{"id":7476,"date":"2017-09-22T15:47:17","date_gmt":"2017-09-22T15:47:17","guid":{"rendered":"https:\/\/new.bwiza.com\/2017\/09\/22\/minisitiri-kaboneka-yababajwe-n-inzoga-z-utuyuki\/"},"modified":"2024-12-11T05:38:36","modified_gmt":"2024-12-11T03:38:36","slug":"minisitiri-kaboneka-yababajwe-n-inzoga-z-utuyuki","status":"publish","type":"post","link":"https:\/\/bwiza.com\/?p=7476","title":{"rendered":"Minisitiri Kaboneka yababajwe n\u2019inzoga z\u2019utuyuki"},"content":{"rendered":"

Minisitiri w\u2019Ubutegetsi bw\u2019Igihugu Francis Kaboneka yababajwe n\u2019ubwoko bw\u2019inzoga yasanze ahitwa mu Gashingiriro I mu Murenge wa Cyuve mu karere ka Musanze.<\/strong> <\/em> <\/p>\n

Ubwo yageraga muri uwo murenge avuye gutangiza igihembwe cy\u2019ihinga 2018A, mu murenge wa Nyange muri aka karere ka Musanze, yafashe iyo nzoga abaza iyo ari yo. Uyicuruza yamubwiye ko ari icyayi. Nyuma yo kuyitegereza byagaragazaga ko ababajwe n\u2019iyo nzoga, yasutswe hasi abari aho batangazwa n\u2019ubwo bwoko bw\u2019inzoga bukurura amasazi ako kanya. Bamwe bavuze ko ari inzoga y’igikwangari.<\/p>\n

Nkuko bigaragara kuri videwo nto yashyizwe kuri Whatsapp, Kaboneka yabazaga uwenga izo nzoga uburyo akina n’ubuzima bw’abantu.<\/p>\n

Ati ” Ubu ni ubuzima bw’abantu, uratubeshya ngo ni icyayi, twese se ntitunywa icyayi. None ngo ibyo ushyiramo ntabwo ubizi.<\/p>\n

Muri ako gace yari kumwe na Guverineri w\u2019Intara y\u2019Amajyaruguru, Gatabazi Jean Marie Vianney.<\/p>\n

Amakuru agera kuri Bwiza.com ni uko uwitwa N sanzimana udukora ahise atabwa muri yombi.<\/p>\n

Izi nzoga zigura hagati y’amafaranga 200 na 500 usanga zinyobwa hirya no hino mu Rwanda. Kenshi ababona abazinywa bakeka ko zishobora kubatera ibibazo bitandukanye birimo uburwayi, kubera uko usanga uyinyweye yahindutse, gusinda mu kanya gato, no kugenda ubona nta mbaraga afite.<\/p>\n

Videwo igaragaza uko byagenze<\/p>\n

\n
\"YouTube