{"id":9382,"date":"2018-03-07T12:16:39","date_gmt":"2018-03-07T12:16:39","guid":{"rendered":"https:\/\/new.bwiza.com\/2018\/03\/07\/gen-kayihura-n-abandi-barimo-abanyarwanda-bagiye-kujyanwa-mu-nkiko-n-uwahoze-mu\/"},"modified":"2025-02-12T14:38:19","modified_gmt":"2025-02-12T12:38:19","slug":"gen-kayihura-n-abandi-barimo-abanyarwanda-bagiye-kujyanwa-mu-nkiko-n-uwahoze-mu","status":"publish","type":"post","link":"https:\/\/bwiza.com\/?p=9382","title":{"rendered":"Gen. Kayihura n\u2019abandi barimo Abanyarwanda bagiye kujyanwa mu nkiko n\u2019uwahoze mu gipolisi"},"content":{"rendered":"

Ali Kabanda, wahoze mu gipolisi cya Uganda akaza guhunga igihugu Gen Kale Kayihura akiri umuyobozi wacyo, aravuga ko kumwirukana ku mirimo ye bidahagije agiye kumukurikirana mu Rukiko Mpuzamahanga Mpanabyaha, aho amushinja ibyaha byibasiye inyokomuntu, amushinja gufatanya n\u2019abandi batandukanye barimo n\u2019Abanyarwanda.
\nNk\u2019uko iyi nkuru dukesha Chimpreports ivuga, Kabanda yagize ati: \u201cKwirukana Gen. Kayihura ntabwo bihagije. Nari kuzamujyana muri ICC none Perezida yatumye binyorohera.\u201d
\nMu kirego ateganya gushyikiriza ICC, Kabanda ashinja ibyaha byibasiye inyokomuntu Kayihura, Dan Munyuza (wo mu Gipolisi cy\u2019u Rwanda), Col James Burabyo (ukora muri ambasade y\u2019u Rwanda i Kampala), SCP Joel Aguma, ACP Jonathan Baroza, CP Ismail Baguma, SSP Nixon Agasirwe Karuhanga na ASP Fred Tumuhirwe.
\nKabanda akaba avuga ko mu kirego cye azasobanura ukuntu aba bapolisi bakuru b\u2019ibihugu byombi bagize uruhare mu bikorwa byo kohererezanya ku ngufu abantu.
\nUyu kandi yakomeje yizeza kuzatanga ibihamya imbere ya ICC bigaragaza ko abapolisi bagize uruhare mu gucyura mu buryo bunyuranyije n\u2019amategeko impunzi z\u2019Abanyarwanda zivanwa muri Uganda buri umwe yishyurwaga amadolari 500.
\nYakomeje avuga ko azanatanga amazina n\u2019amakuru ajyanye n\u2019ibi bikorwa imbere y\u2019Urukiko Mpuzamahanga Mpanabyaha rwa La Haye mu Buholandi.
\nIyi nkuru irakomeza ivuga ko ikitarasobanuka neza ari ukumenya niba ICC izakira iki kirego.
\nBivugwa ko Ali Kabanda kugeza mu myaka mikeya ishize yahoze ari umupolisi ushinzwe iperereza ku byaha byo ku rwego rwo hejuru nko kwibisha intwaro, iterabwoba n\u2019ubwicanyi.
\nAsobanura ko yagiranye ibibazo na Gen. Kayihura bitewe n\u2019ukuntu yitwaraga nabi mu birego nk\u2019ibyo kwica abayisilamu. Ati: \u201cNamubwiye ko yari arimo guta muri yombi inzirakarengane avuga ko bari muri ADF kandi atari byo.\u201d
\nKabanda anavuga irindi perereza ku iyicwa ry\u2019umuyobozi mu idini rya isilamu muri Busoga avuga ko ryakurikiwe n\u2019itabwa muri yombi ry\u2019abantu b\u2019inzirakarengane bafatwaga nk\u2019abakekwa.
\nAvuga ko nawe bashatse kumugerekaho iki cyaha kandi yari arimo arafasha ngo abakekwa ba nyabo batabwe muri yombi. Anavuga ukuntu abantu bo mu biro bya Kayihura bibye amafaranga mu mahano ya forode yabereye muri Equity Bank ariko bakagerageza kumushyirishamo we n\u2019undi witwa Charles Kataratambi
\nAbajijwe icyo yumva cyakorwa mu gusukura Igipolisi cya Uganda, Kabanda yavuze ko abapolisi bose batize bakwiriye gusubizwa mu mahugurwa, kandi ababashije kwiga bashyizwe ku ruhande bagasubizwa mu myanya yabo nk\u2019uwitwa Abbas Byakagaba (mu kurwanya iterabwoba), Elly Womanya na Kataratambi.
\nAbajijwe icyo Kayihura yaba yarabashije gukora akiri ku buyobozi bw\u2019igipolisi, yasubije ko yateguye abapolisi bakiri bato, akubaka icyicaro cya polisi, akagura n\u2019imodoka zoroheje ingendo z\u2019abapolisi.
\nYakomeje ariko amushinja kuba igihe cye kinini yarakimaraga muri politiki, yita ku binyoma bya Agasirwe bikabangamira abakozi be ubwe ndetse akirengagiza inzego mu guhangana n\u2019ibyaha.
\n Kanda kuri SUBSCRIBE ujye ubona ibiganiro n\u2019indirimbo bishya<\/a><\/strong> <\/p>\n

\n
\"YouTube