\u00a0
\nUbushakashatsi butandukanye bwagiye bugaragaza ko ibibazo byaranze amateka ya jenoside yakorewe Abatutsi mu Rwanda ndetse n\u2019 ubwicanyi bwagiye buba mu Burundi mu bihe binyuranye atari impanuka.
\nUrugero rwa mwalimu w\u2019 imbonezamubano mu Bufaransa muri Kaminuza y\u2019 I Paris I, Dr. \u00a0Andr\u00e9 Guichaoua asanga ishyano ry\u2019 amoko ryibasiye akarere k\u2019 Ibiyaga Bigali atari ubuhubutsi bw\u2019 abantu runaka .
\nAgira ati\u201d Ubu bwicanyi bushingiye ku moko cyangwa se jenoside byateguwe igihe kirekire \u00a0n\u2019 agatsiko k\u2019 abantu bahoze bafite ubutegetsi mu maboko yabo bakanga kuburekura ndetse bakanigizayo bamwe mu benegihugu\u201d.
\nAha, Dr. \u00a0Andr\u00e9 Guichaoua agaragaza amatariki y\u2019 ingenzi y\u2019 amateka y\u2019 u Rwanda n\u2019 u Burundi ndetse anerekana uburyo za Leta zagiye zibasira abaturage batari bafite uruvugiro.
\nMu Rwanda mu myaka ya 1959, 1973, 1994 Abatutsi barishwe na Leta yayoborwaga n\u2019 Abahutu ndetse n\u2019 Abahutu\u00a0 bo mu Burundi bicwa na Leta yayoborwaga n\u2019 Abatutsi muri 1965, 1972, 1988, 1991, 1993.
\nKuri iki kibazo cy\u2019 ubwicanyi bwaranze amateka y\u2019 u Burundi n\u2019 u Rwanda nyuma y\u2019 ubwigenge, Umwalimu w\u2019 amateka, \u00a0Alison Des Forges wigeze no kuba umushakashatsi muri \u00a0Human Rights Watch yavuze ko ubwicanyi bwose bwabaye muri ibi bihugu butabaye impanuka, umuhengeri cyangwa inkubiri y\u2019 amateka.
\nAti\u00a0\u00ab\u00a0 Amakimbirana , ubwicanyi ndetse na jenoside ntibyabaye umunsi umwe cyangwa ku bushake bw\u2019 umuntu ku giti cye ahubwo twemeranye ko ari icyemezo cy\u2019 abanyembaraga bafatanyije n\u2019 abaterankunga babo\u201d.
\nDes Forges yerekanye ko uwavuga ko jenoside yakorewe Abatutsi idafitanye isano n\u2019 amateka y\u2019 u Rwanda ndetse n\u2019 Akarere yaba yibeshye cyane.
\nAti\u201d Jenoside yakorewe Abatutsi ni imbuto yabibwe kuko yabanjirijwe n\u2019 ibimenyetso byinshi harimo n\u2019 ubwicanyi bwakorerwaga Abatutsi hirya no hino mu Rwanda buhoro buhoro\u201d.<\/p>\n
Ati\u201d Si ibyo gusa kuko no kuva FPR\/Inkontanyi itangiza urugamba muri 1990 , Leta ya Juvenal Habyarimana yatangiye \u00a0kwica Abatutsi \u00a0bucece\u201d.
\nNi muri uru rwego , Minisitiri w\u2019 umutekano w\u2019 igihugu mu Burundi ,Colonel Ascension Twagiramungu yigeze gutangaza ko jenoside yakorewe Abatutsi mu Rwanda ifitanye isano n\u2019 ubwicanyi bwabereye mu Burundi muri 1993.
\nAti\u201d Jenoside yo muri 1994 yageragejwe mu Burundi muri 1993 ntiyagera ku ntego zayo ariko bigeze mu Rwanda bitewe ni uko nta gisirikare Abatutsi bari bafite barabica hafi kubamara\u201d.
\nCol. Ascension ashimangira ibi ahereye ku bwicanyi bwakorewe Abatutsi \u00a0mu Burundi nyuma yaho Perezida Melchior Ndadaye yiciwe n\u2019 abasirikare ba Leta yari iyobowe n\u2019 Abatutsi.
\n Kanda hano wiyandikishe ( Subscribe) ubona ibiganiro, indirimbo kandi bishya mu mashusho<\/a><\/em> <\/strong>
\n