{"id":9029,"date":"2018-02-05T08:36:46","date_gmt":"2018-02-05T08:36:46","guid":{"rendered":"https:\/\/new.bwiza.com\/2018\/02\/05\/ruhango-inzego-z-ibanze-ziravugwaho-uburangare-mu-gukemura-ibibazo-y-abaturage\/"},"modified":"2025-02-12T14:41:06","modified_gmt":"2025-02-12T12:41:06","slug":"ruhango-inzego-z-ibanze-ziravugwaho-uburangare-mu-gukemura-ibibazo-y-abaturage","status":"publish","type":"post","link":"https:\/\/bwiza.com\/?p=9029","title":{"rendered":"Ruhango: Inzego z\u2019ibanze ziravugwaho uburangare mu gukemura ibibazo y\u2019abaturage"},"content":{"rendered":"

Ikibazo cyo kurangaranwa kw\u2019abaturage n\u2019abakabakemuriye ibibazo, kigarukwaho na bamwe mu baturage ndetse kigashimangirwa n\u2019urwego rw\u2019umuvunyi.<\/em>
\nNyirandinkabandi Antonia, na Mukamugema Ewonia, batuye mu karere ka Ruhango, umurenge wa Ruhango, bavuga ko \u00a0bafite ibibazo ahanini bigendanye no kurangaranwa n\u2019ubuyobozi ntibubibakemurire , aho bavuga ko bimaze imyaka irenga 4.
\nMukamugema ngo yatsindiye isambu, ubuyobozi ntibwamufasha kuyihabwa, naho Nyirandinkabandi kimwe na bagenzi be , bakorera Rwiyemezamirimo wubakishije imwe mu mihanda y\u2019amabuye mu mujyi wa Ruhango ntibishyurwa, basaba akarere kubafasha muri iki kibazo, ntihagira\u00a0 igikorwa.
\nNyirandinkabandi ngo yandikiye Meya amabaruwa agera kuri 3 asaba ko yabafasha Rwiyemezamirimo akabishyura, nyamara amafaranga yose ngo barinda bayaha Rwiyemezamirimo ndetse arinda niyo agenda atabishyuye.
\nMukamugema we ngo isambu yatsindiye, ntarayihabwa kandi ngo ntafite aho kuba, cyane ko musaza we ngo yahamaze, ibintu babona ko ari akarengane.
\nMuri gahunda yo gukemura ibibazo by\u2019abaturage urwego rw\u2019umuvunyi ruherutse kugirira mu karere ka Ruhango, aba baturage bagaragarije umuvunyi mukuru, Anastase Murekezi ibi bibazo.
\nUmuvunyi Mukuru, nawe yemera ko hari akarengane gakorerwa abaturage gatewe n\u2019ubuyobozi kubera kubarangarana, ndetse hakaba no kurangiza imanza nabi cyane cyane ku bahesha b\u2019inkiko.
\nGusa Umunyamabanga nshingwabikorwa w\u2019akagari ka Nyamagana, ho mu murenge wa Ruhango avuga ko kuba nk\u2019umuhesha w\u2019inkiko utari uw\u2019umwuga yarangiza urubanza nabi, ahanini byaterwa n\u2019amarangamutima ye cyangwa \u00a0Ruswa, kuko ubundi ngo icyemezo kiba cyafashwe n\u2019urukiko kiba kigaragara neza, ntarujijo rurimo ; n\u2019aho byaba bitumvikana neza ushobora gusobanuza urukiko
\nUmuvunyi Mukuru,\u00a0 Murekezi Anastase, avuga ko hari gahunda yo kuganira n\u2019abayobozi bo mu nzego z\u2019ibanze ubwabo kuburyo barushaho kwita kuri ibyo bibazo bikanafasha kugabanya \u00a0umubare w\u2019ibirarane by\u2019ibibazo bidakemurwa bigenda bigaragara hirya no hino
\n \u201cTurateganya ko ibirarane mu kurangiza ibibazo by\u2019abaturage baba bagejeje ku buyobozi, cyane cyane ubuyobozi bw\u2019inzego z\u2019ibanze, ibirarane byagombye kugenda biba bike kuburyo ishema ry\u2019umuyobozi rigomba kuba kurangiza ibibazo by\u2019abaturage\u201d<\/em>
\nUrwego rw\u2019umuvunyi ruvuga ko rufite imanza z\u2019ibirarane zigomba gusuzumwa niba zasubirishwamo ku rwego rw\u2019urukiko rw\u2019ikirenga cyangwa gusuzuma niba nta karengane karimo \u00a0zigera ku bihumbi 2, \u00a0nyamara kandi ngo rubasha gusuzuma nibura imanza 1000 gusa ku mwaka. Ingamba zihari ngo nuko ibyo birarane byose bigomba kurangirana n\u2019uyu mwaka wa 2018.<\/p>\n

\n
\"YouTube