{"id":8985,"date":"2018-01-31T15:10:50","date_gmt":"2018-01-31T15:10:50","guid":{"rendered":"https:\/\/new.bwiza.com\/2018\/01\/31\/ese-u-bufaransa-ntibutewe-impungenge-na-perezida-kagame-ku-mutwe-wa-ua\/"},"modified":"2018-01-31T15:10:50","modified_gmt":"2018-01-31T15:10:50","slug":"ese-u-bufaransa-ntibutewe-impungenge-na-perezida-kagame-ku-mutwe-wa-ua","status":"publish","type":"post","link":"https:\/\/bwiza.com\/?p=8985","title":{"rendered":"Ese u Bufaransa ntibutewe impungenge na Perezida Kagame ku mutwe wa UA?"},"content":{"rendered":"

Amateka agaragaza ko nubwo nta zahabu u Bufaransa bwavanaga mu Rwanda ariko bwarababajwe no gutakaza iki gihugu nyuma ya jenoside bwagizemo uruhare muri 1994.<\/strong> <\/em>
\nAbahanga mu by\u2019 ubumenyi bw\u2019 Isi bavuga ko u Rwanda ruri hagati ya Afurika ibyo bigatuma igihugu nk\u2019 u Bufaransa cyari gifite amahirwe menshi yo kuhashyira ibirindiro bityo bukahapangira imipango yose ikajya gukorerwa hirya no hino.
\n U Bufaransa bushobora kurushaho gutakaza ikibuga muri Afurika<\/strong>
\nMu gihe Perezida w\u2019 u Rwanda, Paul Kagame yatangiye kuyobora Umuryango wa Afurika Yunze Ubumwe(UA) Abafaransa batangiye kwikanga ko u Rwanda rushobora kugira uruhare mu kumvisha ibindi bihugu bya Afurika ko politiki y\u2019 iki gihugi ishaje.
\nIsesengura ryigenga rya Bwiza.com rigaragaza ko Nicolas Sarkozy usanzwe ari inshuti ya Perezida Kagame yasuye u Rwanda mu rwego rwo \u00a0guharanira ko u Bufaransa budakomeza kubura ijambo muri Afurika nk\u2019 uko byabugendekeye mu Rwanda .
\nSarkozy yagombaga kuvugana na Perezida Paul Kagame kuri politiki ndetse n\u2019 ishusho y\u2019 u Bufaransa nk\u2019 uko yabitumwe na \u00a0Perezida Emmanuel Macron.
\nIki cyizere bafitiye Perezida Kagame giterwa ahanini n\u2019 ubushake bwa politiki ndetse n\u2019 ubushobozi akomeje kugaragaza ahanini mu kohereza ubutumwa bw\u2019 amahoro hirya no hino kugeza no muri Centrafurika aho ingabo ze zifitiwe icyizere kurusha n\u2019 ingabo z\u2019 abafaransa kandi zifite ubushobozi.
\nAbakurikiranira hafi politiki y\u2019 ubukungu bw\u2019 Isi basanga u Bufaransa n\u2019 u Budage biyoboye Umuryango w\u2019 Ibihugu by\u2019 i Burayi(UE) byatangiye guterwa amakenga n\u2019 icyifuzo cya Perezida Paul Kagame cy\u2019 uko Umuryango wa Afurika Yunze Ubumwe(UA) yagira ingengo y\u2019 imari yihagije.
\nIbi bihugu bibiri( U Bufaransa & U Budage) bisanga uyu muryango uhuza Afurika ushoboye kwihaza mu by\u2019 ubukungu bajya baganira amaso ku yandi bityo ubwigenge nyabwo bukaba bwageraho.
\nKu ruhande runini, Sarkozy yasuye Paul Kagame bitewe n\u2019 impungenge afite zo kubona ko politiki nshya agiye kuzana ishobora gutuma u Bufaransa\u00a0 butakaza\u00a0 uduce tw\u2019 Afurika y\u2019 u Burengerazuba, Afurika yo Hagati.
\nKuva na nyuma y\u2019 amateka y\u2019 ubukoloni, u Bufaransa bwakomeje gufata ibi bihugu nk\u2019 akalima kabwo bwite niyo mpamvu bukomeje kugira amakenga ko bibonye ubwigenge mu by\u2019 ubukungu byaba birangiye.
\nKugirango u Bufaransa bushobore gukorana neza n\u2019 u Rwanda ni uko Perezida Emmanuel Macro agomba gukemura ibibazo igihugu gifitanye n\u2019 u Rwanda bishingiye ahanini kuri jenoside yakorewe Abatutsi muri 1994.
\n Kanda Subscribe kuri Bwiza TV ujye ubona videwo zigezweho z\u2019ubuzima,imikino,imyidagaduro\u2026<\/a><\/strong> <\/p>\n

\n
\"YouTube