{"id":8963,"date":"2018-01-30T13:45:43","date_gmt":"2018-01-30T13:45:43","guid":{"rendered":"https:\/\/new.bwiza.com\/2018\/01\/30\/benyamin-netanyahu-arashinjwa-kugerageza-kongera-kwandika-amateka-y-039-u\/"},"modified":"2018-01-30T13:45:43","modified_gmt":"2018-01-30T13:45:43","slug":"benyamin-netanyahu-arashinjwa-kugerageza-kongera-kwandika-amateka-y-039-u","status":"publish","type":"post","link":"https:\/\/bwiza.com\/?p=8963","title":{"rendered":"Benyamin Netanyahu arashinjwa kugerageza kongera kwandika amateka y'u Rwanda"},"content":{"rendered":"

Abayobozi b\u2019uruhande rutavuga rumwe n\u2019ubutegetsi muri Israel bibasiye Minisitiri w\u2019Intebe, Benyamin Netanyahu bamuziza gushyigikira Guverinoma y\u2019u Rwanda mu cyo bise gushyira Abahutu baguye muri jenoside ku ruhande mu gihe cyo kwibuka bavuga ko ari ukugerageza kongera kwandika amateka.
\nUmuyobozi w\u2019ishyaka ry\u2019abakozi, Avi Gabbay, ashinja Netanyahu kongera kwandika amateka nk\u2019ayo yashinje inteko nshinga amategeko ya Pologne mu mushinga w\u2019itegeko ryayo rihana abazongera gushinja Abanyapologne ibyaha byakorewe Abayahudi ubwo iki gihugu cyari cyarigaruriwe n\u2019Abanazi.
\nNubwo bamwe mu Banya-Israel babyumva gutya ariko, mu gihe cyo kwibuka mu Rwanda hibukwa abantu bose bishwe muri jenoside hatitawe ku bwoko bwabo nk\u2019aho buri mwaka muri iki gihe hibukwa abanyapolitiki b\u2019Abahutu bishwe muri jenoside bazira kudashyigikira ubutegetsi bwari buriho nka ba Agatha Uwiringiyimana, Nzamurambaho Frederick n\u2019abandi..
\nGabbay akaba avuga ko Leta ya Israel igomba guha agaciro politiki yayo mpuzamahanga, ariko ko inyungu zitagomba kuza imbere y\u2019ukuri kandi bagomba kwamagana amashyaka ashyigikiye ubutegetsi bashinja gukwirakwiza ubutumwa bw\u2019urwango bw\u2019abanyamahanga, ubwoba, ivangura no guhiga abanzi b\u2019imbere mu gihugu, aho ngo abatavuga rumwe n\u2019ubutegetsi bitwa abagambanyi kandi hagakoreshwa demokarasi mu kubasenya.
\nGabbay ati: \u201cNyuma yo kumenyera amakuru y\u2019ibinyoma (fake news) ubu barimo kugerageza kongera kwandika amateka. Niko bimeze kuri iyo nteko ishinga amategeko kandi ni nako bimeze mu gitekerezo cyashyizwe imbere n\u2019u Rwanda mu cyumweru gishize.\u201d
\nIgihugu cya Israel giherutse gushyigikira u Rwanda muri Loni mu kwemeza Umunsi Mpuzamahanga Wahariwe Kwibuka Jenoside Yakorewe Abatutsi mu Rwanda”, mu gihe mbere byitwaga\u201dUmunsi Mpuzamahanga wo kuzirikana kuri Jenoside mu Rwanda\u201d cyangwa \u201cInternational Day of Reflection on Genocide in Rwanda\u201d mu Cyongereza.
\nAba batavuga rumwe n\u2019ubutegetsi muri Israel bakavuga ko ibi bigamije gutesha agaciro urupfu rw\u2019Abahutu nabo bishwe muri jenoside. Ngo mu gihe ibi bitashyigikiwe na Leta Zunze Ubumwe za Amerika n\u2019ibihugu byo mu Burayi, ngo Israel yatoye uyu mwanzuro mu buryo bwo gushaka uko yagera ku bwumvikane n\u2019u Rwanda bwo kwakira abimukira b\u2019Abanyafurika birukanwa muri Israel.
\nHagati aho nk\u2019uko urubuga Hamodia.com rwo muri Israel dukesha iyi nkuru rukomeza ruvuga, ngo kuri uyu wa Mbere, chairman w\u2019ishyaka Yesh Atid witwa Yair Lapid akaba yaranenze Minisitiri w\u2019Intebe gushaka uko yagera ku mwumvikano na guverinoma ya Pologne ku itegeko rirebana na jenoside yakorewe Abayahudi.
\nAti: \u201cNtidushyikirana ku kwibuka abapfuye. Iri tegeko rigomba gushyingurwa mu butaka bwa pologne bwuzuye amaraso y\u2019Abayahudi\u201d
\nLapid avuga ko aho kujya mu mishyikirano na Pologne Israel ikeneye kubwira Pologne ikintu kimwe: \u201cIri tegeko niritambuka, muzadukurikirana mu mategeko.\u201d Yongeyeho ko bitari impanuka kuba inkambi zafungirwagamo Abayahudi nyinshi zarabaga muri Pologne, ahubwo ari ukubera ko muri iki gihugu hahoze ingengabitekerezo yo kwanga Abayahudi kandi ngo ntaho yagiye. Ati: \u201cNtituzemerera guverinoma ya Pologne gutuma abaturage bayo bibagirwa.\u201d
\nUko bimeze kose, Ambasaderi w\u2019u Rwanda muri Loni, Valentine Rugwabiza, yatangaje ko uyu mwanzuro ari indi ntambwe ku muryango mpuzamahanga yo guha agaciro abatakarije ubuzima muri Jenoside yakorewe Abatutsi muri Mata 1994 , no kuzirikana ugutwaza abayirokotse bakomeje kugira.
\n Kanda hano wiyandikishe ( Subscribe) ubona ibiganiro, indirimbo kandi bishya mu mashusho<\/a><\/em> <\/strong> <\/p>\n

\n
\"YouTube