Televiziyo ya leta muri Koreya ya Ruguru kuri uyu wa Kane yatangaje ko iki gihugu kigiye kuroha u Buyapani mu Nyanja ndetse kikagira umuyonga Leta Zunze Ubumwe za Amerika kikazishyira mu icuraburindi kubera gushyigikira ibihano bishya by\u2019Umuryango w\u2019Abibumbye kubera igeragezwa by\u2019igisasu cya kirimbuzi iherutse kugerageza.<\/p>\n
Komite ya Koreya ya Ruguru ishinzwe amahoro muri Aziya Pasifika ishinzwe gukomeza umubano w\u2019iki gihugu hanze na poropaganda yanasabye isenyuka ry\u2019akanama k\u2019amahoro n\u2019umutekano ka Loni ishinja kuba igikoresho cy\u2019ikibi (a tool of evil) ngo kagizwe n\u2019ibihugu byamunzwe na ruswa y\u2019amafaranga bigendera ku mabwiriza ya Leta Zunze Ubumwe za Amerika.
\n[xyz-ihs snippet=”google-pub”]<\/p>\n
Itangazo ryasomwe kuri iyi televiziyo y\u2019igihugu rivuga ko ibirwa bine bigize ibirwa by\u2019u Buyapani bishobora kurindimurirwa mu Nyanja n\u2019igisasu cya kirimbuzi kuko ngo Koreya ya Ruguru itagikeneye u Buyapani nk\u2019umuturanyi wayo.<\/p>\n
Umwuka mubi muri aka karere warushijeho kumera nabi nyuma y\u2019aho Koreya ya ruguru igeragereje ku nshuro ya 6 igisasu cya kirimbuzi kandi kirusha ubukana icyo yagerageje kuwa 03 Nzeri nyuma yo kugerageza missles nyinshi zitandukanye harimo imwe yanyuze hejuru y\u2019u Buyapani.<\/p>\n
Kuri uyu wa Mbere ushize, nibwo akanama k\u2019amahoro n\u2019umutekano ka Loni katoye umwanzuro wa Leta Zunze Ubumwe za Amerika w\u2019ibihano bishya kuri Koreya ya Ruguru, ubuza iki gihugu kohereza ibikomoka ku budozi hanze kandi uru rwego ari rwo rwa kabiri rwinjirizaga iki gihugu nyuma y\u2019amabuye y\u2019agaciro n\u2019amakara.<\/p>\n
Nyuma yo gutora uyu mwanzuro utarashyigikiwe n\u2019u Bushinwa n\u2019u Burusiya, Koreya ya Ruguru nibwo yongeye kugaragaza uburakari ivuga ko igiye gusenya Amerika, u Buyapani na Koreya y\u2019epfo.<\/p>\n
Nubwo abavandimwe badahwema kuvuga ko bazabarimbura, Koreya y\u2019Epfo ku rundi ruhande ibinyujije kuri minisitiri ushinzwe kongera guhuza Koreya zombi, yatangaje ko iteganya gutanga inkunga ya miliyoni 8$ yo gufasha abana n\u2019abagore batwite muri Koreya ya Ruguru.<\/p>\n
Iki kikaba kizaba ari igikorwa cya mbere cy\u2019ubutabazi Koreya y\u2019Epfo ikoreye Koreya ya Ruguru kuva yagerageza igisasu cya kane muri Mutarama 2016, kandi ngo kikaba ari igikorwa gishingiye kuri politiki imaze igihe kirekire yo gutandukanya ibikorwa by\u2019ubutabazi n\u2019ibya politiki nk\u2019uko iyi minisiteri ivuga.<\/p>\n
Nyuma y\u2019ibyatangajwe na Koreya ya Ruguru, u Buyapani bwahise bubyamagana buvuga ko iryo tangazo ari imvugo y\u2019ubushotoranyi kandi irushaho kuzamura umwuka mubi mu karere kandi bidashobora kwemerwa nk\u2019uko byatangajwe n\u2019umunyamabanga w\u2019umuyobozi wa cabinet mu Buyapani, Yoshihide Suga.<\/p>\n