{"id":9143,"date":"2018-02-13T13:48:42","date_gmt":"2018-02-13T13:48:42","guid":{"rendered":"https:\/\/new.bwiza.com\/2018\/02\/13\/yesu-ni-umurasta-abyina-reggae-iyo-uyicuranze-imyuka-mibi-irahunga-natty-dread\/"},"modified":"2025-02-25T14:14:45","modified_gmt":"2025-02-25T12:14:45","slug":"yesu-ni-umurasta-abyina-reggae-iyo-uyicuranze-imyuka-mibi-irahunga-natty-dread","status":"publish","type":"post","link":"https:\/\/bwiza.com\/?p=9143","title":{"rendered":"Yesu ni umurasta abyina Reggae, iyo uyicuranze imyuka mibi irahunga \u2014 Natty Dread"},"content":{"rendered":"

Mu gihe abenshi mu bakurikiranira hafi muzika nyarwanda basanga injya ya Reggae iri mu marembera, umwe mu baririmbyi b\u2019iyi njyana uzwi cyane ku izina rya Natty Dread, yavuze amagambo akomeye kuri iyi njyana aho yashimangiye ko na Yesu ubwe abyina Reggae.<\/strong> <\/em>
\nMu kiganiro na bwiza.com Natty Dread yadutangarije ko hari agatsiko k\u2019abantu bayobowe na sekibi bashaka kuzimya Reggae ariko ngo ntabyo bazageraho kuko ari injyana Imana yahaye umugisha kuko ariyo icurangwa imyuka mibi igahunga.
\nNatty Dread yagize ati :\u201c Ubundi injyana ya Reggae iracyari imbere uretse ko abantu bayimye amatwi, ibitangazamakuru ntibikina Reggae, aba DJ ntibashyiramo Reggae, ariko ndagirango mbabwire ko iyi njyana izahoraho, kandi niyo miziki yonyine Imana ishyigikiye, ntacyo izaba nubwo abababiloni bashaka kuyica, nkanjye Natty ndacyahari kandi nubwo ntahaba hari abandi bazahambera, abanga Reggae ni abakozi ba shitani, iyo ucuranze Reggae imyuka mibi irahunga, ndababwiza ukuri ko Yesu nawe ashobora kuba abyina Reggae, ibyo abantu babeshya bavuga kuri Reggae ni byinshi ariko ibyo ni ibinyoma twe ahubwo dusukura isi mu gihe abandi bayanduza\u201d.
\nNatty yakomeje avuga ko injyana ya Reggae yirukana imyuka mibi ndetse ko yirukana shitani, kuri we ngo shitani akunda injyana nka Hip Hop, Afrobeat n\u2019izindi njyana zitari Reggae bityo abanga Reggae baba bashyigikiye Sekibi.
\nYagize ati \u201d Iyo ducuranga Reggae shitani arahunga, ariko iyo abandi bacuranga Hip Hop Shitani irabasanga, shitani ikunda ibyo bya afrobeat birimo abantu bambaye ubusa, shitana yanga Reggae kuko iyo icuranzwe abadayimoni barahunga, ariko nucuranga Hip Hop shitani iraza ikabyina\u201d.
\nNatty Dread yamenyekanye cyane nk\u2019impirimbanyi y\u2019injyana ya Reggae ndetse yiyemerera ko ariwe munyarwanda rukumbi wabashije kubonana amaso ku maso n\u2019icyamamare muri iyi njyana Bob Marley.
\nUbusanzwe amazina ye nyakuri ni Raphael Mitali aka Natty Dread yavutse mu mwaka w\u2019i 1964, yamamaye cyane mu ndirimbo \u201cHobe Hobe\u2019\u2019 yakunzwe cyane mu myaka y\u2019i 2000.
\n Kanda Subscribe ujye ubona Video zigezweho\u00a0<\/a><\/strong> <\/p>\n

\n
\"YouTube