{"id":9064,"date":"2018-02-07T13:45:16","date_gmt":"2018-02-07T13:45:16","guid":{"rendered":"https:\/\/new.bwiza.com\/2018\/02\/07\/i-paris-dr-charles-twagira-wari-warakatiwe-kubera-ibyaha-bya-jenoside\/"},"modified":"2018-02-07T13:45:16","modified_gmt":"2018-02-07T13:45:16","slug":"i-paris-dr-charles-twagira-wari-warakatiwe-kubera-ibyaha-bya-jenoside","status":"publish","type":"post","link":"https:\/\/bwiza.com\/?p=9064","title":{"rendered":"I Paris: Dr.Charles Twagira wari warakatiwe kubera ibyaha bya jenoside yahagaritswe ku mirimo ye mishya"},"content":{"rendered":"

Ubuyobozi bukuru bw\u2019 Ibitaro by\u2019i Paris byafashe umwanzuro wo guhagarika ku mirimo Dr Charles Twagira ushinjwa ndetse wanakatiwe burundu n’ Inkiko z’ u Rwanda kugira uruhare muri jenoside yakorewe Abatutsi mu Rwanda muri 1994.<\/strong> <\/em>
\nIbi bibaye mu gihe, Dr. Twagira yari yatangiye gukora mu Bitaro byitiriwe Paul Doumer mu nkengero z\u2019 umujyi wa Paris ubwo Komisiyo y\u2019 igihugu ishinzwe kurwanya jenoside mu Rwanda(CNLG) yahise isaba Leta ko uyu mugabo ushinjwa kugira uruhare muri jenoside yabereye ku Kibuye atabwa muri yombi ndetse akanoherezwa mu Rwanda.
\nUbuyobozi bw\u2019 ibitaro bikuru bya Paris bwatangaje ko buhaye agaciro ibirego by\u2019 u Rwanda bikurikirana uyu muganga nyuma y\u2019 ukwezi kumwe gusa atangiye imirimo ye mishyashya, nk\u2019 uko tubikesha News24.
\nTwagira wahoze ayobora ibitaro bikuru bya Kibuye yahamwe n\u2019 ibyaha byo kugira uruhare muri jenoside anakatirwa igifungo cya burundu, muri 2009 ubwo yari yibereye mu buhungiro mu Bufaransa.
\n Umwunganizi wa Dr.Twagira asanga azira politiki<\/strong>
\nSi ibyo gusa, kuko aho mu Bufaransa kuva muri 2014 yitabye inkiko ubwo yaryozwaga kugira uruhare mu byo bise ubwicanyi bwibasiye nyokomuntu mu Rwanda muri 1994.
\nUmwunganizi we mu by\u2019 amategeko, Arthur Vercken yakomeje ashimangira ko umukiliya we arengana ndetse ngo anakurikiranyweho ku bw\u2019 impamvu za politiki.
\nArthur Vercken agira ati\u201d Niba umuntu akurikiranyweho ibyaha bitaramuhamya afite uburenganzira bwo gushaka akazi yakabona akagakora , nsanga rero Dr.Twagira azira ko yari umuyobozi\u201d.
\n CPCR yagize uruhare rukomeye mu gukurikirana Dr-Twagira<\/strong>
\nDr .Charles Twahirwe ahagaritswe ku mirimo ye mishyashya nyuma y\u2019 ibaruwa ifunguye Umuryango Uharanira Uburenganzira bwa muntu unarwanya jenoside(CPCR) uherutse kwandikira ubutabera bw\u2019 u Bufaransa.
\nMuri iyi nyandiko ikubiyemo ikirego cya CPCR\u00a0 cyari giherekejwe n\u2019 ubuhamya butandukanye bw\u2019 abantu bashinjaga Dr.Twagira kugira uruhare muri jenoside yakorewe Abatutsi \u00a0mu Rwanda mu cyahoze ari Perefegitura ya \u00a0Kibuye.
\nMu ibaruwa yanditswe na Alain\u00a0Gauthier, uyobora CPCR , yanenze amagambo akarishye yakoreshejwe n\u2019 umwuganizi wa Dr.Twagira ubwo yateshaga agaciro ubuhamya bushinja umukiliya we , ko ubwo buhamya bucuramye.
\nUmubano w\u2019 u Rwanda n\u2019 u Bufaransa wakomeje gukonja bitewe n\u2019 ibirego by\u2019 u Rwanda bigaragaza uburyo Leta y\u2019 u Bufaransa ikingira ikibaba abajenosideri bakomeje kwidegembya muri icyo gihugu.
\nUbutabera bw’ u Bufaransa bubahirije ubw’ u Rwanda, Dr. Charles Twagira ashobora koherezwa mu Rwanda gufungirwa aho yakoreye ibyaha cyangwa se bukabanza gukora iperereza ryimbitse ku byaha ashinjwa.
\n Kanda hano wiyandikishe ( Subscribe) ubona ibiganiro, indirimbo kandi bishya mu mashusho<\/a><\/em> <\/strong> <\/p>\n

\n
\"YouTube