{"id":9523,"date":"2018-03-16T13:45:18","date_gmt":"2018-03-16T13:45:18","guid":{"rendered":"https:\/\/new.bwiza.com\/2018\/03\/16\/ngoma-ubuyobozi-bw-akarere-bwakoze-itekinika-bubeshya-ko-abaturage-80-bafite\/"},"modified":"2018-03-16T13:45:18","modified_gmt":"2018-03-16T13:45:18","slug":"ngoma-ubuyobozi-bw-akarere-bwakoze-itekinika-bubeshya-ko-abaturage-80-bafite","status":"publish","type":"post","link":"https:\/\/bwiza.com\/?p=9523","title":{"rendered":"Ngoma: Ubuyobozi bw\u2019akarere bwakoze itekinika bubeshya ko abaturage 80% bafite amazi meza"},"content":{"rendered":"

Abaturage bo mu karere ka Ngoma, Intara y\u2019i Burasirazuba, bavuga ko batunguwe no kumva ko abayobozi babwiye Abasenateri ko muri ako Karere bafite amazi ku gipimo cya 80% kandi bamwe bakivoma ibiziba.<\/em> <\/strong>
\nKu wa Gatatu tariki ya 14 Werurwe 2018, \u00a0nibwo ubuyobozi bw\u2019akarere ka Ngoma bwatangarije Abasenateri\u00a0\u00a0ko muri Ngoma bafite amazi meza, ko abaturage bayafite bageze kuri 80%, ibi byaranyomojwe ko harimo itekinika.
\nAbo mu murenge wa Mugesera, ni bamwe mu bababajwe no kumva ubuyobozi bwabo buvuga ko amazi yabagajejweho ku gipimo gishimishije, kandi bamwe bakivoma mu bishanga nabyo bya kure.
\nUmwe mu batuye uyu murenge yagize ati \u201ctwe twatangajwe n\u2019uko batangaje ko dufite amazi ku buryo wumva imibare wumva ko nta kibazo cy\u2019amazi dufite kandi tuvoma amazi mabi mu kiyaga cya Mugesera, kandi ni mabi tukanayavoma kure, turibaza niba tuzahabwa amazi meza kandi abayobozi bavuga ko tuyafite ahagije, gusa twishimiye ko abasenateri banenze iyo mibare\u201d.
\nAbatuye imirenge ya Jarama, Rukumberi, Sake na Zaza nabo bemeza ko hari abaturage bagikoresha amazi mabi nayo bavoma kure mu bishanga n\u2019ibiyaga.
\nUmwe muri bo, ati \u201cabaturage batuye mu byaro dufite ikibazo cy\u2019amazi ku buryo abenshi tuvoma amazi y\u2019ikiyaga n\u2019ibishanga kandi nabwo tukayavoma kure kuko nibura dukora nk\u2019ibirometero 4 cyangwa 5, bashobora kuba bavuga ko amazi meza ahari wenda bagendeye ku biyaga dufite ariko ntabwo twe twemera ko ahari ahubwo turasanga iriya mibare ishobora gutuma abaterankunga batadufasha kubona amazi hafi kandi meza\u201d.
\nPerezida w\u2019inama njyanama y\u2019akarere\u00a0\u00a0ka Ngoma, \u00a0Banamwana Bernard, avuga ko nk\u2019abajyanama bagiye kuzajya bakurikirana neza niba ibitangazwa n\u2019abakozi, biba byarashyizwe mu bikorwa ku rugero rutangazwa.
\nAgira ati \u201cNk\u2019abajyanama bahagarariye abaturage dufite akazi kenshi ko gukurikira ibikorwa bibakorerwa, nk\u2019uko twari dusanzwe tubikora, ubu tugiye kujya dukurikirana uburyo imishinga irimo gukorwa, n\u2019iyo kugeza amazi meza ku baturage ndetse tuzajya tureba niba ibigaragazwa n\u2019abakozi ariko byakozwe\u201d.
\nBanamwana akomeza ahumuriza abaturage bagaragaza ko bafite ikibazo cy\u2019amazi meza.
\nAti \u201cAbaturage ntibakwiye kugira impungenge kubera ibyatangajwe kuko hazarebwa niba koko ariko biri kandi hari imishinga izakomeza yo kugeza amazi meza ku batayafite, hari umushinga munini wo gutunganya amazi mu kiyaga cya Mugesera uzarangira mu mwaka wa 2022 uzadufasha gukemura ikibazo ku baturage badafite amazi meza\u201d.
\nMu mwaka wa 2016, Ubwo yagaragariza Inteko Ishinga Amategeko imitwe yombi gahunda ya Guverinoma ku bijyanye n\u2019isuku n\u2019isukura, Minisitiri w\u2019Intebe, Murekezi Anastase, yatangaje ko\u00a0 Uhereye mu 2010 kugeza\u00a0 2017, Abanyarwanda bose 100% bagombye kuba baragezweho n’ amazi meza , muri metero 200 mu mujyi cyangwa metero 500 mu cyaro. Yavugaga ko bizagerwaho bivuye muri 74.2% mu 2010.
\n Kanda kuri SUBSCRIBE ujye ubona ibiganiro n\u2019indirimbo bishya<\/a><\/strong> <\/p>\n

\n
\"YouTube