{"id":8133,"date":"2017-11-15T17:13:57","date_gmt":"2017-11-15T17:13:57","guid":{"rendered":"https:\/\/new.bwiza.com\/2017\/11\/15\/koreya-umuhanzi-jean-paul-samputu-yataramiye-imbaga-anayisangiza-ubunararibonye\/"},"modified":"2025-02-03T01:50:13","modified_gmt":"2025-02-02T23:50:13","slug":"koreya-umuhanzi-jean-paul-samputu-yataramiye-imbaga-anayisangiza-ubunararibonye","status":"publish","type":"post","link":"https:\/\/bwiza.com\/?p=8133","title":{"rendered":"Koreya: Umuhanzi Jean Paul Samputu yataramiye imbaga anayisangiza ubunararibonye bwe"},"content":{"rendered":"

Umuhanzi Jean Paul Samputu yasoje urugendo rwe muri Koreya y\u2019 Amajyepfo nyuma yo gutaramira no gutanga ubutumwa ku biganiro bifite insanganyamatsiko zigira ziti ‘Jenoside ntikabeho ukundi !Intambara ntikabeho’, \u201cKuva mu kubabarira no kogera kurema ubumuntu\u201d.<\/em> <\/strong> <\/p>\n

Usibye indirimbo zikangurira abantu gukundana no kubana amahoro, Samputu yatanze ibiganiro bikubiye mu nyandiko yise “I see myself in the person I cannot forgive.”<\/p>\n

Uretse izi nyigisho zatanzwe ku ngingo zirimo ubwiyunge, kubabarira n\u2019amahoro, hanabaye umwanya w\u2019imurikagurisha, ingendoshuri ndetse n\u2019ibitaramo.<\/p>\n

Bimwe mu bihangano bya JP Samputu nibyo bituma atumirwa hirya hino<\/strong> <\/p>\n

Uyu muhanzi kandi aherutse kwandikwaho igitabu \u00ab Rwanda\u2019s Voice: An Ethnomusicological Biography of Jean-Paul Samputu \u00bb.<\/p>\n

Ibyo byose nibyo byatumye abantu batandukanye bifuza kumva muzika ye ndetse n\u2019 ibiganiro bikubiyemo ubuhamye bw\u2019 ubuzima we nk\u2019 umuntu wacitse ku icumu akabura imiryango ye ariko Imana ikamufasha kongera kurema ubuzima bushya.
\n[xyz-ihs snippet=”google-pub”]<\/p>\n

Iki gitabu cyanditswe n\u2019 Umunyamerika Swanson Brent wo muri Kaminuza ya Miami cyatumye muzika y\u2019u Rwanda irushaho kumenyekana Isi yose.<\/p>\n

Jean Paul Samputu usigaye ukorera umuziki we ku Mugabane w\u2019u Burayi ni umwe mu mpuguke 500 zatumiwe muri iki gikorwa cy\u2019umuco cyamaze iminsi itatu kibera ahitwa Cheongju mu Ntara ya North Chungcheong guhera ku wa Gatanu tariki ya 10 Ugushyingo 2017.<\/p>\n

Guhuriza hamwe ibitekerezo mu gusakaza umuco w\u2019amahoro ku Isi niyo yari intego nyamukuru y\u2019 iri serukiramuco mpuzamanga.<\/p>\n

Iri serukiramuco ryateguwe ku bufatanye bw\u2019Umuryango World Culture Open (WCO) ubitewemo inkunga na Minisiteri y\u2019Umuco, Siporo n\u2019Ubukerarugendo muri Korea. Kuva mu mwaka wa 1991, WCO yakoze ibikorwa bitandukanye hagamijwe gusakaza amahoro ku Isi.<\/p>\n

Muri uyu mwaka hatumiwe abahanzi bo ku Migabane itandukanye baturuka mu bihugu 50. Nk\u2019uko The Korea Times ibitangaza, ku Mugabane wa Afurika hatumiwe Samputu wo mu Rwanda; hari n\u2019abandi bahanzi bo muri Leta Zunze Ubumwe za Amerika, Yemen, u Buyapani, u Bufaransa n\u2019ahandi.
\n Indirimbo Samputu yakoranye n’umuyapani Hiroki<\/em> <\/strong> <\/p>\n

\n
\"YouTube