{"id":9377,"date":"2018-03-07T08:22:04","date_gmt":"2018-03-07T08:22:04","guid":{"rendered":"https:\/\/new.bwiza.com\/2018\/03\/07\/gakenke-polisi-yatesheje-amabandi-yari-yibye-ibifite-agaciro-ka-miliyoni\/"},"modified":"2025-02-12T14:38:22","modified_gmt":"2025-02-12T12:38:22","slug":"gakenke-polisi-yatesheje-amabandi-yari-yibye-ibifite-agaciro-ka-miliyoni","status":"publish","type":"post","link":"https:\/\/bwiza.com\/?p=9377","title":{"rendered":"Gakenke: Polisi yatesheje amabandi yari yibye ibifite agaciro ka miliyoni zirindwi"},"content":{"rendered":"
\nInzego z\u2019umutekano zikorera mu karere ka Gakenke, mu ijoro ryo ku wa mbere tariki ya 5 Werurwe, zaburijemo ubujura bwagombaga kubera mu isoko rya Gakenke bwari bugamije kwiba amaduka 14 ari muri iryo soko. Ibyo bateshejwe bifite agaciro ka miliyoni zirindwi.\n<\/div>\n
\nUmuvugizi wa Polisi mu Ntara y\u2019Amajyaruguru, Chief Inspector of Police (CIP) Hamdun Twizeyimana, yavuze ko ari agatsiko k\u2019amabandi atatu kari kacuze uwo mugambi ukaza kugapfubana, kuko kakomwe mu nkokora n\u2019inzego z\u2019umutekano, ariko umwe muri bo witwa Ngarambe Pierre akaba yaratawe muri yombi.\n<\/div>\n
\nYavuze ati:\u201dKu mugoroba wo kuwa mbere tariki ya 5 Werurwe, Polisi yakiriye amakuru iyahawe n\u2019umuturage wari uzi neza ko hari agatsiko k\u2019amabandi kacuze umugambi wo kwiba mu isoko rya Gakenke mu masaha y\u2019igicuku.\u201d\n<\/div>\n
\nYakomeje avuga ati:\u201dTumaze kumenya ayo makuru, twahise tujya hafi y\u2019iryo soko dutegereza ko akogatsiko kaza gushyira mu bikorwa umugambi wako, nibwo mu masaha ya saa tanu n\u2019igice z\u2019ijoro kaje gatangira kwiba, umwe muri bo witwa Ngarambe afatirwa mu cyuho, babiri batorotse ubu bakaba bagishakishwa.\u201d\n<\/div>\n
\nCIP Twizeyimana yavuze kandi ati:\u201dBari bacuze umugambi wo gusahura amaduka 14 ari muri iryo soko acuruza imyenda, inkweto n\u2019amavuta, ariko ibyo bari bamaze gusohora twarabibatesheje bisubizwa ba nyirabyo.\u201d\n<\/div>\n
\nMu byo bateshejwe harimo imyenda yari ipakiye mu mifuka 7, imifuka 2 y\u2019inkweto n\u2019amajerikani y\u2019amavuta yo guteka nayo yari ari mu mifuka 2, byose hamwe bifite agaciro ka Miliyoni zirindwi (7,000,000Frw) z\u2019amafaranga y\u2019u Rwanda.\n<\/div>\n
\nCIP Twizeyimana ashimira abaturage batanze amakuru yavuze ati:\u201dAho abaturage bumva neza uruhare rwabo mu kwicungira umutekano no gutangira amakuru ku gihe, ntaho abanyabyaha bamenera ngo bagere ku migambi yabo mibisha cyangwa ngo bacike ubutabera.\u201d\n<\/div>\n
\nUmwe mu bari bagiye kwibwa witwa Murenzi Geremie yavuze ati:\u201dIyo abaturage bamenya aya makuru ntibayageze ku nzego z\u2019umutekano ngo ziburizemo ubu bujura, iki cyari kuba ari igihombo gikomeye.\u201d\n<\/div>\n
\nMurenzi yakomeje avuga ati:\u201dIbi biratwereka ko aho turi n\u2019aho tugenda, dukwiye kwibuka gucunga umutekano wacu n\u2019uw\u2019abandi. Uyu muturage wahaye amakuru Polisi yabikoze kuko yumvaga ko gucunga umutekano wacu muri rusange n\u2019uw\u2019ibyacu by\u2019umwihariko ari inshingano ze.\u201d
\n Kanda Subscribe kuri Bwiza TV ujye ubona videwo zigezweho z\u2019ubuzima,imikino,imyidagaduro\u2026<\/a><\/strong> <\/p>\n
\n
\"YouTube