{"id":8934,"date":"2018-01-28T12:23:56","date_gmt":"2018-01-28T12:23:56","guid":{"rendered":"https:\/\/new.bwiza.com\/2018\/01\/28\/ikibazo-cy-iterabwoba-perezida-kagame-akibona-nk-icyakemuka-ngo-n-ubwo-gikomeye\/"},"modified":"2025-02-12T14:53:59","modified_gmt":"2025-02-12T12:53:59","slug":"ikibazo-cy-iterabwoba-perezida-kagame-akibona-nk-icyakemuka-ngo-n-ubwo-gikomeye","status":"publish","type":"post","link":"https:\/\/bwiza.com\/?p=8934","title":{"rendered":"Ikibazo cy\u2019iterabwoba Perezida Kagame akibona nk\u2019icyakemuka ngo n\u2019ubwo gikomeye"},"content":{"rendered":"

Mu nama y\u2019Akanama k\u2019Umuryango wa Afurika Yunze Ubumwe Gashinzwe Amahoro n\u2019Umutekano, yabereye i Addis Ababa muri Ethiopie ku wa Gatandatu tariki ya 27 Mutarama 2018, yibanze cyane ku kibazo cy\u2019iterabwoba, Perezida Kagame yakigarutseho avuga ko n\u2019ubwo kugikemura bigoranye ariko bishoboka.<\/em> <\/strong>
\nPerezida Kagame avuga ko muri Afurika hagaragara impamvu z\u2019iterabwoba kandi na none hakaba n\u2019izindi zituruka hanze ziryongera harimo n\u2019impamvu y\u2019abimukira , gusa agashimangira ko bishoboka gushakirwa umuti.
\nAvuga ko ubu abakora iterabwoba baturuka mu bihugu batsinzwemo, bakajya kurihembera mu bindi, yagize ati \u201cAbakora iterabwoba baraturuka mu bice batsinzwemo ku rwego rufatika nka Syria, Iraq, barashakisha aho bakwihisha ngo bahakorere bagere ku ntego. Urwo ruhurirane rurarushaho gukomeza ikibazo.\u201d
\nPerezida Kagame avuga ko umuti w\u2019ibi bibazo mbere na mbere ari ukwishyira hamwe kw\u2019ibihugu, bigashaka umuti w\u2019ikibazo bigihereye mu mizi.
\nAti \u201cDukeneye kujya ku mizi y\u2019ibi byose tukareba hejuru y\u2019ibyo uko ibihugu byakwishyira hamwe, bigasuzuma bihereye mu mizi y\u2019ikibazo, impamvu zituma kigorana ariko tukanashyira imbaraga zacu hamwe\u201d.
\nYakomeje avuga ko u Rwanda rwiteguye kuba umufatanyabikorwa ukomeye muri ibi bikorwa byo guhashya iterabwoba kandi rufatanyije n\u2019ibindi bihugu biri muri uru rugamba.
\nIki kibazo cy\u2019iterabwoba, Perezida Kagame avuga ko gikomeye ariko ko cyakemuka, ati \u201cNtabwo ntekereza ko ari ikibazo kitakemuka nubwo gikomeye cyane. Ariko dushobora guhuza imbaraga, hari amakuru y\u2019iperereza aba ahari dushobora gusangira, ubundi hakagira igikorwa duhereye kuri ibyo.\u201d
\nIyi nama yibanze ku kibazo cy\u2019iterabwoba, yabanjirije Inteko rusange ya 30 y\u2019abakuru b\u2019ibihugu bigize Umuryango wa Afurika Yunze Ubumwe (AU), \u00a0itangira kuri iki Cyumweru tariki ya 28 Mutarama 2018.
\nIyi nama iraba iyobowe na Perezida Kagame, ibiteganywa kuyikorerwamo no itorwa ry\u2019ubuyobozi bw\u2019inama y\u2019inteko rusange ndetse n\u2019umuyobozi wa AU mu mwaka wa 2019.
\n\u00a0<\/p>\n

\n
\n
\n
\n
\n\u00a0
\n Kanda hano wiyandikishe ( Subscribe) ujye ubona ibiganiro, indirimbo kandi bishya<\/strong> <\/a>\n<\/div>\n<\/div>\n<\/div>\n<\/div>\n<\/div>\n
\n
\"YouTube