{"id":9420,"date":"2018-03-10T11:10:52","date_gmt":"2018-03-10T11:10:52","guid":{"rendered":"https:\/\/new.bwiza.com\/2018\/03\/10\/pasiteri-yampanuriye-ko-mbonye-umugabo-ansaba-gutanga-ishimwe-ry-ibihumbi-500\/"},"modified":"2025-02-03T01:02:12","modified_gmt":"2025-02-02T23:02:12","slug":"pasiteri-yampanuriye-ko-mbonye-umugabo-ansaba-gutanga-ishimwe-ry-ibihumbi-500","status":"publish","type":"post","link":"https:\/\/bwiza.com\/?p=9420","title":{"rendered":"Pasiteri yampanuriye ko mbonye umugabo, ansaba gutanga ishimwe ry\u2019ibihumbi 500, ubu namenye ko ari imitwe we n\u2019umusore bankinnye- NKORE IKI?"},"content":{"rendered":"

Yesu ashimwe bene data, nitwa Olive [ryahinduwe] iwacu ni mu murenge wa Gatenga ariko si ho mvuka, nkana nsengera muri rimwe mu matorero akorera mu mujyi wa Kigali.
\nNdi umufille-mere ukuze, imyaka yanjye nirinze kuyivuga, ariko ntabwo yari yarenga 40, nkaba mfite umwana umwe w\u2019umuhungu ugiye kuzuza imyaka 7.
\nMu by\u2019ukuri nubwo nabyaye, nta mugabo ngira, mfite akazi kanjye kantunze, ndikorera kandi business yanjye iragenda neza cyane.
\nUmuntu w\u2019inshuti yanjye kuko yari azi ko nshaka umugabo cyane, yaraje aranyegera ati uzaze nkwereke ahantu tujyana gusenga, ati hakorerwa ibitangaza, ndemera tujyanayo.
\nNasengeyeyo inshuro nyinshi, kera kabaye mpamaze nk\u2019amezi atatu, nibwo Pasiteri ntavuze izina yagize ati \u2018ubonye umugabo\u2019 iryo jambo na njye ndisamira ejuru.
\nNibyo koko muri iyo minsi hari umusore nawe ukuze waje iwanjye guhaha aho ncururiza, amvugisha neza, agiye gutaha aranshimira ku bwa serivisi nziza nari muhaye.
\nYagiye agaruka, nyuma akajya anampamagara ambaza niba ibyo ashaka bihari, rimwe na rimwe akohereza n\u2019umukozi akaza kubifata, mbese tuba inshuti, na njye nti ‘umugabo namubonye pe’!.
\nHagati aho, ubwo urukundo rwasaga nkaho rushyushye, nibwo nagiye gusenga Pasiteri ati, Imana yavuze ngo nintange ishimwe ry\u2019ibihumbi 500, rwose ntabwo naciye ku ruhande, bwarakeye ndayatanga kuko sinarinyabuze, kandi n\u2019icyo nayisabaga nabonaga cyarabonetse.
\nNtavuze byinshi, wa musore twarakomeje, bigera naho kwinjira mu rukundo neza, dupanga uko twabana, akambwira ko umwana mfite nta kibazo tuzamurerana n’abandi, aho twari tugeze ubu, ni hahandi twaganiraga iby\u2019ubukwe gusa.
\nHari akantu kamwe katumye ngira amakenga, biba ngombwa ko nkora ubushakashatsi, naje gusanga umusore aziranye cyane na wa mupasiteri, nkurikiye nza no gusanga ahubwo uwo nitaga umusore, afite umugore n\u2019abana babiri, menya ko n’ibyo bankoraga byose babiziranyeho.
\nUwo musore yari andimo amadeni, akiyongera ku bihumbi byanjye natanze, mbese ntababeshye, ibyambayeho ni akumiro, ntabwo narinzi ko abatekamutwe bariho, gusa wenda ntacyo byahungabanyije ku byanjye, ariko iyo ntaba maso vuba, bari kumaraho amafaranga.
\nNk\u2019uko bwiza.com tuyikunda, na njye ndifuza ko mungira inama, ntabwo nkeneye ngo abasore bampamagare, kuko ntabwo ndi muri nshaka umukunzi, icyo mbisabira ni inama.
\nEse uyu mupasiteri murege ansubize ayanjye, gusa uwambeshyaga urukundo afite umugore n\u2019abana babiri we, sintukanye ariko nahise mufata nk\u2019imbwa, nta n\u2019icyo namukurikiranaho kuko amadeni andimo si menshi cyane. Mungire inama nkore iki?
\n Kanda kuri SUBSCRIBE ujye ubona ibiganiro n\u2019indirimbo bishya<\/a><\/strong> <\/p>\n

\n
\"YouTube