{"id":9309,"date":"2018-03-01T08:12:16","date_gmt":"2018-03-01T08:12:16","guid":{"rendered":"https:\/\/new.bwiza.com\/2018\/03\/01\/ishyaka-green-party-rigeze-kure-imyiteguro-yo-kuzitabira-amatora-y-abadepite\/"},"modified":"2025-02-12T14:38:55","modified_gmt":"2025-02-12T12:38:55","slug":"ishyaka-green-party-rigeze-kure-imyiteguro-yo-kuzitabira-amatora-y-abadepite","status":"publish","type":"post","link":"https:\/\/bwiza.com\/?p=9309","title":{"rendered":"Ishyaka Green Party rigeze kure imyiteguro yo kuzitabira amatora y\u2019Abadepite"},"content":{"rendered":"

Ubuyobozi bw\u2019Ishyaka Riharanira Demokarasi no kurengera ibidukikije (Democratic Green Party of Rwanda) ritangaza ko ryatangiye gushaka abazarihagararira muri buri karere mu matora y\u2019Abadepite ateganyije mu kwezi kwa Cyenda uyu mwaka.<\/em> <\/strong>
\nUmunyamabanga mukuru w\u2019iri shyaka, Ntezimana Jean Claude, yatangarije Radiyo Ijwi rya Amerika ko batigeze bacika intege nyuma yo gutsindwa mu matora ya Perezida wa Repubulika yabaye muri Kanama 2017.
\nYagize ati \u201cKuva ishyaka rikemerwa, rwatangiye kwitegura ibikorwa byose bya politiki birebana n\u2019amatora, ni nayo mpamvu twabashije kwitabira amatora ya Perezida mu mwaka wa 2017, kuri iyi nshuro rero n’ubwo mu matora ya Perezida bitagenze neza, n\u2019ubundi impamvu yo kubaho turacyayemeranya n\u2019abarwanashyaka ko twumva ko tugomba kwitabira amatora tukabona uburyo tugaragaza ibitekerezo byacu, kandi bikadufasha na none kuba twayatsinda\u201d.
\nArakomeza avuga ko bamaze gutora abazahagararira ishyaka mu turere 21 muri 30 tugize u Rwanda, muri buri karere hatorwa abantu babiri, umugabo n\u2019umugore.
\nNtezimana Jean akomeza avuga ko ishyaka ryabo rikeneye abantu bagera kuri 80 bazarihagararira mu matora y\u2019Abadepite, bityo bakaba aribo bazatoranywamo abazarihagararira mu Nteko Nshingamategeko.
\nKu rundi ruhande, avuga ko hari bimwe basabye Komisiyo ishinzwe amatora mu Rwanda guhindura kugirango ibyazava mu matora bizarusheho kugirirwa icyizere.
\nAti \u201ctwebwe twasabye ko amajwi yajya atangazwa igihe batoye guhera ku mudugudu ku buryo amajwi ahita atangazwa, ku buryo bavuga bati \u2018Green Party yabonye aya, n\u2019abandi babonye aya’, n\u2019indorerezi cyangwa abanyamakuru bakiri aho bakabyibonera, ibintu bakabihamya, ntabwo bashoboye kubyumva,\u2026\u201d.
\nAvuga ko mu gihe babona ko komisiyo y\u2019amatora itemera kugira ibyo ihindura nyuma y\u2019ubu busabe bwabo, ngo ntabwo bizababuza kwitabira aya matora abura amezi make ngo abe kandi ko bizeye neza ko ritazabura abarihagararira mu Nteko.
\nIshyaka Green Party ritavuga rumwe na Leta y\u2019u Rwanda, umwaka ushize ryari ryatanze Perezida waryo, Dr.Habineza Frank kurihagararira mu matora ya Perezida wa Repubulika yabaye muri Kanama.
\nDr Frank Habineza ntabwo yahiriwe muri aya matora kuko yaje ari umwa gatatu n\u2019amajwi 0.45%, inyuma ya Paul Kagame watsinze amatora n\u2019amajwi 98,66% \u00a0wakurikiwe na Mpayimana Philippe wagize 0.72% .
\n Kanda kuri SUBSCRIBE ujye ubona ibiganiro n\u2019indirimbo bishya<\/a><\/strong> <\/p>\n

\n
\"YouTube