{"id":8970,"date":"2018-01-30T15:24:00","date_gmt":"2018-01-30T15:24:00","guid":{"rendered":"https:\/\/new.bwiza.com\/2018\/01\/30\/umunyarwanda-cyemayire-emmanuel-washimutiwe-muri-uganda-aravuga-ko-avuye-i\/"},"modified":"2025-02-12T14:41:32","modified_gmt":"2025-02-12T12:41:32","slug":"umunyarwanda-cyemayire-emmanuel-washimutiwe-muri-uganda-aravuga-ko-avuye-i","status":"publish","type":"post","link":"https:\/\/bwiza.com\/?p=8970","title":{"rendered":"Umunyarwanda, Cyemayire Emmanuel washimutiwe muri Uganda, aravuga ko avuye i Kuzimu-Video"},"content":{"rendered":"

Emmanuel Cyemayire, umunyarwanda wari umaze iminsi 25 afungiye muri Uganda, atangaza ko byamubereye nk\u2019inzozi abonye ageze ku butaka bw\u2019u Rwanda bitewe naho avuye yita i Kuzimu.<\/em> <\/strong>
\nMu kiganiro yagiranye n\u2019 abanyamakuru i Kigali kuri uyu wa Kabiri tariki 30 Mutarama 2018, aho arimo kwivuriza ku bitaro bya polisi, Cyemayire atangaza ko yafashwe n\u2019inzego z\u2019iperereza za gisirikare za Uganda (CMI) ku wa 4 Mutarama arafungwa, arekurerwa ku Mbere\u00a0tariki ya 29\u00a0Mutarama , ari nabwo yahise ataha mu Rwanda.
\nAho yari afungiye ahagereranya n\u2019i Kuzimu, bitewe n\u2019ibikorwa by\u2019iyicarubozo yakorewe, afungirwa mu mazi, akubitwa, afungwa ibitambaro mu maso,\u2026
\nAgira ati \u201cNdumva ndimo kurota, ntabwo nemera ko ndi hano, ahari ndimo kurota kuko mvuye i Kuzimu\u201d.
\nAvuga ko abamufashe yamenyemo uwitwa Maj. Mushambo, ushinzwe iperereza muri Mbarara, agira ati \u201cHari abo nabashije kubona nsanzwe mbona muri Mbarara, uwitwa Major Mushambo narinsanzwe muzi, nahise mbona isura ye kuko najyaga mubona muri Mbarara,\u2026 ubwo bahise bamfunga iri kote nambaye [reba Video hasi] banjyana mu kigo cya Makenke, Mushambo niwe wagiye ambaza ibibazo mu Kinyarwanda,\u2026\u201d.
\n Avuga ko yafungiwe mu cyumba kirimo amazi:<\/em> <\/strong>
\nAgira ati \u201cBanshyize muri kasho harimo amazi, mu cyumba cya njyenyine, kirimo amazi kuri sima, ndaramo bukeye mu gitondo nka saa yine banjyana kubazwa ibibazo,\u2026 nimugoroba saa moya n\u2019igice bamfunze igitambaro mu maso banjyana i Kampala, namenye aho ndi nyuma kuko nabajije uwundi mufungwa twari kumwe.
\nNamaze iminsi umunani mboshye amaguru yose n\u2019amapingu, banziritse amaguru bayanaganika ku cyuma, noneho n\u2019amaboko nayo barayazirika, ndyama ku makaro, namaze iminsi umunani nta muntu umbaza uretse kuza kunkubita mu gitondo na nimugoroba, bankubitaga inshyi n\u2019imigeri, namaze iyo minsi nkubitwa nta kintu nifubitse, nahagiriye ibihe bikomeye cyane.
\nNaharwariye umugongo n\u2019ubu umugongo urambabaza,\u2026 mu bibazo bambajije, bambajije abajenerali bo mu Rwanda tuvugana, ndababwira nti no mu muryango wacu nta musirikare ibamo.<\/p>\n

<\/div>\n

Nkurikije ukuntu nafunzwe, navuga ko nafunzwe na Deo Nyirigira kuko umunsi wo kumfata hari umupasiteri waje, ni ikipe y\u2019abapasiteri batanu akuriye, umunsi wo kumfata nagiye kurya saa sita nkerewe mpura nawe asohoka mu rupangu kandi ntabwo yari azi iwanjye, nibaza igitumye ahaza, nyuma nabonye ko yari aje kureba neza inzu mbamo,\u2026
\nDeo ni umunyarwanda, ni umugabo ufite imyaka nka 65, yagiye i Bugande muri za 98, ariko ajyana ikipe nini irimo abantu bavuye mu gisirikare cya hano (mu Rwanda) nibo bamuba hafi, nibo bamurinda ariko nabonye ashyigikiwe n\u2019inzego z\u2019iperereza za Uganda, \u2026.
\nIkibazo kiri hariya iyo bazi ko uvuga rumwe na Leta y\u2019u Rwanda, ko uza mu Rwanda, bakwishyiramo, barakwikanga, ni Abanyarwanda bafatisha bagenzi babo ntabwo ari Abagande,\u2026.
\nAhantu ha gatatu avuga ko yafungiwe, ngo yasanzemo abantu bashinjwa ibyaha bikomeye by\u2019ubwicanyi, barimo Abagande, Abasomaliya, Abanye Congo,\u2026 Ati \u201cSimbizi niba harimo n\u2019Abanyarwanda kuko harimo ibyumba byinshi kandi bari baramfunze igitambaro mu maso\u201d.
\nAshimangira ko ifungwa rye Pasiteri Deo ari we warigizemo uruhare, ati \u201cKuri conclusion bambwiye ko bari bamfatiye ko ndi mu gihugu cya Uganda binyuranyije n\u2019amategeko, ntabwo bambwiye ko nafunzwe na Deo ariko nabonye ko nafunzwe na Deo, nabonye statement yakozw n\u2019abapasiteri, baje iwanjye kureba aho ntuye,\u2026 nkurikije aho mvuye, ntabwo nasubirayo, ntabwo nasubira Uganda\u201d.
\nMu kwezi kwa cumi umwaka ushize, nibwo mu binyamakuru hatangiye kuvugwa inkuru z\u2019ishimutwa ry\u2019Abanyarwanda baba muri Uganda, bagafungwa, bagakorerwa iyicarubozo bamwe bagafatwa bashinjwa kuba intasi z\u2019u Rwanda.
\nNk\u2019uko ibinyamakuru bitandukanye byagiye bibitangaza, urwego rw\u2019ubutasi rwa gisirikare rwa Uganda, nirwo rutungwa agatoki kuba inyuma y\u2019ibi bikorwa byo gushimuta Abanyarwanda ndetse no gukorana n\u2019abarwanya Leta y\u2019u Rwanda bamwe ngo banabarizwa mu ishyaka RNC riyobowe na Kayumba Nyamwasa.
\n REBA VIDEO:<\/strong>
\n\u00a0
\n Kanda hano wiyandikishe ( Subscribe) ubona ibiganiro, indirimbo kandi bishya mu mashusho<\/a><\/em> <\/strong>
\n