{"id":9010,"date":"2018-02-02T16:29:51","date_gmt":"2018-02-02T16:29:51","guid":{"rendered":"https:\/\/new.bwiza.com\/2018\/02\/02\/ishyamba-si-ryeru-muri-cnared-igizwe-n-abarwanya-leta-ya-nkurunziza\/"},"modified":"2025-02-12T14:41:15","modified_gmt":"2025-02-12T12:41:15","slug":"ishyamba-si-ryeru-muri-cnared-igizwe-n-abarwanya-leta-ya-nkurunziza","status":"publish","type":"post","link":"https:\/\/bwiza.com\/?p=9010","title":{"rendered":"Ishyamba si ryeru muri CNARED igizwe n\u2019abarwanya Leta ya Nkurunziza"},"content":{"rendered":"

Amashyaka atavuga rumwe na Leta y\u2019u Burundi yishyize hamwe mu mpuzamashyaka CNARED, nyuma yaho hakuriweho uwari ayiyoboye hagatorwa Dr Minani Jean, hatangiye kuvugwamo ugucikamo ibice.<\/em> <\/strong>
\nDr Minani Jean, yatorewe kuyobora CNARED asimbura Nditije Charles, ariko bamwe bagaragaje ko batamushyigikiye, iki kikaba ari ikimenyetso kigaragaza umwiryane uganisha ku ugucikamo ibice kw’iyi mpuzamashyaka.
\nAbagaragaje ko badashyigikiye Dr Jean Minani ni umuyobozi w\u2019ishyaka PPD, Hatungimana Leonidas, uwo yasimbuye Nditije Charles uyoboye ishyaka UPRONA, umuyobozi wa FOREBU, Bamvuginyongera Frederic ndetse na Mugwengezo wa UPD.
\nAba bayobozi b’amashyaka mu rwandiko banditse, ikinyamakuru The Burundian dukesha iyi nkuru gifitiye kopi, bagaragaza ko Dr Minani adakorera ibintu mu mucyo, asesagura umutungo w\u2019aya mashyaka, gutonesha ndetse no gushaka gukoresha ikimenyane n\u2019icyenewabo.
\nIyi mpuzamashyaka CNARED ijemo umwiryane mu gihe yari ikomeje kugaragaza ko ihezwa mu biganiro bihuza Abarundi, ntitumirwe kandi nayo igizwe n\u2019amashyaka avuga afite intego yo guharanira Demokarasi mu Burundi.
\nMu nama iherutse yabereye i Arusha muri Tanzania, CNARED ntabwo yigeze yitabira ibiganiro nk\u2019abatumirwa, gusa yatangaje ko yoherejemo intumwa zayo zo kugaragaza ibitekerezo byayo, n\u2019umurongo wagenderwaho kugirango amahoro n\u2019umutekano bisagambe mu Burundi.
\nCNARED igizwe n\u2019amwe mu mashyaka akorera imbere mu Burundi n\u2019andi akorera mu buhunzi ariko yose akaba atavuga rumwe na Leta y\u2019u Burundi, iyobowe n\u2019ishyaka CNDD FDD.
\nMu nama yakozwe ku wa 3-7 Mutarama 2018, CNARED isesengura umushinga ushyigikiwe na Perezida Petero Nkurunziza wo guhindura itegeko Nshinga ry\u2019u Burundi, abatumirwa ba CNARED barasesenguye basanga mu gihe rizaba ryavuguruwe, hazaba hashyinguwe burundu amasezerano yashyizweho umukoni i Arusha ndetse ko nta kunga abarundi kwaba kurimo.
\nAba banyapolitiki n\u2019ubwo batangiye gucikamo ibice no kuryana, bagaragaza ko guhindura itegeko Nshinga ari uguha intebe ubuyobozi bita ubw\u2019igitugu bwa Perezida Nkurunziza, ngo waba ugiye kuyobora u Burundi ubuzima bwe bwose.<\/p>\n

\n
\"YouTube