{"id":9245,"date":"2018-02-22T14:22:32","date_gmt":"2018-02-22T14:22:32","guid":{"rendered":"https:\/\/new.bwiza.com\/2018\/02\/22\/nabaye-nka-ruvumwa-kubera-kayumba-nyamwasa-dr-rudasingwa\/"},"modified":"2025-02-12T14:39:36","modified_gmt":"2025-02-12T12:39:36","slug":"nabaye-nka-ruvumwa-kubera-kayumba-nyamwasa-dr-rudasingwa","status":"publish","type":"post","link":"https:\/\/bwiza.com\/?p=9245","title":{"rendered":"Nabaye nka ruvumwa kubera Kayumba Nyamwasa- Dr Rudasingwa"},"content":{"rendered":"

Dr Rudasingwa Theogene wahoze ari umuhuzabikorwa w\u2019ishyaka RNC, nyuma akaza kwitandukanya naryo, avuga ko yahizwe ndetse aba ruvumwa mu bo bakoranaga muri iri shyaka kubera Kayumba Nyamwasa.<\/em> <\/strong>
\nIhuriro RNC (Rwanda National Congress) rigizwe n\u2019abarwanya Leta y\u2019u Rwanda, bamwe bakaba baranahoze bayikorera. Rudasingwa Theogene waje kwitandukanya nabo agashinga ishyaka rye yise RNC Nshya (New RNC), yashimangiye ko yahigwaga n\u2019abo yise abasirikare ba Kayumba Nyamwasa.
\nMu kiganiro yagiranye n\u2019ikinyamakuru gikorera i Burayi ndetse n\u2019amashusho agashyirwa kuri youtube, Rudasingwa yasobanuye ko abamuhigaga yita abasirikare ba Kayumba barimo Ben Rutabana, Higiro Robert, Micombero,\u2026
\nYagize ati \u201c Narabavuze no mu kiganiro cy\u2019ubushize[abamuhigaga], abo ba Micombero, ba Nkubana, ba Rutabana, Higiro Robert,\u2026 abo bantu bose nibo birirwaga hanze ahongaho, hari n\u2019abo birirwaga babibwira, mbese nari narabaye nka ruvumwa kandi uwanshumurije abo bantu ari Kayumba Nyamwasa yicaye aho ngaho\u201d.
\nYakomeje avuga ko yatandukanye na RNC, kandi batandukana nabi, akavuga ko RNC ntacyo isigaranye, ko Kayumba nta mbaraga afite kimwe n\u2019abo bafatanyije nyuma yaho mu ishyaka havukiyemo ikibazo giturutse mu bari barigize.
\nAti \u201cWagirango nari umuhanuzi kuko icyo gutandukana narakivuze kandi dutandukana nabi,\u2026 kugeza ubu wakwibaza igisigaye muri RNC ni iki? Muri RNC barahombye ariko bo ntabwo bafite courage, nta courage Kayumba afite na bariya bafatanyije ba Condo, ngo babwire abantu babasigaye inyuma, ngo bababwire bati ibi bintu ntaho bijya, bati ibi bintu byararangiye,\u2026\u201d.
\nIshyaka RNC ryashinzwe mu 2010, na bamwe mu bahoze mu gisirikare cy\u2019u Rwanda nka Col Patrick Karegeya, Maj.Dr Rudasingwa Th\u00e9ogene, Gen Kayumba Nyamwasa,\u2026 nyuma y\u2019urupfu rwa Karegeya rwamenyekanye mu gitondo cyo ku wa 1 Mutarama 2014, nibwo muri iri shyaka hatangiye kuvuka umwiryane.
\nKu itariki ya 1 Nyakanga 2016, Dr Th\u00e9ogene Rudasingwa, uri mu bashinze RNC ndetse akaba yari asanzwe aribereye umuhuzabikorwa, yatangaje ko yitandukanyije n\u2019igice cy\u2019iryo shyaka gisanzwe kirangajwe imbere na Kayumba Nyamwasa, ku buryo yahise ashinga igice gishya yise \u2018New RNC\u2019 [Ihuriro Nyarwanda Rishya].
\nMu itangazo ryashyizwe ahagaragara na Dr Rudasingwa, Gahima Gerald, Joseph Ngarambe na Musonera Jonathan mu kwezi kwa karindwi (2016), batangaje ku mugaragaro ko bitandukanije na Kayumba bashinga umutwe wabo New RNC.
\nRudasingwa yigaragajemo nk\u2019umuyobozi w\u2019iryo huriro rishya , aho yungirijwe na Joseph Ngarambe wari usanzwe ari umugenzuzi mukuru wa RNC.
\nMuri uko kwezi, Dr Rudasingwa n\u2019uwitwa Gervais Condo [wasigaye ku ruhande rwa Kayumba] \u00a0batumiwe kuri BBC baterana amagambo, ashinja Rudasingwa gushaka kugundira ubutegetsi mu ishyaka yanga kwemera ko hakorwa amatora ndetse ko ariyo ntandaro yo gushwana n\u2019abasigayemo.
\nIbi Rudasingwa na we ntayabikozwa, akavuga ko kujya muri RNC bisa no kuba yarataye umurongo kuko yahuye na Kayumba Nyamwasa wubatse akazu muri iryo shyaka kagizwe n\u2019abahoze mu ngabo z\u2019u Rwanda bahungiye mu mahanga.
\nYagize ati \u201cYubatse akazu akoresheje abantu bahoze ari abasirikare akenshi bahoze bamukorera akiri mu Rwanda\u201d.
\nMu kiganiro yagiranye na BBC, Kayumba Nyamwasa yahakanye ibyo Rudasingwa yamushinjaga ndetse anatangaza ko RNC yakomeje kubaho, hatorwa abayobozi bashya nyuma yaho bamwe bitandukanije nayo.
\n Kanda hano ukore SUBSCRIBE ujye ubona ibiganiro n\u2019indirimbo bishya<\/a><\/strong> <\/p>\n

\n
\"YouTube