{"id":9310,"date":"2018-03-01T09:37:06","date_gmt":"2018-03-01T09:37:06","guid":{"rendered":"https:\/\/new.bwiza.com\/2018\/03\/01\/adepr-abakiristo-baratabaza-leta-itorero-ryaba-riri-mu-nzira-yo-kwegurirwa\/"},"modified":"2025-02-25T14:13:06","modified_gmt":"2025-02-25T12:13:06","slug":"adepr-abakiristo-baratabaza-leta-itorero-ryaba-riri-mu-nzira-yo-kwegurirwa","status":"publish","type":"post","link":"https:\/\/bwiza.com\/?p=9310","title":{"rendered":"ADEPR: Abakiristo baratabaza Leta, itorero ryaba riri mu nzira yo kwegurirwa abanyamahanga"},"content":{"rendered":"

Bamwe mu bakiristo b\u2019itorero rya Pentecote mu Rwanda (ADEPR), bandikiye inzego za Leta ndetse n\u2019iz\u2019iri torero bagaragaza impungenge bafite nyuma yo kumenya ko itorero ryaba riri mu nzira yo kwegurirwa abanyamahanga.<\/em> <\/strong>
\nAba bakiristo banagaragaza akarengane bagiriwe bakirukanwa mu itorero, nyuma yo kugenda bagaragaza bimwe mu bibazo byagiye bivugwa mu itorero ADEPR, ubwo ryari rikiyobowe na Bishop Jean Sibomana na nyuma yaho.
\nMusorukeye Protais, ni umwe mu bakirisito bahoze muri Komisiyo Nzahuratorero, nyuma akaza kwitandukanya nayo, ubu avuga ko we na bagenzi be babiri barenganyijwe kandi ubuyobozi bw\u2019inzibacyuho bwa ADEPR bukaba bubizi ariko ntacyo bubikoraho.
\nAshimangira ko ubuyobozi bafite ubu, nabwo bufite uruhare mu inyerezwa ry\u2019umutungo w\u2019itorero, by\u2019umwihariko bukaba buri mu nzira yo kuryegurira Abanya- Suede.
\nAganira na Bwiza.com, yabajijwe niba hari icyo abona cyahindutse mu itorero ADEPR nyuma yaho ubuyobozi bwariho bukuweho ndetse bukaba bukurikiranwe mu nkiko ku inyerezwa ry\u2019umutungo waryo, bagasimburwa n\u2019ubuyobozi bw\u2019inzibacyuho.
\nAgira ati \u201c Njyewe mbona nta tandukaniro mbona, impamvu mvuga ko nta cyahindutse, aba bayobozi bariho uyu munsi wa none, n\u2019ubundi bari mu nama yafataga ibyemezo bafatanyije na bwa buyobozi bwavuyeho, abantu batanu nibo bakuweho, nibo basimbuwe, nyamara ntibakoraga inama bonyine\u201d.
\nArakomeza agira ati \u201cUyu muvugizi uriho n\u2019umwungirije n\u2019ubundi bari aba rejiyonali n\u2019ubundi ntaho byavuye ntaho byagiye,\u2026 Uwitwa Ruzibiza Viateur ni umwe mu bantu bakoranye cyane n\u2019ubuyobozi bwavuyeho, rero ntaho byavuye ntaho byagiye\u201d.
\nMu ibaruwa bandikiye ubuyobozi bwa ADEPR bakagenera kopi inzego za Leta zirimo RGB, Minaloc,\u2026 bagaragaza ko nyuma y\u2019inama yabereye i Muhanga ku wa 21 Kanama 2017, imwe mu myanzuro yafatiwemo ibateye impungenge ko itorero riri mu nzira yo kwegurirwa abanyamahanga.
\nAti \u201cUbuyobozi bwa ADEPR busa n\u2019ubwashyize itorero mu maboko y\u2019abanyamahanga, ibyo bikomoka ku myanzuro y\u2019inama yabereye i Muhanga, tubonamo amasezerano bagiranye, amasezerano mashya, mbese ni byinshi,\u2026 niyo mpamvu rero twahisemo gutabaza abayobozi b\u2019igihugu cyacu bakadutabara.
