{"id":8966,"date":"2018-01-30T14:19:09","date_gmt":"2018-01-30T14:19:09","guid":{"rendered":"https:\/\/new.bwiza.com\/2018\/01\/30\/isesengura-ikibazo-cy-umubano-w-u-rwanda-n-u-bufaransa-kizakemurwa-n-amateka\/"},"modified":"2025-02-12T14:41:34","modified_gmt":"2025-02-12T12:41:34","slug":"isesengura-ikibazo-cy-umubano-w-u-rwanda-n-u-bufaransa-kizakemurwa-n-amateka","status":"publish","type":"post","link":"https:\/\/bwiza.com\/?p=8966","title":{"rendered":"Isesengura : Ikibazo cy\u2019 umubano w\u2019 u Rwanda n\u2019 u Bufaransa kizakemurwa n\u2019 amateka"},"content":{"rendered":"

Hashize imyaka 2 n\u2019 amezi 4, u Bufaransa butagira ubuhagarariye mu Rwanda, kuva ubwo Michel Flesch wari uhagarariye iki gihugu yajyaga mu zabukuru.<\/strong>
\nAkimara kujya mu kirihuko ,Umukambwe Flesh asimbuwe\u00a0 na Fred Constant abengwa n\u2019 u Rwanda birangira yoherejwe muri Guin\u00e9e Equatoriale.
\nAmateka ya politiki y\u2019 ibihugu byombi agaragaza ko ibi ari ingaruka zituruka ku ruhare\u00a0 u Bufaransa bwagize muri jenoside ndetse n\u2019 imikoranire bwari bufitanye na Leta ya Habyarimana.
\nMu kiganiro n\u2019 itangazamakuru ryo mu Rwanda , Ushinzwe ububanyi n\u2019 amahanga muri Ambasade y\u2019 u Bufaransa mu Rwanda, Etienne de Souza yatangaje ko bakomeje gukora ibishoboka kugirango ibihugu byombi bigirane umubano mwiza.
\nAti\u00a0\u00ab\u00a0 Turagerageza gukoresha amahirwe yose abonetse , mu by\u2019 ukuri nta kizabuza ko ibihugu byombi byongera kugirana umubano mwiza bishingiye kuri diplomasi , nizere ko turi mu nzira nziza z\u2019 impinduka nubwo hari igihe bigenda neza ubundi bikanga\u00a0\u00bb.
\nSouza yakomeje ashimangira ko icy\u2019 ingenzi ni uko impande zombi zigeregeza kurenga amateka mabi bigamije kubaka ejo heza hazaza bishingiye mu kubahana.
\nNubwo yirinze gutanga izina no kuvuga umunsi, Souza yanatangaje kandi ko mu bihe runaka u Bufaransa bushobora kuzohereza ambasaderi wabwo mu Rwanda.
\n

\"\"
Uwahoze ari Perezida w’Ubufaransa Nicolas Sarkozy aherutse kugenderera u Rwanda<\/strong><\/figcaption><\/figure>
\n Leta y\u2019 u Rwanda ivuga iki kuri iyi nsanganyamatsiko ?<\/strong>
\nUbwo yabazwaga impamvu yo guhambiriza gitaraganye Fred Constant wari waje guhagarira u Bufaransa mu Rwanda , mu kiganiro na \u00a0Jeune Afrique muri Mata 2016, Perezida \u00a0Paul Kagame \u00a0yavuze ko mbere y\u2019 ibyo abantu bari bakwiriye kwibaza impamvu umubano w\u2019 ibihugu byombi utameze neza ndetse bakanabishakira umuti.
\nYagize ati\u00a0\u00ab\u00a0Ndatekereza ko u Bufaransa bugomba gusobanura aho buhagaze ku kibazo cy\u2019 u Rwanda kuko hari abajenosideri bakidegembya muri icyo gihugu ndetse niyo bafunzwe bahita barekurwa ndetse ntiboherezwe kuburanishirizwa aho bakoreye ibyaha\u00a0\u00bb.
\nUbusesenguzi bugagaragaza ko nubwo umubano hagati y\u2019 u Bufaransa n\u2019 u Rwanda wakongera gusubukurwa mu rwego rwa diplomasi ntacyo byatanga hatarabaho kwatura ko bamwe mu bayobozi bakoranye na Mitterand bagize uruhare mu gutegura no gushyira mu bikorwa jenoside yakorewe Abatutsi muri 1994.
\nAho muri Mata 2016, Perezida Paul Kagame yashimangiye cyane ko u Bufaransa butakagombye kwitwaza ubuhangange ahubwo bukwiriye guca bugufi bugasaba imbabazi.
\nAti\u00a0\u00ab\u00a0 Ntidushobora na rimwe kubakira umubano wau\u00a0 ku binyoma ahubwo dukwiriye kwicara hamwe dugacoca ibibazo byatumye tutumvikana bityo tukabona kwakira ambasaderi uhagarariye iki gihugu mu Rwanda\u00a0\u00bb.
\nPerezida Kagame yatangiye gufatira u Bufaransa ibyemezo bikaze nyuma yaho Guverinoma ya Hollande yiyemeje gutesha agaciro dosiye z\u2019 ubwiru hagati y\u2019 u Rwanda \u00a0n\u2019 u Bufaransa hagati ya 1990-1994 zihishe muri Champs ELYSES.
\nKuba amabanga y\u2019 \u00a0imikoranire Leta ya Perezida Mitterand yari ifitanye na Habyarimana itarabasha kujjya ahagaragara bizatuma ibihugu byombi bihorana urwikekwe.
\nKu ruhande rumwe, Leta y\u2019 u Rwanda ishinja u\u00a0 Bufaransa gucumbikira \u00a0abajenosideri batari bacye ndetse ntibashikirizwa ubutabera.
\nKu rundi ruhande, u Bufaransa bwatangije iperereza ndetse bukanshinja FPR guhanura indege ya Juvenal Habyarimana kandi ari bo babitse agasanduka ku mukara(black box) ishobora gutanga amakuru nyayo.
\nIbyo ni bimwe mu bibazo by\u2019 ingutu bishobora gutuma ibihugu byombi bidacana uwaka keretse habayeho kwirekura no guca bugufi nubwo bitoroshye!
\n Kanda hano wiyandikishe ( Subscribe) ubona ibiganiro, indirimbo kandi bishya mu mashusho<\/a><\/em> <\/strong> <\/p>\n
\n
\"YouTube