Jean Baptiste Mugimba, u Buholandi bwoherereje u Rwanda kubera uruhare akekwaho muri Jenoside yakorewe Abatutsi, yatangiye kuburanishwa mu Rukiko Rukuru rwa Kigali.<\/p>\n
Bwana Mugimba wahoze ari umunyamabanga mukuru w’ishyaka CDR akurikiranyweho uruhare mu bikorwa byo gutsemba Abatutsi byabereye mu duce dutandukanye tw’Umujyi wa Kigali.<\/p>\n
Jean Baptiste Mugimba wari umukozi wa Banki Nkuru y’igihugu yajejwe mu Rwanda mu mpera z’umwaka ushize yoherejwe n’igihugu cy’U Buholandi nyuma y’imyaka isaga 20 yari amaze ahatuye.<\/p>\n
Ku ikubitiro urukiko rwasuzumye ikibazo cyo gutesha agaciro ibyemezo byafashwe mbere dore ko uyu mugabo yari yarahanishijwe n’inkiko gacaca kwishyura miliyoni zisaga 30 z’amanyarwanda kubera ibyo ashinjwa kwangiza.
\n[xyz-ihs snippet=”google-pub”]<\/p>\n
Habanje gusuzumwa ikibazo cyo gutesha agaciro ibyemezo byafashwe mbere n’urukiko Gacaca rwa Nyakabanda mu mujyi wa Kigali rwari rwamutegetse kwishyura miliyoni 34 z’amafranga y’U Rwanda nyuma yo kumuhamya uruhare mu busahuzi no kwangiza imitungo.<\/p>\n
Itegeko risoza inkiko gacaca riteganya ko ibyemezo byafashwe na zo biteshwa agaciro iyo uwahamijwe icyaha atari ahari mu gihe cy’urubanza.<\/p>\n
Uyu mugabo ariko nta gifungo yari yakatiwe n’uru rukiko Gacaca.<\/p>\n
Jean Baptiste Mugimba yagejejwe mu Rwanda mu mpera z’umwaka ushize hashingiwe ku mpapuro zisaba gutabwa muri yombi zoherejwe na Leta y’U Rwanda.<\/p>\n
Ubushinjacyaha bw’U Rwanda bumukurikiranyeho ibyaha 7 bifitanye isano na jenoside.<\/p>\n
Aregwa kuba yaragize uruhare mu gutegura jenoside, ayobora za bariyeri ziciweho abatutsi ndetse ngo yanahaye intwaro zifashishijwe n’interahamwe mu kwica abatutsi.<\/p>\n
Akigezwa mu Rwanda, Jean Baptiste Mugimba w’imyaka 61 , yahakannye ibi byaha byose avuga ko hari abantu bitwaza uburemere bw’icyaha cya jenoside bakabeshyera abandi.<\/p>\n
Yemeye ariko ko yari umunyamabanga mukuru w’ishyaka CDR riregwa kuba ryarigishije urwango rwagejeje ku ihigwa n’iyicwa ry’abatutsi.<\/p>\n
Yanemeye ko yabaye umunyamigabane wa Radio RTLM ariko ibi byombi ngo ntaho abona bihurira n’ibyaha ashinjwa.<\/p>\n