikorwa remezo bizamura ubuhahirane<\/p>\n

Ku bufatanye n\u2019Abikorera, hazubakwa inganda nshya hanongererwe ubushobozi inganda zitandukanye zifasha guteza imbere ibikorerwa mu Rwanda no guhanga imirimo ku Banyarwanda, harimo:<\/p>\n