{"id":9095,"date":"2018-02-09T11:09:55","date_gmt":"2018-02-09T11:09:55","guid":{"rendered":"https:\/\/new.bwiza.com\/2018\/02\/09\/burundi-hatangiye-gukorwa-lisiti-z-abazitabira-amatora-ya-referandumu\/"},"modified":"2025-02-12T14:40:43","modified_gmt":"2025-02-12T12:40:43","slug":"burundi-hatangiye-gukorwa-lisiti-z-abazitabira-amatora-ya-referandumu","status":"publish","type":"post","link":"https:\/\/bwiza.com\/?p=9095","title":{"rendered":"Burundi: Hatangiye gukorwa lisiti z\u2019abazitabira amatora ya referandumu"},"content":{"rendered":"

Guhera ku wa Kane, itariki 08 Gashyantare kugeza kuwa 17 Gashyantare, mu Burundi batangiye igikorwa cyo gukora amalisiti y\u2019abazatora mu matora ya referandumu ateganyijwe muri Gicurasi 2018 nk\u2019uko byatangajwe na Komisiyo y\u2019Igihugu y\u2019Amatora.
\nPerezida wa Komisiyo y\u2019amatora, Pierre-Claver Ndayicariye abinyujije kuri radio y\u2019igihugu, yavuze ko kuri uyu wa kane hatangiye igikorwa cyo gushyira ku malisiti abaturage bazitabira amatora ya referandumu azemeza cyangwa agahakana ivugurura ry\u2019itegeko nshinga. Yavuze ko abashinzwe kubarura bazajya baba bari ku biro bandikiraho guhera saa moya n\u2019igice kugeza saa kumi n\u2019imwe n\u2019igice z\u2019umugoroba ndetse no muri weekend bikazajya bikorwa.
\nIryo barura ry\u2019abazatora referandumu kandi ngo riranareba abazaba bujuje imyaka yo gutora mu 2020 mu matora rusange ateganyijwe muri uwo mwaka.
\nMu mpera z\u2019ukwezi kw\u2019Ukwakira mu mwaka ushize nibwo Guverinoma y\u2019u Burundi yatoye umushinga wo kuvugurura itegeko nshinga uzemerezwa muri referandumu uzemerera perezida Nkurunziza, uri ku butegetsi kuva mu 2005, kuziyamamariza indi manda y\u2019imyaka 7 mu 2020.
\nAbatavuga rumwe n\u2019ubutegetsi bakaba badakozwa ibyo kuvugurura itegeko nshinga bavuga ko bizaba ari ugusinyira urupfu amasezerano y\u2019amahoro yashyizweho umukono mu 2000 I Arusha, ari nayo yafunguye inzira yo guhagarika intambara hagati y\u2019abaturage yamaze imyaka isaga 10 igahitana abagera ku 300,000 .
\nKu rundi ruhande, Umunyamabanga Mukuru w\u2019Umuryango w\u2019Abibumbye, Antonio Guterres, yanenze ubushake abayobozi b\u2019u Burundi bakomeje gushyira mu kuvugurura itegeko nshinga hatitawe ku bitekerezo by\u2019abatavuga rumwe n\u2019ubutegetsi nk\u2019uko yabigaragaje muri raporo yashyikirije Akanama k\u2019Umutekano.
\nUbwo perezida Nkurunziza yatangazaga kuziyamamariza manda ya gatatu muri Mata 2015, mu Burundi hahise havuka umwiryane muri politiki waje gutuma abantu babarirwa mu 1,200 bicwa abandi 400,000 bata ibyabo.<\/p>\n

\n
\"YouTube