{"id":9321,"date":"2018-03-01T21:42:25","date_gmt":"2018-03-01T21:42:25","guid":{"rendered":"https:\/\/new.bwiza.com\/2018\/03\/01\/ruhango-hashize-amezi-asaga-6-badahabwa-amafaranga-basinyiye\/"},"modified":"2018-03-01T21:42:25","modified_gmt":"2018-03-01T21:42:25","slug":"ruhango-hashize-amezi-asaga-6-badahabwa-amafaranga-basinyiye","status":"publish","type":"post","link":"https:\/\/bwiza.com\/?p=9321","title":{"rendered":"Ruhango: Hashize amezi asaga 6 badahabwa amafaranga basinyiye"},"content":{"rendered":"

Bamwe mu bafite ubwandu bwa Virusi itera SIDA bo mu Karere ka Ruhango bavuga ko bamaze amezi asaga atandatu badahabwa n’ikigo nderabuzima cya Byimana, ho mu murenge wa Byimana amafaranga agenwa na Ministeri y\u2019ubuzima yo kuborohereza mu ngendo igihe bahamagajwe mu nama, kandi barayasinyiye.<\/em> <\/strong>
\nAya mafaranga basanzwe bayahabwa akabafasha mu ngendo igihe bitabiriye inama zibafasha kunoza imibereho y\u2019abo nk\u2019abafite ubwandu. Izi nama zibera ku bigo nderabuzima bitandukanye, aho buri muntu uba witabiriye iyo nama ahabwa ibihumbi 3500 by\u2019amafaranga y\u2019u Rwanda.
\nGusa Nshimyumukiza Emmanuel na bagenzi be bo mu karere ka Ruhango, basanzwe bayafatira ku kigo nderabuzima cya Byimana, ho mu murenge wa Byimana bemeza ko hashize amezi asaga atandatu batayabwa kandi nyamara baramaze kuyasinyira, dore ko ngo basabwe ibyangombwa byose nkenerwa kugira ngo bayahabwe ariko ntihagire igikorwa.
\nAba baturage bavuga ko iyo bakurikiranye amakuru basanga abandi bo kuyandi ma site barayahawe mu mpera z\u2019umwaka ushize , nyamara bo amaso akaba yaraheze mu kirere; dore ko ngo niyo bagerageje kubaza ababishinzwe babacunaguza, aho kubumva.
\nKudahabwa aya mafaranga ngo byabagizeho ingaruka, dore ko ngo nk\u2019uwakaguze ikimufasha kuzahura ubuzima bwe bidakunda, akarushaho kunegekara.
\nMukeshimana Louise, umuyobozi w\u2019ikigo nderabuzima cya Byimana, aba baturage bafatiraho amafaranga avuga ko gutinda guhabwa aya mafaranga kuri aba baturage\u00a0 kandi barayasinyiye byatewe no guhindagurika k\u2019uburyo bari basanzwe bayafatamo.
\nAvuga ko bayafatiraga mu matsinda, kandi bakayafata mu ntoki ubu bikaba byarabaye ngombwa ko anyuzwa muri banki agashyirwa kuri konti y\u2019umuntu ku giti cye nkuko byategetswe na Ministere y\u2019ubuzima ari nayo iyatanga
\nAti \u201cTwayatangaga mu matsinda, amatsinda barabyanga niyo mpamvu bari basinye mbere kugaruka gusinya bwa kabiri, ni ukugira ngo buri wese agire konti ye bijyanye nuko yitabiriye inama[liste de presence], guhuza rero iyo myirondoro nibyo byadutindije\u201d.
\nAkomeza agira ati \u201cmu kwezi kwa 12 k\u2019umwaka ushize nibwo batubwiye ngo duhindure uburyo twari dusanzwe tuyatangamo, ngo amafaranga yo mu ntoki ntibyaba binoze, kandi dufite abantu bari hejuru ya 450 bafite ubwandu, ubwo rero buri wese kuzana nimero ye ya konti kubinoza biragorana. Ubu rero nibyo tugitunganya, niyo mpamvu twabatumyeho inshuro zirenga imwe, bwa mbere twarabikoze tubona birapfuye twongera kubatumaho..\u201d
\nRukemba Zacharie, umuyobozi mukuru w\u2019ibitaro bya Gitwe biherereye mu murenge wa Bweramana ari nabyo bikurikirana imikorere y\u2019iki kigo nderabuzima, avuga ko bari kubikurikirana ngo barebe uko ayo mafaranga yabageraho vuba, dore ko n\u2019ubuyobozi bw\u2019ikigo nderabuzima buvuga ko bitazarenza ukwezi kwa gatatu bitarakemuka.
\nIki kigo nderabuzima cya Byimana gisanzwe gifatirwaho amafaranga n\u2019abafite ubwandu bwa Virusi itera SIDA barenga 500. Kuba barasinyiye amafaranga ntibayahabwe bishobora kuba intandaro yo gutera icyizere ubuyobozi bw\u2019iki kigo nderabuzima.
\n Kanda kuri SUBSCRIBE ujye ubona ibiganiro n\u2019indirimbo bishya<\/a><\/strong> <\/p>\n

\n
\"YouTube