{"id":9322,"date":"2018-03-02T09:26:05","date_gmt":"2018-03-02T09:26:05","guid":{"rendered":"https:\/\/new.bwiza.com\/2018\/03\/02\/dr-munyakazi-leopold-ukurikiranweho-ibyaha-bya-jenoside-arasaba-kujya\/"},"modified":"2018-03-02T09:26:05","modified_gmt":"2018-03-02T09:26:05","slug":"dr-munyakazi-leopold-ukurikiranweho-ibyaha-bya-jenoside-arasaba-kujya","status":"publish","type":"post","link":"https:\/\/bwiza.com\/?p=9322","title":{"rendered":"Dr.Munyakazi Leopold ukurikiranweho ibyaha bya jenoside, arasaba kujya kuburanira iwabo"},"content":{"rendered":"

Urukiko rukuru rwasubukuye iburanisha ry’urubanza rwa\u00a0 Dr.Munyakazi Leopold yajuririyemo kubera igihano cy’igifungo cya burundu y’umwihariko yahanishijwe mu mwaka ushize,\u00a0 akaba yasabye ko yazajya kuburanira ku ivuko.<\/em> <\/strong>
\nMu iburanisha ryo ku wa kane tariki ya 1 Werurwe 2018, uregwa yasabye ko umucamanza yazajya kumuburanishiriza aho bikekwa ko yakoreye ibyaha. Arasanga ari bwo yabona ubutabera buboneye. Ubushinjacyaha bumukurikiranyeho ibyaha bya jenoside n’ibyibasiye inyokomuntu.
\nKimwe mu byo uyu mugabo asaba urukiko rukuru ni ukumanuka rukajya kumuburanishiriza mu karere ka Kamonyi mu cyahoze kitwa Komini Kayenzi, aho bikekwa ko yakoreye ibyaha. Mu mwaka ushize wa 2017 ni bwo Munyakazi yakatiwe n\u2019urukiko rwisumbuye rwa Muhanga igihano cy\u2019igifungo cya burundu y\u2019umwihariko.
\nDr.Munyakazi yasabye umucamanza kongera gusuzumana ubushishozi ubusabwe bwe. Arasanga kujya kumuburanishiriza aho aregwa ko yakoreye ibyaha byarushaho gutanga isura nziza y\u2019ubutabera bw\u2019u Rwanda mu maso y\u2019amahanga.
\nMuhima Antoine umucamanza ukuriye inteko iburanisha, yabwiye uregwa ko urubanza rugomba gukomereza mu rukiko yajuririyemo bazabona ari ngombwa bakazamanuka aho bikekwa ko ibyaha byabereye. Ni ingingo yashimishije Munyakazi.
\nDr Munyakazi kandi yikomye inkiko\u00a0 zamuburanishije mbere zikamuhanisha igihano cya burundu y\u2019umwihariko. Aravuga ko izo nkiko zitabifitiye ububasha.
\nAravuga ko agifatwa hatagombaga kugira urundi rukiko rumuburanisha uretse uru rugereko rwihariye ruburanisha ibyaha biri ku rwego mpuzamahanga n\u2019ibyaha byambukiranya imipaka.
\nUbushinjacyahan bwavuze ko urukiko rwamuciriye urubanza rubifitiye ububasha kandi ko Munyakazi yakunze kwiyima uburenganzira bwo kuburana.
\nBwavuze ko urukiko rukuru rufite ububasha bwo kuburanisha ubujurire bw\u2019uregwa ariko nta bubasha rufite bwo gutesha agaciro ibyakozwe n\u2019inkiko zabanje.
\nIndi ngingo yateje impaka mu rukiko ku baburanyi bombi, ni iy\u2019abatangabuhamya bagera kuri 15 bahamagajwe n\u2019uruhande rwa Munyakazi. Aba bari biganjemo abasaza n\u2019abakecuru bazi ko baje gushinjura uregwa.
\nUbushinjacyaha buvuga ko aba batangabuhamya baje mu rukiko mu buryo bunyuranyije n\u2019amategeko kuko bagombye kuba bagaragarizwa imyirondoro yuzuye ndetse n\u2019icyo bazafasha urukiko. Ubushinjacyaha bwafashe abo bari baje mu rukiko nk\u2019abaherekeza. Bwavuze ko hagomba kubanza kuboneka urutonde rwabo runoze urukiko rukarwemeza aho kuza nk\u2019abaherekeje mu bukwe.
\nUruhande rwiregura rwo ruvuga ko aba batangabuhamya bari barabatanze no mu nyandiko. Munyakazi yabwiye umucamanza ati Nyakugira Imana nanjye ibyo ubushinjacyaha buvuga ni ko mbibona ariko ndagira ngo mbuhumurize ndabona bwatangiranye ubwoba.
\nUmunyamategeko umwunganira yavuze ko iby\u2019abatangabuhamya bamushinjura baje mu rukiko, umucamanza yabisuzuma.
\nUmucamanza yavuze ko hataragera kumva abatangabuhamya. Yavuze ko kuba baje bishobora gukorwa mu manza mbonezamubano kandi ko bitashoboka mu manza nshinjabyaha. Yabategetse gusohoka mu iburanisha umwanditsi w\u2019urukiko akabanza gufata imyirondoro yabo.
\nNi ingingo na yo Munyakazi yateyeho impaka maze avuga ko imyirondoro y\u2019abatangabuhamya ikorerwa ku nyandiko y’iburanisha bari mu rukiko.
\nDr.Munyakazi Leopold yavanwe\u00a0 muri USA muri leta ya Alabama mu 2016 aho yari umwalimu muri Kaminuza. Mu 2017 inkiko z\u2019u Rwanda zamuhanishije igihano cy\u2019igifungo cya burundu y\u2019umwihariko nyuma yo kumuhamya ibyaha bya jenoside n\u2019ibyibasiye inyokomuntu. Ibyaha byose yita ko ari ibicurano. Iburanisha rizakomeza ku itariki ya 08 y’ukwezi kwa gatatu.
\n Kanda kuri SUBSCRIBE ujye ubona ibiganiro n\u2019indirimbo bishya<\/a><\/strong> <\/p>\n

\n
\"YouTube