{"id":9518,"date":"2018-03-16T10:47:22","date_gmt":"2018-03-16T10:47:22","guid":{"rendered":"https:\/\/new.bwiza.com\/2018\/03\/16\/anne-rwigara-avuga-ko-cyamunara-yo-kugurisha-imwe-mu-mitungo-yabo-idakurikije\/"},"modified":"2025-02-12T14:33:09","modified_gmt":"2025-02-12T12:33:09","slug":"anne-rwigara-avuga-ko-cyamunara-yo-kugurisha-imwe-mu-mitungo-yabo-idakurikije","status":"publish","type":"post","link":"https:\/\/bwiza.com\/?p=9518","title":{"rendered":"Anne Rwigara avuga ko cyamunara yo kugurisha imwe mu mitungo yabo idakurikije amategeko"},"content":{"rendered":"

Umuyobozi w\u2019uruganda rukora itabi “Premier Tobacco Company”, avuga ko itangazo ryasohowe ryo guteza mu cyamunara bimwe mu bikoresho byarwo, ridakurikije amategeko.<\/em> <\/strong>
\nItangazo ryasohowe ku wa Gatatu tariki ya 14 Werurwe 2018, umuhesha w\u2019inkiko w\u2019umwuga, Me Habimana Vedaste abisabwe na Rwanda Revenu Autority, akaba amenyesha ko ku wa Gatatu tariki ya 28 Werurwe 2018, hazatezwa cyamunara sotoki y\u2019itabi ryakozwe n\u2019uruganda \u2018Premier Tobacco Company\u2019 rwubatse i Gikondo mu Mujyi wa Kigali.
\nNyuma y\u2019aho iri tangazo risohorewe, umuyobozi w\u2019uru ruganda, Anne Rwigara, akaba n\u2019umukobwa wa Rwigara Assinapaul, mu kiganiro yagiranye na Radiyo Ijwi rya Amerika, yatangaje ko byakozwe hadakurikijwe amategeko.
\nYagize ati \u201cNtabwo rikurikije amategeko bitewe n\u2019uko kugirango cyamunara ibe iyo ikigurishwa kiri hejuru ya Miliyoni eshatu, kigomba gukorerwa expertise, hamenyeshwa nyiri ibintu icya kabiri hagomba gukoreshwa icyemezo cy\u2019urukiko, \u2026 icyo cyemezo cy\u2019urukiko rero ntacyo babona kuko urubanza rutaraba\u201d.
\nArakomeza avuga ko iyi cyamunara ntacyo ishingiyeho, ati \u201ciriya cyamunara rero ntabwo ikurikije amategeko, ntacyo ishingiyeho, no kugirango babikore ni gahunda zabo ntacyo bagenderaho gifatika\u201d.
\nAbajijwe icyo bateganya gukora mu gihe bavuga ko cyamunara idaciye mu mucyo, Anne Rwigara yasubije agira ati \u201cturashaka gutanga ikindi kirego cyihuse kigaragaza ko iyi cyamunara igomba guteshwa agaciro, icyo kirego rero kirihuta ku buryo\u2026. Ni amasaha 48, tukakiburana tukagaragaza inzitizi zijyanye n\u2019icyo kirego cya gahunda ya cyamunara, \u2026. Kuva badufungira uruganda mu kwa karindwi 2017, nta kintu bigeze bakora gikurikije amategeko\u201d.
\nIkigo cy\u2019imisoro kivuga ko\u00a0‘Premier Tobacco Company’ yanze kwishyura imisoro isaga miliyari 5 z\u2019Amafaranga y\u2019u Rwanda. iri tangazo rikaba risohowe nyuma yaho\u00a0urukiko rw\u2019ubucuruzi rwa Nyarugenge n’urwikirenga zitesheje agaciro\u00a0ikirego cy\u2019uru ruganda, rwasabaga gufungurirwa ndetse runagaragaza igihombo rwatewe no kumara amezi asaga 7 rufunze.
\n\"\"
\n Kanda kuri SUBSCRIBE ujye ubona ibiganiro n\u2019indirimbo bishya<\/a><\/strong> <\/p>\n

\n
\"YouTube