{"id":9588,"date":"2018-03-21T17:12:44","date_gmt":"2018-03-21T17:12:44","guid":{"rendered":"https:\/\/new.bwiza.com\/2018\/03\/21\/perezida-nkurunziza-w-u-burundi-arasobanura-impamvu-atakandagiza-ikirenge-ku\/"},"modified":"2025-02-12T14:32:41","modified_gmt":"2025-02-12T12:32:41","slug":"perezida-nkurunziza-w-u-burundi-arasobanura-impamvu-atakandagiza-ikirenge-ku","status":"publish","type":"post","link":"https:\/\/bwiza.com\/?p=9588","title":{"rendered":"Perezida Nkurunziza w\u2019u Burundi arasobanura impamvu atakandagiza ikirenge ku butaka bw\u2019u Rwanda"},"content":{"rendered":"

Mu gihe mu Rwanda harimo kubera inama ya 10 idasanzwe ya Afurika Yunze Ubumwe (AU), u Burundi ntabwo bwayitabiriye, by\u2019umwihariko Perezida wabwo akavuga ko umubano mubi bufitanye n\u2019u Rwanda ari wo watumye butayitabira.<\/em> <\/strong>
\nUrwandiko Perezida Nkurunziza yandikiye umuyobozi\u00a0wa Komisiyo y’Umuryango wa Afurika Yunze Ubumwe, Moussa Faki Mahamat, ku wa 14 Werurwe 2018, arashima ko u Burundi bwatumiwe ndetse ko bwari bufite ubushake bwo kwitabira inama, bubuzwa n\u2019aho yabereye.
\nPerezida Nkurunziza yamutangarije ko nta mutekano baba bizeye w\u2019ababa bahagarariye u Burundi muri iyo nama, akavuga ko u Rwanda rwahaye ubuhunzi abashatse guhirika ubutegetsi bwe ku wa 13 Gicurasi 2015.
\nIkindi kiri muri uru rwandiko Radio Ijwi rya Amerika yasomye inafitiye kopi, ari nayo dukesha iyi nkuru, Nkurunziza ashinja u Rwanda kurenga ku masezerano mpuzamahanga rwateyeho umukono, ngo rwigisha ibya gisirikare impunzi z\u2019Abarundi zirimo n\u2019abana ngo amahanga arebera ariko ntirubihanirwe.
\nPerezida Nkurunziza avuga ko amasezerano y\u2019amahoro mu karere k\u2019ibiyaga bigari yishwe mu ngingo ya 4, 5 na 8, abuza igihugu guha intwaro imitwe yitwaje intwaro bigamije guhungabanya umutekano w\u2019ikindi gihugu.
\nPerezida Nkurunziza avuga ko u Rwanda rwishe amategeko y\u2019umuryango w\u2019ubumwe bwa Afurika, yashyizweho umukono mu 1969 abuza ko igihugu kiri muri uyu muryango cyakwemera ko impunzi zahungiye ku butaka bwacyo zijya mu bikorwa byahungabanya umutekano w\u2019igihugu kiri muri uyu muryango.
\nPerezida yasoje urwandiko agaragaza ko izi mpungenge zitamwemerera gukandagiza ikirenge ku butaka bw\u2019u Rwanda cyangwa abandi bamuhagararira ngo kubera ko nta mutekano baba bizeye wabo, yizeye neza ko byashakirwa umuri muri uyu mwaka wa 2018.
\nKuva mu mwaka wa 2015, ubwo mu Burundi hitegurwaga amatora y\u2019umukuru w\u2019igihugu ndetse na Nkurunziza yitegura kwiyamamaza kuri manda ya gatatu Abarundi batavugagaho rumwe, nibwo Leta y\u2019u Burundi yatangiye gushinja ibyaha bitandukanye birimo ibiri muri uru rwandiko.
\nLeta y\u2019u Rwanda yagiye ibihakana yivuye inyuma by\u2019umwihariko igatangaza ko ibyo u Burundi bushinja u Rwanda nta kimenyetso na kimwe kibigaragaza.
\n Kanda kuri SUBSCRIBE ujye ubona ibiganiro n\u2019indirimbo bishya<\/strong> <\/a><\/p>\n

\n
\"YouTube