{"id":8989,"date":"2018-01-31T18:24:51","date_gmt":"2018-01-31T18:24:51","guid":{"rendered":"https:\/\/new.bwiza.com\/2018\/01\/31\/bamwe-mu-basirikare-n-abanyapolitiki-bazwiho-amagambo-n-ibikorwa-byo-gutega\/"},"modified":"2025-02-12T14:41:21","modified_gmt":"2025-02-12T12:41:21","slug":"bamwe-mu-basirikare-n-abanyapolitiki-bazwiho-amagambo-n-ibikorwa-byo-gutega","status":"publish","type":"post","link":"https:\/\/bwiza.com\/?p=8989","title":{"rendered":"Bamwe mu basirikare n\u2019abanyapolitiki bazwiho amagambo n\u2019ibikorwa byo gutega iminsi Perezida Nkurunziza"},"content":{"rendered":"

Kuva mu mwaka wa 2015, nibwo bamwe mu banyapolitiki n\u2019abandi bo mu nzego z\u2019umutekano batangiye gutinyuka, bagaragaza ibitekerezo byabo basaba Perezida Nkurunziza kurekura ubutegetsi, byabaviriyemo kwitwa abanzi b\u2019igihugu bamwe barahunga abandi barafungwa.<\/em> <\/strong>
\nBamwe muri aba banyapolitiki aho bari mu buhunzi, bagiye batangaza byinshi byo gutega Nkurunziza iminsi, bakangurira Abarundi bagenzi babo guhaguruka bakamurwanya, kimwe n\u2019uko hari abagiye babigaragaza mu bikorwa, aho ku wa 13 Gicurasi 2015, bayobowe na Gen Niyombare bagerageje kumuhirika ku butegetsi bikabananira.
\n 1.G\u00e9n. Philbert Habarugira:<\/strong> Ubwo yatangazaga ko aho bahungiye na bagenzi be bategura urugamba rwo kuvana ku butegetsi Perezida Nkurunziza, nibwo yatangaje ko uko byagenda ko umubare w\u2019abasirikare bahunze uhagije ngo bongere bategure umugambi wo kumuvanaho bakoresheje uburyo ubwo ari bwo bwose.
\n

\"\"
G\u00e9n. Philbert Habarugira<\/em> <\/strong><\/figcaption><\/figure>
\nYagize ati \u201cAbasirikare b\u2019u Burundi bari mu bunzi ni benshi, turi abajenerali 12 b\u2019igisirikare cya Leta na polisisi, si abajenerali gusa, hari ba koloneli, majoro, kapiteni n\u2019abandi basirikare bari kumwe natwe bashaka gukomeza igikorwa nk\u2019icyo twakoze ku wa 13 Gicurasi (2015)\u201d.
\nYakomeje agira ati \u201cIgikurikiyeho ni uko tugiye gutegura uburyo bushoboka bwose bwo kwirwanaho kugira ngo twumvishe Pierre Nkurunziza ko agomba kurekura ubutegetsi, kandi ibi tuzabikora ku ngufu dushyiraho umutwe wa gisirikare, turi abajenerali 12 b\u2019igisirikare cya Leta na polisi, ikindi kandi dufite minisitiri w\u2019ingabo uturi inyuma, twizeye intsinzi\u201d.
\n 2.Brig. Gen.Jean Marie <\/strong> <\/em> Ndayambaje<\/strong> : Mu kiganiro yagiranye na NTV, Televiziyo yo muri Kenya, uyu musirikare ubwo yashimangiraga ko inyeshyamba za FDLR zinjijwe mu Burundi kurinda no kugumisha ku butegetsi Perezida Nkurunziza, nibwo yatangaje ko mu gihe Nkurunziza azaba atarazirukana (FDLR) nk\u2019Abarundi bazashaka uburyo birwanaho.
\n\"\"
\nYagize ati \u201cAbaturage b\u2019u Burundi bafite ubwoba kubera Perezida Nkurunziza, Nkurunziza dushobora kumuha umwaka umwe w\u2019inzibacyuho [ yabivugaga mu 2015<\/em> ], visi Perezida akaba aturuka mu rindi shyaka na Minisitiri w\u2019Intebe,\u2026 Interahamwe-FDLR ntabwo zituruka mu Barundi, Interahamwe zaje gutera ingabo mu bitugu Nkurunziza\u201d.
\nMu gihe ashimangira ko Leta ya Nkurunziza yinjije mu gihugu abarwanyi ba FDLR ngo bayirwanirire, yashimangiraga ko mu gihe abo barwanyi batazirukanwa, hari ikizakorwa.
