{"id":7858,"date":"2017-10-30T03:12:45","date_gmt":"2017-10-30T03:12:45","guid":{"rendered":"https:\/\/new.bwiza.com\/2017\/10\/30\/intumwa-y-u-burundi-muri-loni-yahawe-gasopo-nyuma-yo-gupfobya-jenoside-yakorewe\/"},"modified":"2017-10-30T03:12:45","modified_gmt":"2017-10-30T03:12:45","slug":"intumwa-y-u-burundi-muri-loni-yahawe-gasopo-nyuma-yo-gupfobya-jenoside-yakorewe","status":"publish","type":"post","link":"https:\/\/bwiza.com\/?p=7858","title":{"rendered":"Intumwa y\u2019u Burundi muri Loni yahawe gasopo nyuma yo gupfobya Jenoside yakorewe Abatutsi"},"content":{"rendered":"

Ambasaderi w\u2019u Burundi mu muryango w\u2019Abibumbye(Loni), Shingiro Albert yavuze ko u Rwanda ari igihugu cyiriza ko cyakozweho na Jenoside [yakorewe Abatutsi], (Un pays qui se dit victime du Genocide) yamaganirwa kure n\u2019Umujyanama wa mbere wa Ambasaderi w\u2019u Rwanda muri Loni, Bwana Robert Kayinamura.<\/strong> <\/em> <\/p>\n

Byabereye i New York , kuwa Kane w\u2019icyumweru gishize tariki ya 26 Ukwakira 2017, ubwo Abagize itsinda ryihariye ryashyizweho na Loni mu gukora iperereza ku ihungabanywa ry\u2019uburenganzira bwa muntu mu Burundi, bashyiraga ahabona raporo igaragaza ibyo babonye muri iki gihugu imbere y\u2019abagize akanama ka Loni gashinzwe amahoro n\u2019Umutekano ku Isi.<\/p>\n

Umuyobozi w\u2019iri tsinda, Fatsah Ouguergouz, Umunya-Algerie wavukiye mu Bufaransa, agakora n\u2019imirimo itandukanye irimo gushingwa u Rwanda mu muryango w\u2019Abibumbye ku bijyanye n\u2019Uburenganzira bwa muntu, ubu akaba ari na Visi Perezida w\u2019urukiko Nyafurika rw’Uburenganzira bwa Muntu rukorera i Arusha muri Tanzania, yavuze ko ibyo babonye mu Burundi ari agahomamunwa.<\/p>\n

Ibyo birimo ihunganywa ry\u2019uburenganzira bwa muntu rikabije, ubwicanyi bukorerwa abaturage, abagore n\u2019abakobwa bafatwa ku ngufu, abashimutwa n\u2019ibindi.<\/p>\n

Ambasaderi Shingiro yahise ahabwa ijambo avuga ko ibivugwa bishingiye ku mpamvu za politiki kandi ko izo nzobere zitigeze zigera mu Burundi.<\/p>\n

Nyuma ye, u Rwanda rwahawe ijambo n\u2019Umuyobozi w\u2019aka kanama nk\u2019igihugu gituranye n\u2019u Burundi, maze Bakuramutsa Urujeni, Minisitiri akaba n\u2019uwungirije umuyobozi uhoraho uhagarariye u Rwanda muri Loni avuga ko u Rwanda ruhangayikishijwe n\u2019 ibibazo biri i Burundi, gusa bakaba bishimiye ko iyi komisiyo yongererwa igihe cyo gukomeza gukora, ariko bagasaba u Burundi gucisha make, bakoyorohereza akazi. <\/p>\n

Akomeza avuga ko iyo raporo y\u2019ibibazo(disturbing report) isaba ko hafatwa ingamba zikomeye.<\/p>\n

Ambasaderi Shingiro yahise avuga ko u Burundi ntacyo bwakigira ku Rwanda, kubera impamvu zitandukanye.<\/p>\n

Ati \u201cMumfashe nibutse uhagarariye u Rwanda, ko u Burundi nta somo bwakura ku Rwanda, igihugu kibangamiye uburenganzira bw\u2019abantu benshi, gifunga abagore n\u2019abana ijoro n\u2019amanywa.\u201d<\/p>\n

\u201cU Rwanda igihugu cyiriza ko cyakozweho na Jenoside\u201d<\/p>\n

Shingiro ati\u201c Ku bitureba, [u Rwanda] ni igihugu cyiriza ko cyakozweho na Jenoside, ariko ubu icyo gihugu cyakoze Jenoside muri Repubulika Iharanira Demokarasi ya Congo, yaguyemo abasaga miliyoni esheshatu . Mu by\u2019ukuri ntabwo ari igihugu cy\u2019icyitegererezo ku bijyanye n\u2019uburenganzira bwa muntu.\u201d<\/p>\n

Bwana Robert Kayinamura yamaganiye kure ibyatangajwe na Shingiro.<\/p>\n

Ati \u201cSinari kugira icyo mvuga , iyo abaturanyi bacu batadushotora\u2026mfite ibintu bitatu nshaka kukubwira.\u201d<\/p>\n

“Icya mbere; Ibyo twavuze bishingiye ku byagaragajwe muri raporo twasomye, ntabwo ari raporo twakoze.( Our statemanent was made in reference to what is contained of the report we\u2019ve read, this is not our report).<\/p>\n

Icya kabiri; Hagarika kwikuraho ibibazo biri mu gihugu imbere ngo ubishyire ku bandi, nimubigire ibyanyu.( Stop externalizing the problems, which are internal, own up. Try to own up the problem, don\u2019t externalize internal problems. Thus guys stop.\u201d<\/p>\n

Icya gatatu ati \u201cNiba abahagarariye mu Burundi bahakana Jenoside yakorewe Abatutsi,, twabyumvise, ubwira uwumva ntavunika(we take note of that).\u201d<\/p>\n

Akomeza amubwira ko ibyabaye mu Rwanda bibabaje kandi ko n\u2019 umuryango mpuzamahanga ubizi, ku buryo atari akwiye kuvuga ibyo yavuze.<\/p>\n

Ati \u201cNtiwari ukwiye kubivuga, reka mbisubiremo, ntiwari ukwiye kugarura amateka ababaje y\u2019Abanyarwanda bakorewe jenoside n\u2019 ibyaha byibasiye inyokomuntu, ntabwo wari ukwiye kubizana aha twahuriye.\u201d
\nVidewo y’uko byari byifaahe<\/p>\n

\n
\"YouTube