{"id":9050,"date":"2018-02-06T13:36:57","date_gmt":"2018-02-06T13:36:57","guid":{"rendered":"https:\/\/new.bwiza.com\/2018\/02\/06\/rdc-amerika-yafatiye-ibihano-abayobozi-bane-barimo-umunyarwanda-n-umujenerali\/"},"modified":"2025-02-12T14:40:58","modified_gmt":"2025-02-12T12:40:58","slug":"rdc-amerika-yafatiye-ibihano-abayobozi-bane-barimo-umunyarwanda-n-umujenerali","status":"publish","type":"post","link":"https:\/\/bwiza.com\/?p=9050","title":{"rendered":"RDC: Amerika yafatiye ibihano abayobozi bane barimo Umunyarwanda n\u2019umujenerali muri FARDC"},"content":{"rendered":"

Leta Zunze Ubumwe za Amerika ziratangaza ko zafatiye ibihano abantu bane barimo umusirikare ufite ipeti rya Jenerali mu gisirikare cya Congo (FARDC) ndetse n\u2019abandi bayobozi batatu b\u2019inyeshyamba, barimo umwe w\u2019Umunyarwanda.<\/strong> <\/em>
\nKu wa Mbere tariki ya 5 Gashyantare 2018, nibwo Amerika yashyize aba bayobozi bane barimo G\u00e9n.Muhindo Akili Mundos, ku rutonde rwiswe urw\u2019umukara, kubera ibyaha bashinjwa bakoreye ku butaka bwa Congo.
\nUmuyobozi wa OFAC, urwego rushinzwe ubukungu muri Amerika, John Smith, yatangaje ko ikibaraje ishinga ari uburenganzira bw\u2019ikiremwamuntu.
\nAti \u201c ni ba nyirabayazana b\u2019ibikorwa by\u2019ihohotera rishingiye ku gitsina, kwinjiza ku ngufu abana mu gisirikare bagakora ibikorwa by\u2019ihohotera n\u2019ibindi byaha\u201d.
\nAbafatiwe ibihano ni Brig.Gen.Muhindo Akili Mundos, Gedeon Kyungu Mutanga, Guidon Shimiray Mwissa n\u2019umunyarwanda Lucien Nzabamwita. Reuters itangaza ko aba bayobozi 3 b\u2019inyeshyamba, bagiye bayobora ibitero byahitanye ubuzima bw\u2019ibihumbi by\u2019abaturage mu burasirazuba bwa Congo.
\nIki kinyamakuru gitangaza ko Gen Mundos, mu mwaka wa 2016, yasohotse muri raporo y\u2019akanama ka Loni gashinzwe amahoro n\u2019umutekano, ashinjwa gukorana n\u2019inyeshyamba zikomoka muri Uganda, mu bikorwa\u00a0 zishinjwa byo kwica abaturage batavuga rumwe na Perezida Kabila, n\u2019ubu basaba kuva ku buyobozi nyuma yaho manda ye irangiriye mu mpera za 2016.\u00a0Ku ruhande rwa Gen Mundos, yahakanye yivuye inyuma ibyo ashinjwa.
\nAmerika ishinja Mutanga kuba umuyobozi w\u2019inyeshyamba za Mayi Mayi, wakurikiranwe n\u2019inkiko zo muri Congo mu 2003 ashinjwa ibyaha birimo ubwicanyi bwakorewe inzirakarengane z\u2019abaturage, kwica abantu bakanabarya, gufata ku ngufu, gukata abaturage ibice by’umubiri n\u2019ibindi byaha ndengakamere. Mu 2011 nibwo yongeye kwigaragaza ayoboye inyeshyamba za Kata Katanga, zishinjwa gukoresha abana mu gisirikare.
\nMwissa, na we ni umuyobozi w\u2019inyshyamba NDC-R, ashinjwa kwinjiza abana mu gisirikare, gukora ubucukuzi bw\u2019amabuye y\u2019agaciro ari naho akura ubutunzi bwo kugura intwaro. Nzabamwita we ni umuyobozi wa FDLR, ashinjwa ibikorwa byo guhohotera abaturage ndetse no guhungabanya umutekano.
\nUSA ifatiye ibihano aba bayobozi mu gihe hashize iminsi mike na Loni ibibafatiye, isaba ibihugu bafitemo imitungo kuyifatira ndetse no kubambura uburenganzira bwo kwidegembya mu mahanga.
\n Kanda Subscribe ujye ubona Video zigezweho\u00a0<\/a><\/strong> <\/p>\n

\n
\"YouTube