\nAkomeza avuga ko nk\u2019Abakiristo bafite impungenge z\u2019uko itorero rigiye kujya mu maboko y\u2019Abanyaburayi, ati \u201cbitewe n\u2019amateka yaranze igihugu cyacu, Abanyarwanda duharanira kwigira, ntabwo dukwiriye gushyiraho amategeko nk\u2019Abanyarwanda cyangwa nk\u2019itorero ryacu, tuyabwirizwa n\u2019abanyamahanga, kuko nitwe tuzi ibibazo byacu, nitwe tuzi u Rwanda rwacu,\u2026 turasaba inzego za Leta ko zadufasha, ko zatuba hafi\u201d.
\nIngingo ya gatatu y\u2019umwanzuro w\u2019inama yabereye i Muhanga, ngo ugaragaza ko amahame n\u2019amategeko yagengaga ADEPR agiye kuvugururwa akazatangira kugenderwaho muri Werurwe 2018, aya mategeko mashya niyo azagenderwaho hashyirwaho Komite Nshingwabikorwa ya ADEPR, by\u2019umwihariko mu gutora aya mategeko, abanya-Swede nibo bazaba ari indorerezi z\u2019igikorwa cyose cy\u2019amatora.
\nAha niho bashingira bavuga ko itorero ryabo riri mu nzira yo gushyirwa mu maboko y\u2019Abanya-swede mu gihe cyose bazaba bafite ijambo mu bashyiraho amategeko arigenga.
\nUmuvugizi mukuru w\u2019itorer rya ADEPR , Rev. Karuranga Ephraim, mu kiganiro yagiranye na Bwiza.com ku murongo wa telefoni, avuga ko hari amwe mu mategeko agiye guhinduka ariko ko nta gahunda bafite yo kwegurira abanyamahanga itorero.
\nAgira ati \u201cAmategeko byo birashoboka ko yahindurwa kuko umuryango uhora urebererwa, hari ibizahinduka ibindi bigume uko bisanzwe\u201d.
\nArakomeza avuga ko nta mugambi wo kwegurira itorero abanyamahanga, ati \u201cNtabwo bishoboka, baduhagararira se kubera iki? ari uko se itorero ryabuze abakiristo barihagararira se? ibyo ntabwo ari byo, uwo mwanzuro ntawo nzi, ntawurimo\u201d.
\nAba bakiristo babatu (Mugabonake Schadrack, Usengimana Ildephonse\u00a0 na Musorukeye Protais) bandikiye inshuro 3 ubuyobozi bwa ADEPR, basaba kurenganurwa banagaragaza ko itorero rishobora gushyira mu maboko y\u2019abanya-suede, Rev. Karuranga avuga ko atabazi, by\u2019umwihariko ko nta nshingano azi yabahagaritseho.
\nAti \u201cIbyo abo bantu bavuga bya Nzahuratorero ntabwo ari ibyo mu gihe cyacu, ntabwo ari twe tubabohora, nonese bavuga ko twabahagaritse ku zihe nshingano, ibyo ntabwo tubizi\u201d.
\nMuri Gicurasi 2017, nibwo hatowe abayobizi bashya bo kuba bayoboye itorero ADEPR mu gihe cy\u2019inzibacyuho, nyuma yaho bamwe mu bari bariyoboye bafunzwe bakurikiranwe kunyereza umutungo w\u2019itorero, amatora nyirizina akaba ateganyijwe muri uku kwezi.
\n

\"\"
Ibaruwa ya mbere aba bakiristo batatu bandikiye ubuyobozi bwa ADEPR basaba kurenganurwa<\/em> <\/strong><\/figcaption><\/figure>
\n
\"\"
Ibaruwa ya kabiri banditse bibutsa, ntabwo bari basubiza<\/em> <\/strong><\/figcaption><\/figure>
\n
\"\"
Ibaruwa bandikiye inzego za Leta bazitakambira<\/em> <\/strong><\/figcaption><\/figure>
\n
\"\"
Bagaragaza impungenge bafite ko itorero ADEPR ryaba rigiye kwegurirwa abanyamahanga<\/em> <\/strong><\/figcaption><\/figure>
\n
\"\"
Umuvugizi mukuru w\u2019itorer rya ADEPR, Rev. Karuranga Ephraim<\/em> <\/strong><\/figcaption><\/figure>
\n Kanda kuri SUBSCRIBE ujye ubona ibiganiro n\u2019indirimbo bishya<\/a><\/strong> <\/p>\n
\n
\"YouTube