{"id":9079,"date":"2018-02-08T11:13:27","date_gmt":"2018-02-08T11:13:27","guid":{"rendered":"https:\/\/new.bwiza.com\/2018\/02\/08\/hirya-no-hino-ku-isi-ambasade-z-u-rwanda-zibasiwe-n-imyigaragambyo-yamagana\/"},"modified":"2018-02-08T11:13:27","modified_gmt":"2018-02-08T11:13:27","slug":"hirya-no-hino-ku-isi-ambasade-z-u-rwanda-zibasiwe-n-imyigaragambyo-yamagana","status":"publish","type":"post","link":"https:\/\/bwiza.com\/?p=9079","title":{"rendered":"Hirya no hino ku Isi ambasade z\u2019u Rwanda zibasiwe n\u2019imyigaragambyo yamagana ibyo Israel ishaka gukora"},"content":{"rendered":"

Usibye imyigaragambyo yabereye imbere ya Ambasade y\u2019u Rwanda muri Israel ku wa 7 Gashyantare 2018, mu mijyi ya New York, Paris, Beijing ndetse na Toronto naho habereye imyigaragambyo nk\u2019iyi imbere ya za Ambasade z\u2019u Rwanda yamagana iyimurwa ku ngufu ry\u2019abimukira Israel imaze iminsi igaragaza ko idashaka ku butaka bwayo.
\nIkinyamakuru Haaretz cyo muri Israel dukesha iyi nkuru , kiravuga ko nyuma y\u2019ibihumbi by\u2019abigaragambya bari bateraniye imbere ya ambasade y\u2019u Rwanda i Ter Aviv mu gace ka Herzliya bamagana kohereza abimukira basaba ubuhungiro muri Israel muri , aho bavuga ko u Rwanda rwemeranyije na Israel kuzabakira nubwo rwakomeje kubihakana, ibindi bihumbi by\u2019abantu byiyunze kuri aba mu myigaragambyo nk\u2019iyi imbere ya za ambasade z\u2019u Rwanda hirya no hino ku isi.
\n

\"\"
Muri Israel bigaragambyaga muri ubwo buryo<\/figcaption><\/figure>
\nIyi nkuru ikaba ivuga ko ubukonje n\u2019imvura iremereye bitabujije abigaragarambya babarirwa muri 40 bari bateraniye\u00a0 ku cyicaro cy\u2019Umuryango w\u2019Abibumbye I New York.
\nUwitwa Sfard, umunyamategeko uharanira uburenganzira bwa muntu ufite icyicaro i Ter Aviv uhagarariye aba bimukira birukanwa muri Israel, yabwiye abari aho I New York ko atewe isoni no kuba guverinoma y\u2019igihugu cye itarigiye ku mateka y\u2019abaturage bayo ubwabo.
\n
\"\"
I Geneve mu Busiwisi naho habereye imyigaragambyo<\/figcaption><\/figure>
\nYongeyeho ko adashobora gushidikanya ko impamvu aba bimukira bibasiwe ari ukubera ibara ry\u2019uruhu rwabo, abyita icyaha cyo kwibasira inyokomuntu, aboneraho gusaba u Rwanda kutazigera rugira uruhare muri iki cyaha.
\nAbigaragambya ngo bakaba bizera ko iki gitutu gikomeje kotswa u Rwanda cyatuma rwisubiraho rukava mu masezerano bakomeje kuvuga ko rwagiranye na Israel yo kwakira bamwe mu bimukira 38,000 biganjemo Abanya-Eritrea n\u2019Abanya-Sudani y\u2019Epfo.
\nInkuru nyinshi zagiye azisohoka zemeza ko u Rwanda na Israel byagiranye amasezerano mu ibanga, aho ngo Israel yagombaga kuzajya yishyura u Rwanda amadolari 5,000 kuri buri mwimukira rwemeye kwakira. U Rwanda ariko rwakomeje guhakana ayo masezerano.
