{"id":9283,"date":"2018-02-26T14:29:29","date_gmt":"2018-02-26T14:29:29","guid":{"rendered":"https:\/\/new.bwiza.com\/2018\/02\/26\/miliyoni-zisaga-700-muri-miliyari-isaga-yanyerejwe-mu-isanduku-ya-leta-amaze\/"},"modified":"2018-02-26T14:29:29","modified_gmt":"2018-02-26T14:29:29","slug":"miliyoni-zisaga-700-muri-miliyari-isaga-yanyerejwe-mu-isanduku-ya-leta-amaze","status":"publish","type":"post","link":"https:\/\/bwiza.com\/?p=9283","title":{"rendered":"Miliyoni zisaga 700 muri miliyari isaga yanyerejwe mu isanduku ya leta amaze kugaruzwa \u2014 PM Ngirente"},"content":{"rendered":"

\u201cHagati ya Mata 2017 na Mutarama 2018, mu isanduku ya Leta hagarujwemo amafaranga yari yaranyerejwe angana na 720.431.568 FRW (58%) kuri 1.241.638.553 FRW yari yahigiwe\u201d. Ibi ni ibyatangajwe na Minisitiri w\u2019Intebe, Dr Edouard Ngirente mu Mwiherero 2018 atangaza incamake y\u2019uko imyanzuro yafatiwe mu mwiherero wa 14, wabaye kuva 25 Gashyantare n\u2019iya 2 Werurwe 2017 yashyizwe mu bikorwa
\nUmwiherero wa 14 wari wafatiwemo imyanzuro 26 yagabanyijwemo ibikorwa by\u2019ingenzi 62.
\nMinisitiri w\u2019Intebe yatangaje ko ku igenzura ryakozwe ku ishyirwa mu bikorwa, ibikorwa 51 bingana 82% byakozwe ku kigero gishimishije (hagati y\u2019amanota 75%-100); ibikorwa 9 (15%) byakozwe hagati y\u2019amanota 50%-74%; ibikorwa 2 bingana na 3% byakozwe ku kigero kiri hasi y\u2019amanota 50%).
\nYakomeje avuga ko binyuze muri Gahunda y\u2019Igihugu yo Kwihutisha Iterambere (NST1), 2017-2014, hakozwe igenamigambi ryo kwihutisha ibikorwa byo muri Gahunda y\u2019Imbaturabukungu ya 2 (EDPRS 2) n\u2019ibyo mu Cyerekezo 2020 byagaragazaga kudindira.
\nYavuze ko imitegurire n\u2019imicungire y\u2019amasezerano Leta igirana na ba rwiyemezamirimo yarushijeho kunozwa; Hakajijwe ingamba mu gukurikirana abagize uruhare mu guteza Leta igihombo, kurangiza igaruzwa ry\u2019imitungo yanyerejwe ku bahamwe n\u2019ibyaha.
\nMinisitiri w\u2019Intebe, Dr Ngirente ati: \u201c Hagati ya Mata 2017 na Mutarama 2018, mu isanduku ya Leta hagarujwemo frws yari yaranyerejwe angana na 720.431.568 FRW (58%) kuri 1.241.638.553 FRW yari yahigiwe.\u201d
\nKu kibazo cyo \u00a0kubonera abahinzi imbuto z\u2019indobanure kandi ku gihe, Minisitiri w\u2019Intebe yavuze ko Guverinoma yashyize ingufu mu gutubura imbuto ziberanye n\u2019uturere, kandi zitanga n\u2019umusaruro mwiza. Ati: \u201cIzi mbuto zegerejwe abahinzi. Zimwe muri zo ni ibigori, umuceri, ingano, soya, imyumbati n\u2019ibirayi.\u201d
\nMu rwego rwo kunoza imitangire ya serivisi mu nzego za Leta, ngo hongerewe umubare wa serivisi zitangwa hifashishijwe ikoranabuhanga (Rwanda online services).
\nYasoje agira ati: \u201cMu izina ry\u2019Abayobozi bari hano, mbijejeko ko inama mwatugiriye uyu munsi ndetse n\u2019izo muzakomeza kutugira muri uyu mwiherero w\u2019Abayobozi tuzarushaho kuzishyira mu bikorwa\u201d.
\n\u00a0
\n Kanda Subscribe ujye ubona Video zigezweho\u00a0<\/a><\/strong>
\n\u00a0<\/p>\n

\n
\"YouTube