{"id":9504,"date":"2018-03-15T13:20:03","date_gmt":"2018-03-15T13:20:03","guid":{"rendered":"https:\/\/new.bwiza.com\/2018\/03\/15\/iyo-dutumye-hari-abadukorera-ibyo-dukeneye-bituviramo-kuba-ingwate-yabo\/"},"modified":"2025-02-12T14:33:22","modified_gmt":"2025-02-12T12:33:22","slug":"iyo-dutumye-hari-abadukorera-ibyo-dukeneye-bituviramo-kuba-ingwate-yabo","status":"publish","type":"post","link":"https:\/\/bwiza.com\/?p=9504","title":{"rendered":"Iyo dutumye hari abadukorera ibyo dukeneye, bituviramo kuba ingwate yabo- Perezida Kagame"},"content":{"rendered":"

Perezida Kagame akaba n\u2019umuyobozi w\u2019umuryango wa Afurika Yunze Ubumwe (AU), avuga ko iki ari cyo gihe ku Banyafurika cyo kwikorera ibyabo bakeneye.<\/em> <\/strong>
\nMu kiganiro Perezida Kagame yagiranye n’abitabiriye Inama Nyafurika y’Ibitangazamakuru by’Amajwi n’Amashusho ihuza abagize Ihuriro Nyafurika ry’Ibitangazamakuru bikoresha Amajwi n’Amashusho baturutse mu bihugu bitandukanye ku mugabane wa Afurika, i Kigali kuri uyu wa 15 Werurwe 2018, yavuze ko nk\u2019Abanyafurika, ari igihe cyo kwikorera ibyo bakeneye.
\nYagize ati \u201cIki ni igihe cyo kwikorera ubwacu ibyo dukeneye. Nitutabikora, bizadutwara ikiguzi kinini kurusha icyo byadutwara tubyikoreye. Iyo dutumye hari abadukorera ibyo dukeneye, bituviramo kuba ingwate yabo, bakatugiraho ububasha bwose bashaka\u201d.
\nPerezida Kagame avuga ko uko igihe kizagenda gishira ariko Abanyafurika bazagenda babona ko hari igihe bataye, agasaba abakuru b\u2019ibihugu bigize uyu mugabane wa Afurika guhagurukira rimwe bagakora ibyo bagomba.
\nAti \u201cUko igihe kigenda gishira tuzabona ko twatakaje amahirwe. Tugomba kugira icyo twikorera ubwacu nk’umugabane. Nk’Abayobozi ba Afurika ubu twese twemeranya ko ari igihe cyo gukora ibyo tugomba gukora\u201d.
\nAvuga kandi ko abanyafurika bakwiriye kugera ku byo bashaka bagendeye ku mateka yabo, aha atanga urugero rw\u2019u Rwanda, ko ibyo rugeraho rugendera ku mateka yaruranze.
\nAti \u201cTugomba kwigira ku mateka yacu, aho twagiye dutsindwa, ariko tukanibuka ko igihe cyo gukora ari ubungubu, maze tugashyira mu bikorwa amasomo dukura mu mateka. Hari imbaraga nshya dukomeza kubona z’abantu bashaka kugira icyo bakora.
\nAragaruka ku Rwanda, ati \u201cMu Rwanda, kubera amasomo twigiye ku mateka , twumva neza ibyo dushaka kwikorera ubwacu ndetse n\u2019uko ibibera ahandi ku Isi natwe bitugiraho ingaruka. Twumvise ko tugomba gukora ibitubereye kandi tugakomeza gushaka ibidufasha kugera aho dushaka,\u2026 Uburyo dukoresha buroroshye kuko tuzi icyo dushaka nk’Abanyarwanda. Turashaka amahoro, uburumbuke, n’umutekano kuri buri munyarwanda wese\u201d.
\nInama Nyafurika y’Ibitangazamakuru by’Amajwi n’Amashusho irimo kubera i Kigali kuva ku wa Mbere tariki ya 12 Werurwe 2018.
\n Kanda kuri SUBSCRIBE ujye ubona ibiganiro n\u2019indirimbo bishya<\/a><\/strong> <\/p>\n

\n
\"YouTube