{"id":9021,"date":"2018-02-03T13:35:29","date_gmt":"2018-02-03T13:35:29","guid":{"rendered":"https:\/\/new.bwiza.com\/2018\/02\/03\/1994-kuki-paul-kagame-atashatse-guhita-aba-perezida-wa-repubulika\/"},"modified":"2025-02-12T14:41:08","modified_gmt":"2025-02-12T12:41:08","slug":"1994-kuki-paul-kagame-atashatse-guhita-aba-perezida-wa-repubulika","status":"publish","type":"post","link":"https:\/\/bwiza.com\/?p=9021","title":{"rendered":"1994: Kuki Paul Kagame atashatse guhita aba Perezida wa Repubulika?"},"content":{"rendered":"

Abasesenguzi mu by\u2019 amateka ya politiki y\u2019 u Rwanda bemeza ko nyuma ya jenoside yakorewe Abatutsi, Paul Kagame yari ahangayikishijwe n\u2019 ikibazo cy\u2019 umutekano kuko abari bararuhekuye n\u2019 abafatanyabikorwa babo bari hafi barekereje.<\/strong> <\/em>
\nIyo ngingo y’ umutekano ndetse no kutamenya neza ikirere cya politiki y’ u Rwanda nibyo byatumye Kagame atihutira kuba Perezida wa Repubulika ahubwo asaba ko hashyirwaho umuntu umenyereye igihugu, ni uko Pateur Bizimungu yabaye Perezida wa Repubulika y\u2019 u Rwanda.
\nPerezida Kagame abajijwe na \u00a0Financial Times niba adafite inyota yo kuzaguma ku butegetsi nyuma ya manda aherutse gutorerwa, yagaragaje ko ntabwo akeneye ndetse ko no kuba yarongeye kwiyamamaza atari we wabyifuje, aboneraho no kugaragaza ko no mu 1994 ubwo ingabo yari ayoboye zamaraga guhagarika Jenoside, yanze kuba Perezida.
\nPerezida Kagame ati: \u201cNi njyewe wanze kuba Perezida mu 1994. Hari umugabo witwa Twagiramungu Faustin, ubu aba i Buruseli, yari ku ruhande rw\u2019abataravugaga rumwe na Leta icyo gihe. Yari mu basinye amasezerano ya Arusha yo mu 1993, ni nawe wahise aba Minisitiri w\u2019Intebe. Yaje kundeba, bari baramaze kwishyiramo ko ari njye wari ugiye kuba Perezida. Ni uko ndabyanga, ndababwira nti ntabwo mfite gahunda yo kuba Perezida”\u2026
\nPerezida Kagame kandi yasobanuye impamvu yabyanze aho yagize ati: \u201cHari impamvu nyinshi ntagombaga kubyemera. Mbere ya byose nari narabwiye abo mu ishyaka ko umwanya ukuriye iyindi uzahabwa Chairman w\u2019Ishyaka, ntiyari njyewe. Twabyemeranyijweho, twohereza izina, baravuga bati kuki se atari wowe?
\nNarababwiye nti njyewe sinshaka kuba Chairman, sinshaka kuba Minisitiri w\u2019Intebe wungirije cyangwa uw\u2019Ingabo wungirije. Ndashaka kuba umugaba w\u2019Ingabo wungirije, mbabwira n\u2019impamvu\u2026 Nababwiye nti numva nshaka kuba hafi cyane y\u2019ingabo twari tumaze igihe dufatanya kurwana, ndashaka kwigumanira n\u2019abarwanyi banjye, ku buryo nihagira n\u2019ikintu cyaba tuba twizeye ko twongera tukarwana tukizera umutekano wacu.
\nNarababwiye ngo sinshaka kuba Perezida, kuko Perezida agomba kuba ahugiye mu bindi bintu, nti ariko nimurebe amamiliyoni y\u2019abantu ku mupaka [w\u2019u Rwanda na Zaire], baracyafite intwaro kandi barimo kwisuganya, barimo gushaka kudutera bityo ntabwo naba Perezida ngo mbashe no gutangira kurwana nabo.
\nIcya kabiri narababwiye nti mureke duhitemo umuntu wakuriye hano, uzi abantu ba hano, umenyereye ikirere n\u2019imitere ya hano mu Rwanda, njyewe ndumva ntabyiteguye bihagije.
\nNi uko kandi ndababwira nti hari ikintu gikomeye tugomba kubanza kurwana nacyo, aho bakidufata nk\u2019abanyamahanga\u2026 Uko niko natekerezaga, naberekaga ko tugifite inshingano zo gushakisha umutekano uhamye, icya kabiri nkabereka ko amateka yanjye ashobora gutuma bitagira isura nziza ku bantu bamwe bari bakiri mu rujijo\u2026\u201d
\nPasteur Bizimungu, ni we wahise ayobora u Rwanda nyuma y\u2019ihagarikwa rya Jenoside, akaba yaricaye mu ntebe y\u2019ubuyobozi tariki 19 Nyakanga 1994 ubwo yari afatanyije na Major General Paul Kagame wari Visi Perezida akaba ari na we wari umugaba mukuru w\u2019ingabo.
\nPasteur Bizimungu yayoboye u Rwanda mu gihe gikabakaba imyaka 6, kugeza ubwo yatangazaga ko yeguye ku bushake tariki 23 Werurwe 2000.<\/p>\n

\n
\"YouTube