{"id":9304,"date":"2018-02-28T12:53:10","date_gmt":"2018-02-28T12:53:10","guid":{"rendered":"https:\/\/new.bwiza.com\/2018\/02\/28\/ubu-ndidegembya-nashima-imana-nzamuye-amaboko-hejuru-ntamuhanga-cassien\/"},"modified":"2025-02-12T14:38:59","modified_gmt":"2025-02-12T12:38:59","slug":"ubu-ndidegembya-nashima-imana-nzamuye-amaboko-hejuru-ntamuhanga-cassien","status":"publish","type":"post","link":"https:\/\/bwiza.com\/?p=9304","title":{"rendered":"Ubu ndidegembya, nashima Imana nzamuye amaboko hejuru- Ntamuhanga Cassien watorotse gereza"},"content":{"rendered":"

Ntamuhanga Cassien, umwe mu bareganwaga na Kizito Mihigo bagahamwa n\u2019ibyaha birimo ibyo kurema umutwe w\u2019abagizi ba nabi, n\u2019ubugambanyi bwo kugirira nabi ubutegetsi buriho, nyuma y\u2019amezi ane atorotse gereza ya Mpanga mu karere ka Nyanza, yari afungiyemo, avuga ko ubu yidegembya, anashimana Imana.<\/strong> <\/em>
\nMu kiganiro yagiranye na Radiyo Ijwi rya Amerika mu gitondo cyo ku wa Gatatu tariki ya 28 Gashyantare 2018, nibwo Ntamuhanga yahamije ko ibyatangajwe ari ukuri, ko yatorotse gereza, agashimangira ko ntacyo yari afungiye.
\nAti \u201cNdiho rwose ndidegembya, ngirango amezi amaze kuba ane nsohotse muri gereza ndetse mbasha no gusohoka mu gihugu, ubu rwose urumva mbese ndimo ndavuga, ndimo ndidegembwa rwose nshima Imana cyane nzamuye amaboko hejuru\u201d.
\nUyu mugabo wahoze ari umunyamakuru ari n\u2019Umuyobozi wa Radio Amazing Grace(Ubuntu butangaje) yatawe muri yombi mu 2014 ashinjwa guhungabanya umutekano w\u2019 igihugu we hamwe na Kizito Mihigo ndetse na Jean Paul Dukuzumuremyi.
\nMu rubanza rwasomwe mu 2015, Cassien, Kizito na Dukuzumuremyi bahamwe n\u2019ibyaha byo kurema umutwe w\u2019abagizi ba nabi, n\u2019ubugambanyi bwo kugirira nabi ubutegetsi buriho.
\nUmuhanzi Kizito yakatiwe gufungwa imyaka 10, Ntamuhanga Cassien akatirwa imyaka 25 y\u2019igifungo naho Jean Paul imyaka 30.
\nAbajijwe n\u2019umunyamakuru wa Radiyo Ijwi rya Amerika ko yaba ashakishwa mu gihe yatorotse gereza atarangije igifungo cye, yamusubije avuga ko yari yarafungiwe ibyaha atakoze.
\nYagize ati \u201cNjyewe nta cyaha na kimwe kera cyangwa kirabura nishinja, kuko n’ababashije gukurikirana urubanza rwanjye ndetse batabogamye, babasha kumva ko ibintu naziraga nanjye nkomeje kwicara muri gereza, na njye mu gihe cyose naba nkifite umwuka, nanjye kwaba ari ukwifunga\u201d.
\nAkomeza avuga ko yakoze ibishoboka byose abasha guca mu rihumye abashinzwe kurinda gereza, aratoroka, ati \u201cYaba abashinzwe kurinda gereza nabaciye mu rihumye ndabacika yewe n\u2019abashinzwe kurinda igihugu cyose\u201d.
\nMu gihe iki gitangazamakuru kidatangaza aho uyu Ntamuhanga aherereye ku bw\u2019umutekano we, atangaza ko igihugu aherereyemo afite ibyangombwa byose bigenerwa izindi mpunzi.
\nKu wa 31 Ugushyingo 2017, nibwo Urwego rushinzwe imfungwa n\u2019abagororwa mu Rwanda(RCS) rwatangaje ko abagororwa batatu barimo Ntamuhanga batorotse mu ijoro ryo ku wa 30 Ugushyingo 2017.
\nNtamuhanga Cassien mwene Nyirajanja Raphaie na Nyirabahashyi, ukomoka mu Kagari ka Kabeza mu Murenge wa Muhima ho mu karere ka Nyarugenge, yatorokanye na Sibomana Kirege, mwene Subwumwe na Nyiramiheto, ukomoka mu kagari ka Birushya Umurenge Nyamyuba mu Karere ka Rubavu na Batambarije Theogene ukomoka mu Kagari ka Rwambongo, Umurenge wa Gatebe mu karere ka Burera.
\n\"\"
\n Kanda kuri SUBSCRIBE ujye ubona ibiganiro n\u2019indirimbo bishya<\/a><\/strong> <\/p>\n

\n
\"YouTube