{"id":9557,"date":"2018-03-20T12:06:11","date_gmt":"2018-03-20T12:06:11","guid":{"rendered":"https:\/\/new.bwiza.com\/2018\/03\/20\/nyamasheke-kutagira-murandasi-internet-mu-bigo-by-amashuli-ni-kimwe-mu\/"},"modified":"2018-03-20T12:06:11","modified_gmt":"2018-03-20T12:06:11","slug":"nyamasheke-kutagira-murandasi-internet-mu-bigo-by-amashuli-ni-kimwe-mu","status":"publish","type":"post","link":"https:\/\/bwiza.com\/?p=9557","title":{"rendered":"Nyamasheke: Kutagira murandasi (internet) mu bigo by\u2019amashuli, ni kimwe mu bibangamiye ireme ry\u2019uburezi"},"content":{"rendered":"

Ababyeyi barerera mu ishuri ryisumbuye rya Tyazo riri mu murenge wa Kanjongo mu karere ka Nyamasheke, kimwe n\u2019abana babo, bavuga ko kuba mu kigo cyabo batagira murandasi (internet) bibangamira imyigire yabo.<\/em> <\/strong>
\nMu nama y\u2019inteko rusange y\u2019ababyeyi \u00a0barerera muri iri shuri iheruka kuhabera, ababyeyi beretswe uburyo abana babo bakoresha mudasobwa, bishimira ko hari byinshi abana bamaze kumenya mu ikoranabuhanga ariko bakababazwa n\u2019uko nta murandasi ngo babashe kumenya n\u2019ibibera hirya ni hino ku isi.
\nUmwe mu babyeyi, aganira na Bwiza.com, yagize ati \u2019\u2019urebye aho abana bacu bagenda bagera mu ikoranabuhanga usanga ari heza kuko hari byinhsi batweretse bazi gukora, bigaragara ko ishuri rikora ibishoboka byose ngo rizamure ikoranabuhanga mu bana, ariko ntitwabura kuvuga ko twababajwe cyane no kuba nta Interineti babasha kugeraho.\u2019\u2019
\nIki kibazo gisangiwe n\u2019ababyeyi bose n\u2019abana babo, bamwe mu babyeyi bakaba batanatinya kuvuga ko abana babo bigaga mu bindi bigo by\u2019imijyi mbere yo kuhaza basubiye inyuma.
\nUmuyobozi w\u2019iri shuri, Ngezahayo Abidan yavuze ko na bo kibahangayikishije cyane kuko ngo ukurikije uko bifuza ko umwana yarangiza amashuri yisumbuye ahagaze mu ikoranabuhanga atari ko bibagendekera.
\nAgira ati \u2019\u2019natwe biratubabaza kuko hari igihe usanga bashakira ubumenyi mu bitabo byashaje kera, nyamara ikoranabuhanga ryarabyoroheje, ariko mu nama twagiranye n\u2019ababyeyi yanagenze neza cyane, twabiganiriyeho,kandi na REB na MTN ndetse n\u2019akarere twarakivuganye kuko kitubabaje cyane, tugatekereza ko umwaka utaha cyazaba cyakemutse, abana bakiga ikoranabuhanga mu buryo bwose.\u2019\u2019
\nUmuyobozi w\u2019aka karere, Kamari Aim\u00e9 Fabien,yabwiye Bwiza.com ko iki kibazo kiri mu mashuri menshi, akoresha Interineti mu bana ngo ni make cyane, bakaba barabanje kwita aho akarere gakorera, amabanki, ibitaro n\u2019ahandi hakomeye mu karere, amashuri na yo bakaba bagiye kuyitaho.
\nAsaba ababyeyi n\u2019ubuyobozi bw\u2019amashuri ko igihe ibi byose bigikurikiranwa, gufasha abana kwiga neza n\u2019ibihari,kuko ikoranabuhanga riri mu bishyizwe imbere mu nzego zose z\u2019igihugu, gusa ngo kuba hari uduce twinshi tugifite ibi bibazo bikibangamye ariko bigenda bishakirwa umuti uko iminsi igenda ishira.
\n Bahuwiyongera Sylvestre\/Bwiza.com<\/em> <\/strong>
\n Kanda kuri SUBSCRIBE ujye ubona ibiganiro n\u2019indirimbo bishya<\/a><\/strong> <\/p>\n

\n
\"YouTube