{"id":8700,"date":"2017-12-29T14:51:32","date_gmt":"2017-12-29T14:51:32","guid":{"rendered":"https:\/\/new.bwiza.com\/2017\/12\/29\/icyo-igisirikare-n-igipolisi-bya-uganda-bivuga-ku-banyarwanda-bamaze-iminsi\/"},"modified":"2017-12-29T14:51:32","modified_gmt":"2017-12-29T14:51:32","slug":"icyo-igisirikare-n-igipolisi-bya-uganda-bivuga-ku-banyarwanda-bamaze-iminsi","status":"publish","type":"post","link":"https:\/\/bwiza.com\/?p=8700","title":{"rendered":"Icyo igisirikare n\u2019igipolisi bya Uganda bivuga ku Banyarwanda bamaze iminsi batabwa muri yombi"},"content":{"rendered":"

Mu minsi ishize nibwo u Rwanda rwandikiye Uganda ruyisaba ibisobanuro ku itabwa muri yombi rya hato na hato rikomeje gukorerwa Abanyarwanda baba cyangwa bagenda muri Uganda ntirubimenyeshwe, ndetse no ku gukorana na RNC, u Rwanda rwita umutwe w\u2019iterabwoba.<\/p>\n

Usibye ibi, imiryango y\u2019aba Banyarwanda bafatwa ikomeje kwitabaza inzego zitandukanye ivuga ko itazi aho abantu babo bafungiye, ndetse bafite n\u2019impungenge z\u2019uko aho bari bari gukorerwa iyicarubozo n\u2019ibindi bikorwa bitari ibya kimuntu.
\n[xyz-ihs snippet=”google-pub”]<\/p>\n

Umuvugizi w\u2019igisirikare cya Uganda, Brig. Richard Karemire mu kiganiro yagiranye na Televiziyo ya Uganda, NTV, yemeye ko minisiteri y\u2019ububanyi n\u2019amahanga ya Uganda yakiriye iyi baruwa isaba ibisobanuro y\u2019u Rwanda, ndetse avuga icyo bateganya gukora ku bivugwa n\u2019imiryango y\u2019aba bantu bagiye batabwa muri yombi.<\/p>\n

Kuri iki kibazo cyo kumenya aho aba bafungiye, Brig Karemire yagize ati: \u201cKu bijyanye n\u2019aba bantu bivugwa ko babuze n\u2019abunganizi babo, ubu dushobora gufatanya n\u2019izindi nzego z\u2019umutekano mu kumenya aho bari, ibibazo baba bafite..hanyuma harebwe ko babona ubutabera bakwiriye.\u201d<\/p>\n

Bamwe muri aba banyarwanda bafashwe n\u2019inzego z\u2019umutekano za Uganda ariko hatazwi neza aho baherereye, harimo James Bayingana, Lando Alice Kabano, Vianney Byaruhanga, Herbert Munyangaju, Freddy Turatsinze, Jessica Muhongerwa, Vanessa Gasaro, Diane Kamikazi na Diane Kamashazi.<\/p>\n

Aba biyongeraho abandi nka Rene Rutagungira wafashwe ku ikubitiro, ndetse na Fidele Gatsinzi uherutse kugarurwa mu Rwanda agaragaza ibimenyetso by\u2019iyicarubozo yakorewe mu byumweru bibiri bisaga yari afunze.<\/p>\n

Abo mu miryango y\u2019aba bafunze bavuga ko abantu babo bafunzwe mu buryo bunyuranyije n\u2019amategeko ndetse batemererwa kubonana nabo kimwe n\u2019abanyamategeko babo.
\n\"\"<\/a><\/p>\n

Umwe muri aba banyamategeko witwa Gawaya Tegule yagize ati: \u201cUmwuka utari mwiza hagati y\u2019u Rwanda na Uganda ntukwiye gutera guhonyora uburenganzira bwa muntu. Nk\u2019uko twabivuze, bwana Gatsinzi Fidele ubwo namusuraga, ntiyashoboraga gutambuka, ntiyashoboraga kuvuga nyuma y\u2019ibyumweru bibiri afunze. Ibi si ibya kimuntu. Ibintu bamukoreye si ibya kimuntu.\u201d<\/p>\n

Igipolisi cya Uganda cyo kivuga ko nta muntu n\u2019umwe muri aba bavugwa batawe muri yombi uri muri kasho zacyo.<\/p>\n

Umuvugizi w\u2019iki gipolisi, Emilian Kayima, yagize ati: “Nta raporo iyo ari yo yose igaragaza ko hari station ya polisi muri iki gihugu ifite aba bantu bivugwa ko batawe muri yombi.”
\n\"\"<\/a><\/p>\n

Ibi bikaba ari ibintu bikomeje kugaragaza umwuka utari mwiza hagati y\u2019u Rwanda na Uganda watangiye kugaragara mu Ukwakira 2017 nyuma y\u2019itabwa muri yombi rya Rene Rutagungira, kuri ubu ukurikiranweho ibyaha byo gushimuta no gucyura ku ngufu Lt Joel Mutabazi. Itabwa muri yombi ryakurikiwe n\u2019irindi ryinshi ry\u2019Abanyarwanda bafatwa bashinjwa ibyaha by\u2019ubutasi no guhungabanya umutekano wa Uganda.<\/p>\n

\n
\"YouTube