{"id":9017,"date":"2018-02-03T09:17:24","date_gmt":"2018-02-03T09:17:24","guid":{"rendered":"https:\/\/new.bwiza.com\/2018\/02\/03\/perezida-nkurunziza-yiyemeje-gukura-amenyo-abatifuza-ko-itegeko-nshinga\/"},"modified":"2025-02-12T14:41:13","modified_gmt":"2025-02-12T12:41:13","slug":"perezida-nkurunziza-yiyemeje-gukura-amenyo-abatifuza-ko-itegeko-nshinga","status":"publish","type":"post","link":"https:\/\/bwiza.com\/?p=9017","title":{"rendered":"Perezida Nkurunziza yiyemeje gukura amenyo abatifuza ko Itegeko Nshinga rivugururwa"},"content":{"rendered":"

Leta y\u2019 u Burundi iyobowe na CNDD-FDD irimo gutegura amatora ya kamarampaka ashobora kuzafasha Perezida\u00a0 Nkurunziza kuguma ku butegetsi kugeza muri 2034.<\/strong> <\/em>
\nIbi bitangiye kwemezwa nyuma yaho Leta n\u2019 abafatanyabikorwa bayo batangije gahunda yo gusobanurira abaturage ingingo zimwe na zimwe zizavugururwa.
\nIbi bisobanuro bya Leta ya Nkurunziza n\u2019 ishyaka rye rya politiki rigamije gushishikariza no gutegura abaturage\u00a0 gutora yego<\/strong> kugirango intego yo kuguma ku butegetsi kugeza muri 2014 igerweho.
\nAbarwanashyaka 40 baturuka mu ishyaka FNL ya Agathon Rwasa batawe muri yombi kuva mu Ukuboza 2017 bitewe n’ uko ngo batari bashyigikiye kamarampaka iri gutegurwa mu Burundi ndetse banashishikariza Abarundi gutora oya<\/strong> .
\nHashize iminsi 4 hari amashusho yafatiwe mu Ntara ya Muyinga\u00a0 iherereye mu Majyaruguru y\u2019 u Burengerazuba bw\u2019 u Burundi aho umwe mu bayobozi agaragara arigukangurira abaturage kurwanya abadashaka Nkurunziza \u00a0no kwamaganira kure umuntu wese \u00a0wifuza kuzatora Oya.
\nMuri iyi inkuru y\u2019 amashusho y\u2019 iminota 3 n\u2019 amasegonda 11, uyu muyobozi wa CNDD-FDD akaba n\u2019 Umunyamabanga wa Komine Butihinda akangurira abaturage gufata nk\u2019 abanzi abantu batifuza gutora Yego muri Kamarampaka iteganyijwe, nk\u2019 uko RFI dukesha iyi nkuru ibitangaza.
\nUbwo gahunda yo kwamamaza no gusobanura ivugururwa ry\u2019 Itegeko Nshinga yatangizwaga na Perezida Nkurunziza, yatangaje ko umuntu wese uzamamaza Oya azafatwa nk\u2019 uwarenze umurongo utukura.
\nAti\u00a0\u00ab\u00a0 Umuntu uzagerageza kwamamaza Oya<\/strong> muri ibi bihe bikomeye tugiye kujyamo azafatwa nk\u2019 umwicanyi kuko azaba avuye mu batagatifu (abera) ubwo azaba yiteguye ko twamukuramo amenyo\u00a0\u00bb.
\nAha, Perezida Nkurunziza yashatse kuvuga ko abarwanashyaka ba FNL bifuza ko ava ku butegetsi bakayoborwa na Agathon Rwasa ndetse n\u2019 abandi barundi bose bamwamaganye bakitabira imyigaragambyo yo muri 2015 bose bafatwa nk\u2019 abanzi ndetse abicanyi.
\nYahise asaba abayoboke be kuba amaso mu kugenzura umuntu wese ushishikariza abantu kudatora Yego ndetse anategeka ko uzajya ufatwa agomba guhita atabwa muri yombi bityo agafatirwa ibihano bikaze.
\nMu gihe ntacyo Leta ya Pierre Nkurunziza yari yatangaza kuri ibi bivugwa, kugeza magingo aya, abatavuga rumwe nayo bemeza ko CNDD-FDD ikomeje kotsa igitutu abatifuza gutora Yego mu matora agamije kuvugurura Itegekonshinga.<\/p>\n

\n
\"YouTube