{"id":9062,"date":"2018-02-07T13:25:12","date_gmt":"2018-02-07T13:25:12","guid":{"rendered":"https:\/\/new.bwiza.com\/2018\/02\/07\/abantu-baricwa-mu-burundi-bapfira-mu-maboko-y-abasirikare-abapolisi-n\/"},"modified":"2025-02-12T14:40:51","modified_gmt":"2025-02-12T12:40:51","slug":"abantu-baricwa-mu-burundi-bapfira-mu-maboko-y-abasirikare-abapolisi-n","status":"publish","type":"post","link":"https:\/\/bwiza.com\/?p=9062","title":{"rendered":"Abantu baricwa mu Burundi, bapfira mu maboko y\u2019abasirikare, abapolisi n\u2019Imbonerakure- Claver Mbonimpa"},"content":{"rendered":"

Umuyobozi w\u2019umuryango (APRODH) uharanira uburenganzira bw\u2019ikiremwamuntu mu Burundi, atangaza ko abantu bakomeje kwicwa mu Burundi, \u00a0bagwa mu maboko y\u2019inzego zishinzwe iperereza n\u2019Imbonerakure.<\/em> <\/strong>
\n Mbonimpa Pierre Claver, atangaza ko iperereza ryakozwe n\u2019imiryango iharanira uburenganzira bw\u2019ikiremwamuntu, \u00a0rigaragaza ko abantu basaga 500 bishwe mu 2017, bazira ibitekerezo byabo bya politiki.<\/strong>
\n Raporo ifite umutwe ugira uti \u201cDo not Play with Fire\u201d ugenekereje mu Kinyarwanda \u2018Wikina n\u2019umuriro\u2019 igaragaza ko hari abaturage bicwa, ababurirwa irengero, abahohoterwa n\u2019inzego z\u2019umutekano za Leta hamwe n\u2019urubyiruko rw\u2019ishyaka CNDD \u2014FDD riri ku butegetsi, Imbonerakure.<\/strong>
\n Iyi raporo igaragaza ko abasaga 500 bishwe, abasaga 10.000 bakaba barafunzwe.<\/strong>
\nClaver Mbonimpa aganira na VOA,\u00a0 ari nayo bwiza.com\u00a0 ikesha iyi nkuru, yagize ati \u201cIbibazo byose twagiye twigaho, twasanze abo bantu bose baragiye bapfira mu maboko y\u2019ingabo, polisi n\u2019Imbonerakure, bamwe muri bo bashinjwaga ibikorwa by\u2019ubupfumu abandi bakicirwa hirya no hino ku bw\u2019impamvu zitandukanye\u201d.
\nIyi miryango iharanira uburenganzira bwa muntu, ikaba itangaza ko abicwa baba bashinjwa ibyaha bahimbiwe, ahanini ko baba bahorwa ibitekerezo byabo bifitanye isano na politiki.
\nMbonimpa uba mu buhungiro, arakomeza ahamya ko umutekano mu gihugu cy\u2019u Burundi ukomeje kuzamba, ati \u201cUbwo natangiraga gukurikirana ibijyanye n\u2019uburenganzira bw\u2019imfungwa, naratunguwe, \u00a0ntabwo nari narigeze mbona mu Burundi imfungwa zigera ku 11,800\u00a0, birababaje kandi biteye n\u2019agahinda kubona gereza imwe ibamo imfungwa 4,050, babayeho mu buzima buteye agahinda, bamwe muri izi mfungwa ni iza politiki,\u2026\u201d.
\nMinisitiri ufite mu nshingano Uburenganzira bw\u2019ikiremwamuntu mu Burundi, Martin Nivyabandi, avuga ko iyi raporo yabatunguye, agahakana ibishinjwa Leta.
\nAti \u201cNta gihugu na kimwe ku isi kiri Paradizo, abantu barapfa, naho kuvuga ko umutekano wongeye kuzamba mu 2017, kandi raporo zagaragazaga ko habaye impunduka nziza, natwe byaradutunguye cyane, \u2026. Muri raporo zabo zose baba bashaka kugaragaza ko inzego z\u2019umutekano zijandika mu bikorwa byo guhohotera uburenganzira bw\u2019ikiremwamuntu\u201d.
\nLoni itangaza ko abarundi bagera ku 430,000 bahunze kuva mu 2015, ubwo Perezida Nkurunziza yiyamamarizaga manda ya gatatu.
\n \u00a0<\/strong> Kanda Subscribe ujye ubona Video zigezweho\u00a0<\/a><\/strong> <\/p>\n

\n
\"YouTube