{"id":9191,"date":"2018-02-18T10:13:41","date_gmt":"2018-02-18T10:13:41","guid":{"rendered":"https:\/\/new.bwiza.com\/2018\/02\/18\/icyo-abanyamurenge-bavuga-ku-kuba-i-minembwe-harabaye-indiri-yabashaka-gutera-u\/"},"modified":"2025-02-12T14:40:04","modified_gmt":"2025-02-12T12:40:04","slug":"icyo-abanyamurenge-bavuga-ku-kuba-i-minembwe-harabaye-indiri-yabashaka-gutera-u","status":"publish","type":"post","link":"https:\/\/bwiza.com\/?p=9191","title":{"rendered":"Icyo Abanyamurenge bavuga ku kuba i Minembwe harabaye indiri yabashaka gutera u Rwanda"},"content":{"rendered":"

Hashize igihe humvikana inkuru zivuga ko hari abantu binjizwa mu gisirikare bakuwe mu nkambi z\u2019impunzi muri Uganda bakajyanwa gutorezwa i Minembwe muri Congo, bafite umugambi wo kuzatera u Rwanda.<\/em> <\/strong>
\nKu bw\u2019izi nkuru zatambutse mu binyamakuru byo muri Uganda no mu Rwanda, bamwe mu Banyamurenge babicishije ku rubuga rwabo Imurenge.com, bahakana bavuga ko ku butaka bwabo, nta bahitoreza bafite umugambi wo gutera u Rwanda.
\nBitangazwa ko ari umutwe urwanya Leta y\u2019u Rwanda w\u2019 ihuriro nyarwanda rya RNC (Rwanda National Congress) uyobowe na Kayumba Nyamwasa wahoze mu gisirikare cy’u Rwanda, ngo waba urimo winjiza urubyiruko mu myitozo ya gisirikare aho i Minembwe.
\nMu nkuru zikomeje gusohoka mu bitangazamakuru bitandukanye ni uko izo nsoresore zirimo kwinjizwa mu gisirikare ngo ziturutse cyane cyane mu makambi z\u2019 impunzi zitandukanye zo mu Bugande hanyuma zikerekeza muri RD Congo ahaherereye mu misozi miremire mu Ntara ya Kivu y\u2019 Amajepfo. Uyu mutwe wa RNC ngo ukaba ubifashwamo na bamwe mu basirikare bashinzwe iperereza muri Uganda.
\nMu itohoza iki kinyamakuru gitangaza ko cyakoze, kivuga ko mu Minembwe nta mutwe waba urimo kuhitoreza ugamije guhirika ubutegetsi bw\u2019i Kigali.
\nBagira bati\u00a0 \u201cKugira ngo byumvikane neza, abantu babanza kwibaza impamvu Minembwe yaba ariyo yatoranyijwe nk\u2019 ahantu ho kwitorezwa hakwiriye (Strategic position)?
\nMu bisanzwe uvuze Minembwe aba avuze igicumbi cy\u2019 Abanyamurenge, ese koko Abanyamurenge baba bafitemo iyihe nyungu mu gushyigikira abarwanya ubutegetsi bw\u2019 i Rwanda?
\nNyuma y\u2019 intambara zabaye kuva 1996 kugeza 2004, Abanyamurenge ntibakunze kwijandika ukundi mu zindi ntambara zakomeje guhungabanya umutekano w\u2019 igihugu icyo ari cyo .
\nMu mwaka wa 2012, Ku buryo bweruye Abanyamurenge bitandukanyije n\u2019 umutwe wa M23. Umutwe bivugwa ko wari wiganjemo abanyecongo bo mu bwoko bw\u2019 Abatutsi, ubwoko bufitanye isano ya bugufi n\u2019 Abanyamurenge.
\nHaribazwa impamvu yatumye badafatanya n\u2019 abanilotique basangiye\u00a0 igihugu (M23) bakaba kuri ubu bahitamo gushyigikira abahungabanya umutekano w\u2019 ibihugu by\u2019 amahanga bikayoberana.
\nEse kuki uwo mutwe wa RNC waba warahisemo kujya kure n\u2019 imipaka y\u2019 igihugu barwanya?\u00a0Mu bisanzwe hamenyerewe ko umutwe ugamije\u00a0 gutera igihugu (Guerilla) runaka udakunze gushyinga ibirindiro ahatari kure cyane n\u2019 imipaka yicyo gihugu bityo bikabafasha mu gutegura uduteroshuma, kwinjiza abasirikare (recruitment), ndetse no gukora ubutasi neza, impamvu ikaba ikomeje kuyoberana hato na hato abantu bakaba bahakana bivuye inyuma aya makuru.
\nN’ubwo iki kinyamakuru gitangaza ko nta myitozo ikorerwa i Minembwe y’abarwanya Leta y’u Rwanda, Ikinyamakuru Vurungapost, mu kwezi ku Ugushyingo 2017, cyatangaje ko hari abantu 45 b’urubyiruko babaga mu nkambi y\u2019 impunzi ya Nyakivale,\u00a0 rwigishijwe amatwara ya RNC, batawe muri yombi\u00a0 ngo bajyanwe kwitoza gisirikare mu misozi miremirere ya Minembwe mu gace ka Itombwe.
\nIki kinyamakuru kikaba cyaratangaje ko ibikorwa\u00a0 by\u2019 ubukangurambaga no kwinjiza urubyiruko rw\u2019 Abanyarwanda muri RNC, bikorwa n’uwitwa Rugema Kayumba ufitanye isano na Kayumba Nyamwasa, umuyobozi wa RNC, ndetse ngo afatanyije na bamwe mu bayobozi bakuru b\u2019 urwego rukuru rw\u2019 iperereza rya gisirikare cya Uganda(CMI).<\/p>\n

\n
\"YouTube