{"id":8977,"date":"2018-01-31T11:21:18","date_gmt":"2018-01-31T11:21:18","guid":{"rendered":"https:\/\/new.bwiza.com\/2018\/01\/31\/kigali-uruganda-rw-039-itabi-rwa-rwigara-assinapol-rwareze-leta-yarufunze\/"},"modified":"2025-02-12T14:41:27","modified_gmt":"2025-02-12T12:41:27","slug":"kigali-uruganda-rw-039-itabi-rwa-rwigara-assinapol-rwareze-leta-yarufunze","status":"publish","type":"post","link":"https:\/\/bwiza.com\/?p=8977","title":{"rendered":"Kigali: Uruganda rw' itabi rwa Rwigara Assinapol rwareze Leta yarufunze"},"content":{"rendered":"

Urukiko rw’ubucuruzi rwa Nyarugenge rwaburanishije urubanza uruganda rukora itabi \u201cPremier Tobacco Company (PTC)\u201d rw\u2019umuryango wa Rwigara <\/em> Assinapol , ruregamo ikigo cy’imisoro n\u2019amahoro (RRA), ko rumaze amezi asaga 7 rufunzwe bikaba byararuteje igihombo.<\/em> <\/strong>
\nUru ruganda rurega ikigo cy’imisoro gufatira bimwe mu bikoresho byarwo bikaba byaratumye rumaze amezi agera kuri arindwi rudakora, iri funga ngo rikaba ryarateye igihombo gikomeye uruganda, rugasaba urukiko ko rwategeka rukongera gufungurwa.
\nMu izina ry’uruganda, Premier Tobacco Company, umunyamategeko Rwayitare Janvier yavuze ko ikirego cye cyihutirwa kuko uruganda rumaze amezi asaga arindwi ruhagaze.
\nBBC dukesha iyi nkuru, itangaza ko uyu munyamategeko yabwiye urukiko ko ikigo cy’imisoro cyafatiriye ibikoresho ngenderwaho by’uruganda. Mu byo yavuze harimo amakonti yo mu mabanki yafunzwe ndetse n’ibitabo by’ibaruramutungo byafatiriwe.
\nYavuze kandi n’ububiko bw’itabi ryamaze gukorwa ndetse n’ibikoresho byifashishwa mu gukora itabi byafunzwe.
\nYabwiye umucamanza ko ikigo PTC cyagize igihombo gikomeye cyatewe n’uku gufungirwa, ko \u00a0cyatakaje abakiliya ba buri munsi ndetse kikaba gishobora no gutakarizwa icyizere kubera amasezerano cyari cyarasinye ntikiyubahirize kubera gufungirwa.
\nYasabye urukiko gukuraho izi nzitizi kugira ngo uruganda rushobore gukomeza gukora bityo n’igihugu gikomeze kunguka kubera imisoro myinshi yatangwaga n’uru ruganda.
\nUruhande rwunganira ikigo cy’imisoro rwo rwavuze ko nta kintu cyihutirwa muri iki kirego kuko imirimo y’uruganda itahagaritswe.
\nBavuga ku makonti yafunzwe, abanyamategeko Clement Gatera na Bajeni Byiringiro bunganira ikigo cy’imisoro bavuze ko icyemezo cyafashwe kubera imisoro itarishyuwe.
\nKu byafatiriwe, aba banyamategeko bavuga ko ntacyo byahungabanije ku mikorere y’uruganda kuko bitari ibikenerwa umunsi ku wundi.
\nGusa umunyamategeko Rwayitare wunganira uruganda akavuga ko ibi ari ukwigiza nkana.
\nYibajije ukuntu uruganda rwakora kandi ibikoresho by’ibanze bifungiranye, rudashobora kugera mu bitabo by’ibaruramari ndetse ngo rushobore gukoresha amakonti yarwo.
\nUbwo bavugaga ko akazi katahagaze humvikanye urusaku rw’abo byabonekaga ko bahagarariye abakozi basaga n’abatemera ibivuzwe.
\nAba bari bake mu bakozi babarirwa muri 200 bakoreraga uruganda ngo bamaze amezi 7 baraheze mu gihirahiro.
\nUruganda Premier Tobacco Company ni urw’umuryango wa Rwigara Assinapol umaze imyaka ibiri apfiriye mu mpanuka y\u2019imodoka.
\n\"\"<\/p>\n

\n
\"YouTube