\nAti \u201cTwiteguye kurwanya Interahamwe zikajya mu kindi gihugu kuko Interahamwe ni abicanyi, abaturage b\u2019u Burundi twiteguye kurwanya Interahamwe, mu gihe Nkurunziza atemera kwirukana cyangwa ngo ahagarike Interahamwe akoresheje imbaraga afite ubu (2015), Abarundi tuzashaka ubundi buryo dukoresha, birumvikana, uburyo tuzakoresha ni ibanga ryacu\u201d.
\n 3.Domitille Kiramvu:<\/strong> Ni umunyamakuru uzwi cyane mu Burundi, yakoreye radiyo na Televiziyo by\u2019u Burundi, na radiyo RPA, uyu mugore yagiye akoresha imvugo isa nkaho ituka umukuru w\u2019igihugu, Petero Nkurunziza, aho yagize ati \u201cNkurunziza yakoze sakirirego, ni umumenji kandi yiyita umukozi w\u2019Imana\u201d.
\n
\"\"
Kiramvu Domitille<\/em> <\/strong><\/figcaption><\/figure>
\nYagize ati \u201cNta kindi cyakorwa uretse gukuraho Nkurunziza, hari abibwira ko ibiganiro bizamukuraho, aho baribeshya, ibiganiro bashobora kubyitaba kuko batorohewe n\u2019amahanga ubundi babitinze bizamare imyaka mirongo, iyi manda nirangira yiyongeze n\u2019izindi,\u2026
\nUyu mugore yashimangiye ko mu gihe umuhungu wa Nkurunziza arimo kuminuza mu bya gisirikare, hatagize igikorwa ngo se ave ku buyobozi, ko yazabusaziraho akazabusigira uwo muhungu.
\n 4.Gen Niyombare Godefroid:<\/strong> Uyu mujenerali ibyo kurwanya Perezida Nkurunziza afatanyije n\u2019abandi basirikare n\u2019abapolisi babigaragaje ku wa 13 Gicurasi 2015, ubwo bageragezaga kumuhirika ku buyobozi bikabananira.
\n\"\"
\nNyuma yaho ananiriwe gukora kudeta, yarahunze, mu binyamakuru hagasohoka inkuru avuga ko arimo gutegura urugamba rugamije kuzakura ku butegetsi Nkurunziza, ndetse ko aho bari batarimo kurera amaboko.
\nAbandi basirikare bakomeye bahunze u Burundi, baha amahirwe uyu mugabo Niyombare ko igihe cyose bazaba bagabye ibitero, ari we wabajya imbere abayoboye, ko afite ubuhanga bwo guhuza ibitekerezo bya benshi.
\n 5.Hussein Radjab<\/strong> : Uyu munyapolitiki izina rye mu Burundi abenshi bararizi, iyo avuzwe benshi bamwibuka ari umuyobozi w\u2019ishyaka rya CNDD FDD, nyuma akaza kwitandukanya na Leta y\u2019u \u00a0Burundi.
\nUyu munyapolitiki mu mwaka wa 2007 ubwo yavaga ku buyobozi bwa CNDD-FDD yahise afungwa ashinjwa gushinga umutwe w\u2019inyeshyamba ndetse no gutuka umukuru w\u2019igihugu, Petero Nkurunziza ngo amugereranya n\u2019icupa ririmo ubusa \u201cempty bottle\u201d. Mu 2015 yaje gutoroka gereza ya\u00a0Mpimba yari afungiyemo.
\n
\"\"
Hussein Radjab wahoze ari umuyobozi wa CNDD FDD<\/em> <\/strong><\/figcaption><\/figure>
\nKugeza magingo aya Radjabu ntahishura aho yahungiye, gusa na we akaba umwe mu batavuga rumwe na Nkurunziza, umuntu yavuga ko bamutega iminsi, kuko uyu we bahoze ari nshuti cyane bakiri no mu ishyamba. Ashyirwa ku rutonde rw\u2019ababa bategura uburyo yazakurwa ku butegetsi.
\nPerezida Nkurunziza yagiye ku buyobozi mu 2005, mu mwaka wa 2015 ubwo manda ebyiri zari zirangiye nibwo imvururu z\u2019abaturage zavutse asabwa kuva ku butegetsi, ko manda zagenwe zari zirangiye, Nkurunziza yiyamamarije manda ya gatatu atsinda amatora, manda ikaba igomba kurangira mu 2020.<\/p>\n
\n
\"YouTube