{"id":9197,"date":"2018-02-18T12:48:15","date_gmt":"2018-02-18T12:48:15","guid":{"rendered":"https:\/\/new.bwiza.com\/2018\/02\/18\/congo-m23-yifatanyije-n-039-abigaragambya-banenga-intege-nke-za-leta-ya-kabila\/"},"modified":"2025-02-12T14:40:03","modified_gmt":"2025-02-12T12:40:03","slug":"congo-m23-yifatanyije-n-039-abigaragambya-banenga-intege-nke-za-leta-ya-kabila","status":"publish","type":"post","link":"https:\/\/bwiza.com\/?p=9197","title":{"rendered":"Congo: M23 yifatanyije n'abigaragambya banenga intege nke za Leta ya Kabila"},"content":{"rendered":"

Imyigaragambyo ikomeye yabereye mu mujyi wa Bukavu,mu Burasirazuba bwa Repubulika Iharanira Demokarasi ya Congo ku wa Gatanu tariki ya 16 Gashyantare 2018.
\nUrubyiruko rwariye karungu rwigabije imodoka rurazitwika ndetse runashyira za bariyeri ku mihanda minini\u00a0 yerekeza\u00a0 mu mujyi wa Bukavu.Uru rubyiruko rwigaragambyaga rwamagana umutekano muke urangwa muri aka karere ndetse n\u2019intege nke za Leta ya Kinshasa mu kuhangana n\u2019ibibazo by\u2019ubukungu byugarije uru rubyiruko.
\nInkuru dukesha Chimpreports ivuga ko uru rubyiruko rwari rwitwaje ibyapa bisaba perezida Joseph Kabila gutegura amatora byihuse.
\nInzego z\u2019igipolisi zifashishije imyuka iryana mu maso ndetse n\u2019amasasu mu rwego rwo gutatanya abigaragambyaga.Bamwe muri uru rubyiruko rwigaragambyaga batawe muri yombi ngo bakubiswe\u00a0\u00a0 ku buryo bukomeye mu rwego rwo guhashya iki gikorwa cyashoboraga no kuvamo kwigumura ku butegetsi.
\nUmuyobozi wa M23, Bertrand Bisiimwa avuga ko urubyiruko rwo mujyi wa Bukavu rwiyemeje gufata iya mbere mu kugira ngo uyu mujyi ube uw\u2019impinduramatwara.
\nBwana Bertrand Bisiimwa kuwa gatanu yavuze ko ibiri kubera muri Bukavu ari ibyo\u00a0 impirimbanyi Patrice\u00a0 Lumumba yasize avuze.
\nBisimwa ati\u201dMuri uyu mujyi niho hazaturuka impinduramatwara zizabohora igihugu.Patrice Lumumba yavuze ko ukwibohora kuzava mu burasirazuba.Bukavu ni ikimenyetso cyo kurwanya igitugu.Uru rubyiruko rukwiye guterwa ingabo mu bitugu,rugafashwa mu buryo bwose\u201d.
\nUyu muyobozi kandi yongeyeho ko iyi myigaragambyo ari \u2018impinduramatwara\u2019 kandi ko ibikorwa birwanya leta bizakomeza.
\nAti\u201dAba bana bato baturuka Nyamugo muri Bukavu bamaze kwinjira mu mpinduramatwara,iki nicyo gihe ngo bagenzure buri kimwe cyose cyo mu Karere ka Kadutu mu bufatanye n\u2019abakomoka Nguba kugira ngo barwanye ubuyobozi bubi bukwirakwiza umutekano muke buri munsi\u201d.
\nIyi myigaragambyo yadutse nyuma yaho Perezida Kabila atabashije gutegura amatora kandi igihe agomba kumara ku butegetsi giteganywa n\u2019Itegeko Nshinga cyarageze mu myaka ibiri ishize.Abaturage basaga 22,000 baturuka mu ntara ya Ituri\u00a0 bahunze\u00a0 igihugu bajya muri Uganda ndetse n\u2019imiryango mpuzamahanga nka HCR iratabaza ivuga ko abaturage barimo kwicwa hakoreshejwe imyambi.
\nIbintu bikomeje kujya irudubi ari nako inyeshyamba za M23 zishobora kuririra muri aka kavuyo zigatangira kugaba ibitero kuri Leta ya Kabila.
\n Kanda Subscribe ujye ubona Video zigezweho\u00a0<\/a><\/strong> <\/p>\n

\n
\"YouTube