{"id":9072,"date":"2018-02-08T11:17:23","date_gmt":"2018-02-08T11:17:23","guid":{"rendered":"https:\/\/new.bwiza.com\/2018\/02\/08\/polisi-imaze-gufata-moto-icumi-muri-12-zibwe-muri-uyu-mwaka-wa-2018-cp-theos\/"},"modified":"2018-02-08T11:17:23","modified_gmt":"2018-02-08T11:17:23","slug":"polisi-imaze-gufata-moto-icumi-muri-12-zibwe-muri-uyu-mwaka-wa-2018-cp-theos","status":"publish","type":"post","link":"https:\/\/bwiza.com\/?p=9072","title":{"rendered":"Polisi imaze gufata moto icumi muri 12 zibwe muri uyu mwaka wa 2018- (CP) Theos Badege"},"content":{"rendered":"

Umuvugizi wa Polisi y\u2019u Rwanda, (CP) Theos Badege, atangaza ko ibikorwa byayo byo gushakisha moto zibwe no gufata abakekwaho ubujura bwazo\u00a0, byatanze umusaruro, muri moto 12 zibwe kuva uyu mwaka wa 2018 watangira, icumi muri zo zarafashwe.<\/em> <\/strong>
\nUmuvugizi wa Polisi y\u2019u Rwanda; Commissioner of Police (CP) Theos Badege, avuga ko izi moto zagiye zibwa ba nyirazo bagatanga ibirego kuri za sitasiyo za polisi zibegereye hirya no hino mu gihugu, zikaba zarafashwe ku bufatanye bwa Polisi y\u2019igihugu n\u2019amakoperative y\u2019abamotari.
\nYagize ati \u201ckubera iperereza twakoze, gukorana n\u2019amashyirahamwe y\u2019abamotari ndetse n\u2019abamotari ubwabo, n\u2019abaturage muri rusange twashoboye gutahura abantu ku giti cyabo ndetse n\u2019udutsiko tw\u2019abakekwaho ubu bujura bwa moto ; n\u2019aho bagiye bazijyana kuzihisha cyangwa kuzigurisha haba hano mu gihugu no hanze.
\nCP Badege akomeza agira ati:\u201d kubera ubu bufatanye bwiza n\u2019imikoranire ihamye n\u2019abaturage twabashije gufata icumi muri 12 zari zaribwe\u201d.
\nEshanu mu zabafashwe zafatiwe mu karere ka Rubavu, harimo n\u2019iherutse gufatwa kuwa kabiri ; aho icyapa kiyiranga cyari cyarahinduwe.
\nCP Badege akomeza agira ati:\u00a0 “mu gihe twakoraga iperereza ndetse no mu gihe twari\u00a0 mu bikorwa byo kuzishakisha, twafashe abantu 10 barimo abamotari bakekwaho uruhare muri ubwo bujura bwa moto. Bose bafatanwe izo moto; bamwe barimo gushaka kuzambukana bazijyana hanze banyuze mu nzira zitemewe; mu gihe abandi bafashwe barahinduye ibyapa byazo bazikoresha akazi gatandukanye hirya no hino mu gihugu\u201d.
\nNk\u2019uko umuyobozi w\u2019 impuzamashyirahamwe y\u2019abatwara abagenzi kuri moto FERWACOTAMO, Salomon Bigirimana abivuga, ngo inyinshi muri moto zibwe zafashwe zitarambutswa umupaka.
\nBigirimana agira ati:\u201d Iki kigeze kuba ikibazo gikomeye\u00a0 mu myaka yashize ariko uyu munsi turizera ko iyo twibwe moto bivugwa hakiri kare, tugahana amakuru na Polisi. Ni umuco bimenyeshwa Polisi byihuse ndetse n\u2019abanyamuryango bacu bose mu gihugu.\u201d
\nKugeza ubu, hari abamotari bagera ku 55,000 mu gihugu hose barimo abagera ku 13,714 bakorera mu Mujyi wa Kigali honyine.
\nAha Bigirimana yongeyeho ati:\u201d Turimo gushishikariza abamotari bose gushyira GPS muri moto zabo kuko zifasha kubona moto igihe yibwe kuko tumaze no kugira ahantu dushobora kuyifungira aho yaba iri hose ntiyongere kugenda, ibi bikaba byakorwa igihe yaba yibwe cyangwa yakoreshejwe ibyaha igatoroka.\u201d
\nAnongeraho ko barimo gushaka ubushobozi bwatuma moto yibwe ishakirwa muri kimwe mu bihugu bituranye n’u Rwanda hakoreshejwe GPS.
\nPolisi y\u2019u Rwanda ikaba itangaza ko igikorwa cyo gushakisha no kugaruza moto zibwe mu ntangiro z\u2019uyu mwaka kigaragaza ko ubufatanye hagati yayo, amakoperative y\u2019abamotari n’abaturage bugeze ku ntera ishimishije.
\n Kanda Subscribe ujye ubona Video zigezweho\u00a0<\/a><\/strong> <\/p>\n

\n
\"YouTube