\n\"\"
\nIbi rukaba rwongeye no kubihakana rwivuye inyuma, aho Umunyamabanga wa Leta muri Minisiteri y\u2019Ububanyi n\u2019Amahanga, Ubutwererane n\u2019Umuryango w\u2019Ibihugu bya Afurika y\u2019Iburasirazuba, Olivier Nduhungirehe, yavuze ko abigaragambya ari abafite amakuru y\u2019ikinyoma kuko u Rwanda rutigeze rusinya amasezerano yo kubakira.
\nYagize ati \u201cU Rwanda ntirwigeze rusinyana amasezerano na Israel. Bigaragambya kubera ko bahawe amakuru atariyo kuko twagerageje kubibasobanurira ariko bikaba bigaragara ko bamwe muri bo batabyumva.\u201d
\nAbigaragambyaga I New York bise uyu mugambi wa Israel wo kwirukana abimukira \u201cIgihano cy\u2019urupfu\u201d ndetse n\u2019 \u201cakaga ku kiremwamuntu\u201d bavuga ko badashobora kwicara ngo baryumeho.
\n
\"\"
London naho bigaragambije<\/figcaption><\/figure>
\nUmwe mu banyeshuri ba Columbia University, Moran Levy w\u2019imyaka 32, uri mu bateguye iyi myigaragambyo yo muri New York yavuze ko ari ibintu bitumvikana ukuntu mu 2018 Israel ishobora gushyira mu kaga ubuzima bw\u2019abantu 40,000 kandi nta mpamvu ifite zatuma bataguma muri Israel mu gihe ikomeje guha visa abandi bimukira bashya bashaka imirimo.
\nAti: \u201cNtidushobora guhagarara ku ruhande ngo tureke bibe.\u201d
\nIndi myigaragambyo nk\u2019iyi yabereye hirya no hino ku isi uhereye I Paris ukagera Beijing, ukava Melbourne ukagera I Toronto muri Canada.
\nI Berlin mu Budage baririmbiraga imbere ya ambasade y\u2019u Rwanda basaba Minisitiri w\u2019Intebe Netanyahu na perezida Kagame guhagarika ibyo bintu byo kwirukana abimukira.
\n
\"\"
Abigaragambyaga i Berlin<\/figcaption><\/figure>
\nNi mu gihe I Toronto muri Canada bavugaga ko ari impunzi z\u2019Abanyafurika zitahawe ikaze muri Israel ariko zihawe ikaze n\u2019Abanya-Canada biyemeje kujya muri iyi myigaragambyo imbere ya ambasade y\u2019u Rwanda kwifatanya n\u2019abavandimwe bari muri Israel.
\nNaho I Stockholm muri Sweden abateguye imyigaragambyo bavugaga ko ubuzima bw\u2019abantu butari ubwo kugurisha amadolari 5,000.
\n
\"\"
Abigaragambyaga muri Sweden<\/figcaption><\/figure>
\nI New York kuri page ya facebook yari yagenewe iyi myigaragambyo byaje kugera aho abigaragambya basanga byari bikwiye ko imyigaragambyo ibera no kuri ambasade ya Israel.
\nUndi mu bateguye imyigaragambyo, Sarah Stone waje kunganirwa na Levy, akaba kuri iki gitekerezo yasubije ko Israel itajya yita ku mategeko mpuzamahanga, ariko u Rwanda rushobora kuyitaho. Levy ariko yongeyeho ko bagiye no gutegura imyigaragambyo izibasira Israel mu byumweru biri imbere.
\nItangazo ryashyizwe ahagaragara n\u2019ishyirahamwe rihanira uburenganzira bwa muntu muri Israel, ryashishikarije abantu kwifatanya n\u2019Isi yose mu myigaragambyo nk\u2019iyi, rivuga ko u Rwanda nirwisubiraho kwirukana abimukira bitazabaho.<\/p>\n
\n
\"YouTube