{"id":9589,"date":"2018-03-22T09:54:15","date_gmt":"2018-03-22T09:54:15","guid":{"rendered":"https:\/\/new.bwiza.com\/2018\/03\/22\/lonu-mu-gufasha-u-rwanda-gukwiza-ingufu-z-amashanyarazi-kuri-buri-wese\/"},"modified":"2025-02-05T14:21:07","modified_gmt":"2025-02-05T12:21:07","slug":"lonu-mu-gufasha-u-rwanda-gukwiza-ingufu-z-amashanyarazi-kuri-buri-wese","status":"publish","type":"post","link":"https:\/\/bwiza.com\/?p=9589","title":{"rendered":"LONU mu gufasha u Rwanda gukwiza ingufu z\u2019amashanyarazi kuri buri wese"},"content":{"rendered":"

Intumwa yihariye y\u2019Umunyambanga Mukuru w\u2019Umuryango w\u2019Abibumbye (ONU) ushinzwe gahunda y\u2019ingufu zirambye kuri bose cyangwa Sustainable Energy for All, Rachel Kyte ubwo yakirwaga na Minisitiri w\u2019Intebe Dr. Edouard Ngirente kuri uyu wa gatatu tariki ya 21 Werurwe 2018, yatangaje ko mu Rwanda iyi gahunda ashinzwe igamije yiyemeje gufasha u Rwanda kwesa umuhigo w\u2019icyerekezo rwiyemeje cyo kugeza ingufu kuri buri wese.
\n

\"\"
Rachel Kyte<\/strong><\/figcaption><\/figure>
\nIyi ntumwa yihariye ya Antonio Guterres yavuze ko intego ya mbere y\u2019iyi gahunda ari ugufasha Abanyarwanda kwihaza mu by\u2019ingufu zirambye.
\n\u201cNjye na Minisitiri w\u2019Intebe twaganiriye kuri gahunda yo kuba mu Rwanda buri wese yakwihaza ku ngufu z\u2019amashanyarazi ku buryo bumworoheye, bujyanye n\u2019ubushobozi bwe, twaganiriye kandi ku ntambwe u Rwanda rumaze kugeraho mu kongera ingufu no guha abaturage amashanyarazi, twavuze ku bijyanye n\u2019ibicanwa ndetse n\u2019uburyo bugezweho kandi buhendutse bwo gutekesha\u201d.
\nRachel Kyte yabwiye abanyamakuru ko Umuryango mpuzamahanga witeguye gutanga ubufasha bushoboka bwose ngo Leta y\u2019u Rwanda izagere ku Ntego yihaye.
\n\u201cGahunda y\u2019u Rwanda ni uko mu mwaka wa 2024 buri wese azaba abasha gukoresha amashanyarazi, twebwe nk\u2019Umuryango Mpuzamahanga akazi kacu ni ugufasha Leta ku buryo iyi ntego yagerwaho,ubwo ikizakurikiraho ni ukureba uko buri wese yabona ibijyanye n\u2019ibicanwa ku buryo burambye\u201d.
\nUyu muyobozi yongeyeho ko ibi bizashoboka hifashishijwe amikoro avuye ahantu hatandukanye harimo nko mu bashoramari bikorera ku giti cyabo, abafatanyabikorwa mu by\u2019iterambere ndetse n\u2019amabanki y\u2019iterambere binyuze mu kwemeranya ku buryo batera inkunga ibihugu bifite imishinga y\u2019iby\u2019ingufu zirambye ikeneye gushorwamo amafaranga.
\nIkindi kandi uyu muyobozi yatanze icyizere ko Umuryango Mpuzamahanga witeguye gukangurira abashoramari batandukanye gushora imari yabo mu Rwanda kuko hari amahirwe menshi y\u2019ishoramari mu by\u2019ingufu.
\nIbi bitangajwe nyuma y\u2019aho umwaka ushize wa 2017 mu Rwanda hatangijwe umushinga w\u2019ingufu zisazurwa ufite agaciro ka miliyoni 50 z\u2019amadorali.
\nKugeza ubu imibare igaragaza ko mu Rwanda abaturage bafite umuriro w\u2019amashanyarazi basaga 28% mu gihe Leta yari yiyemeje ko kuva 2016 kugeza 2018 baziyongera bakagera kuri 70%
\n\"\"
\nLeta y\u2019u Rwanda ifite gahunda y\u2019uko ingufu z\u2019amashanyarazi zizongerwa zikava kuri megawatts 190 zikagera kuri megawatts 563 ndetse ko amasosiyete asaga 17 yamaze kugirana amasezerano na Leta y\u2019u Rwanda kugira ngo akwirakwize mu gihugu ingufu z\u2019amashanyarazi zikomoka ku zuba.
\n Kanda kuri SUBSCRIBE ujye ubona ibiganiro n\u2019indirimbo bishya<\/strong> <\/a><\/p>\n
\n
\"YouTube