{"id":9244,"date":"2018-02-22T09:51:07","date_gmt":"2018-02-22T09:51:07","guid":{"rendered":"https:\/\/new.bwiza.com\/2018\/02\/22\/imitego-5-farawo-yateze-abisirayeli-n-ubu-ikaba-igikora-pastor-desire\/"},"modified":"2025-02-25T14:13:07","modified_gmt":"2025-02-25T12:13:07","slug":"imitego-5-farawo-yateze-abisirayeli-n-ubu-ikaba-igikora-pastor-desire","status":"publish","type":"post","link":"https:\/\/bwiza.com\/?p=9244","title":{"rendered":"Imitego 5 Farawo yateze Abisirayeli n\u2019ubu ikaba igikora Pastor Desire"},"content":{"rendered":"

Muri iyi nyigisho nifuza kubahishurira imitego 5 Farawo yateze Abisirayeli ariko n\u2019ubu Satani akaba agikomeje kuyikoresha arwanya abana b\u2019 Imana. Biradusaba kuyirinda kugira ngo tutayigwamo.<\/p>\n

    \n
  1. Mugende ariko ntimuzajye kure cyane (Kuva 8:24)<\/li>\n<\/ol>\n

    Satani azi ibyiza byo gukizwa no kuramya Imana kuko yabihozemo. Ntabwo yifuza ko twinjira cyane ngo tuvumbure uburyohe bwo kubana n\u2019 Imana neza bityo ahora aturiganya.
    \nAbantu benshi barakijijwe ariko basigarana ingeso za kamere zitatuma baramya Imana bisanzuye kuko iyo ufite icyaha utaramya Imana ngo byemere ahubwo uhorana umutima ugucira urubanza ugatinya kureba Imana mu maso. Urugero: Umwana w\u2019ikirara yagiye kure n\u2019igihe yagarukaga yabwiye se ngo \u2018singikwiriye kuba umwana ahubwo nshyira mu bagaragu mbone ibiryo gusa\u2019. Dukwiriye kumaramaza tugakizwa neza tukagera kure kugeza ubwo tuzagira umutima nk\u2019uwari muri Kristo Yesu (Abafiripi 2:5), tukagera ku gihagararo cya Kristo (Abefeso 4:13).<\/p>\n

      \n
    1. Ikibatakisha kugenda ni ubunebwe, mubongere ibikorwa bakore bibagirwe Kanani (Kuva 5:6-9)<\/li>\n<\/ol>\n

      Muri iki gihe buri wese aba akubwira ko ananiwe (stress) kubera gushaka ubuzima, bamwe bakanicwa n\u2019imitsi yo mu mutwe yaturitse. Ibi bituma umwanya duha Imana ugabanuka ku buryo abakibonera Imana akanya ari mbarwa. Ikibabaje ni uko usanga hari abakora cyane kandi ugasanga nta n\u2019icyo bungutse ahubwo duhorana ibirarane by\u2019ibyo tutarabona n\u2019ibyo twifuza kugeraho mu gihe kiri imbere, ku buryo dusa n\u2019abari mu marushanwa y\u2019ubuzima.<\/p>\n

        \n
      1. Hagende abagabo gusa (Kuva 10: 11)<\/li>\n<\/ol>\n

        Satani arabizi neza ko ubuzima bwo kubaha Imana butangirira mu muryango. Iyo Imana ibuze mu muryango byose biba bipfuye. Mu nshingano z\u2019abashumba, Paulo yavuze ko utazi kwita ku rugo rwe atabasha kuyobora itorero. Mu muryango ni ho Imana yishimira kuba kuva Imana irema, muri Edeni, Nowa, Abrahamu, kugera kuri Yesu bose babaga mu muryango. Satani azi ko mu muryango ari ho twakirira indangagaciro zose, ubumuntu, agaciro, urukundo, kubaka ejo hazaza n\u2019ibindi.
        \nIyo udafite amahoro mu muryango cyangwa utera imbuto, kuramya Imana ku ruhimbi uba urimo kubeshya abantu. Abantu benshi bitwa ko bakijijwe bakorera Imana bayiramya ariko bafite ubuhamya bubi mu buzima busanzwe no mu miryango yabo. Ibyo bituma Imana itubahwa ahubwo igatukwa bitewe n\u2019imyitwarire yacu mibi.<\/p>\n

          \n
        1. Mugende ariko imikumbi yanyu n\u2019amashyo bisigare (Kuva 10:24)<\/li>\n<\/ol>\n

          Bibiliya ivuga ko dukwiriye gukundisha Uwiteka n\u2019ubutunzi bwacu. Ntabwo bishoboka ko waha Imana umutima ngo uyime ubutunzi bwawe kuko gukunda udatanga ntibibaho. Satani yariganyije abakirisito ibanga ry\u2019umugisha (gutanga bizana umugisha kuruta guhabwa) uretse no kuba tuzabigororerwa ahubwo no muri ubu buzima biradufasha cyane. Birababaza ukuntu abatazi Imana ari bo bakoresha amahame ya Bibiliya, ugasanga bibahesheje umugisha.
          \nKwigwizaho ubutunzi si umuco w\u2019abizera ahubwo gutanga ni byo byiza. Abanyafurika tuzi guhabwa gusa. Dukwiriye kwitanga twe ubwacu n\u2019ibyo dutunze, nturye wenyine, ngo wambare wenyine.
          \nYesu yaravuze ngo \u2018nari nshonje, mfunzwe, ndwaye, nyotewe, nambaye ubusa hanyuma uworoheje hanyuma y\u2019abandi mwabikoreye ni njye mwabikoreye\u2019.
          \nImana yagerageje Aburahamu imusaba gutanga Isaka. Atsinze icyo kigeragezo Imana yamusezeranije ko azaba Sekuru w\u2019amahanga.<\/p>\n

            \n
          1. Farawo akurikira Abisirayeli (Kuva 14:5-)<\/li>\n<\/ol>\n

            Ubwo Satani yagerageza Yesu mu butayu, yamuretse amutega ikindi gihe hanyuma mu nyanja aramutega asinziriye abateza umuraba ariko ntibarohama. Yarongeye amutegera muri Petero ntiyatsinda, i Getsemani, Golgota amaherezo aratsinda none ubu amavi yose aramupfukamira.
            \nSatani ntashobora kutureka burundu ahubwo buri gihe ahora yifuza icyo yakora ngo utazabona ubugingo buhoraho. Aragukurikira kugeza n\u2019iyo ugeze ku nyanja itukura. Icyiza dukwiriye kuzirikana ni uko uturi imbere yanesheje byose kandi uruta Mose ni Yesu umwana w\u2019 Imana.
            \nIcyitonderwa: Nuko mwirinde cyane uko mugenda mutagenda nk\u2019abatagira ubwenge, ahubwo mugende nk\u2019abanyabwenge, mucunguze uburyo umwete kuko iminsi ari mibi. (Abefeso 5:15-16)
            \n Kanda hano ukore SUBSCRIBE ujye ubona ibiganiro n\u2019indirimbo bishya<\/a><\/strong> <\/p>\n

            \n
            \"YouTube