{"id":9607,"date":"2018-03-22T16:24:10","date_gmt":"2018-03-22T16:24:10","guid":{"rendered":"https:\/\/new.bwiza.com\/2018\/03\/22\/kamonyi-abarimu-bamaze-amezi-abiri-badahembwa-barataka-inzara\/"},"modified":"2018-03-22T16:24:10","modified_gmt":"2018-03-22T16:24:10","slug":"kamonyi-abarimu-bamaze-amezi-abiri-badahembwa-barataka-inzara","status":"publish","type":"post","link":"https:\/\/bwiza.com\/?p=9607","title":{"rendered":"Kamonyi: Abarimu bamaze amezi abiri badahembwa barataka inzara"},"content":{"rendered":"

Abarimu bakora mu burezi mu karere ka Kamonyi, bavuga ko bugarijwe n\u2019ubukene bitewe n\u2019uko bamaze amezi abiri badahembwa.<\/em> <\/strong>
\nKurya bigoranye mu miryango, kutoroherwa n\u2019abacuruzi babakopa ibibatunga n\u2019ibindi nkenerwa mu miryango, kujya ku kazi bigoranye kubera kubura amatiki ku bataha kure yaho bakorera,\u2026 ni bimwe mu bibazo bavuga ko bibugarije muri iyi minsi.
\nMu kiganiro bagiranye na Bwiza.com, baranenga ubuyobozi bw\u2019akarere butinda kubahemba, mu gihe abandi barimu bo mu tundi turere bahemberwa igihe, kuba bo bamaze amezi abiri badahembwa bakabifata nk’uburangare bw’abashinze kubareberera.
\nUmwe muri aba barimu utifuje ko amazina ye atangazwa, abajijwe uko babayeho mu miryango, yasubije agira ati \u201cInzara,\u00a0 amadeni,\u00a0 kubura tike ku bajya ku kazi bateze,\u00a0 guhondobera ku kazi kubera umudari, kwimura inzira duhunga aho twikopesheje,… nibyo bitwugarije\u201d.
\nYakomeje agira ati \u201cKamonyi yananiwe kuduhemba none utundi turere duhembye 2 , twadukoreyeho tour, nimudukorere ubuvugizi, duheruka guhembwa ku itariki ya 20\/01\/2018\u201d.
\nUmuyobozi w\u2019akarere ka Kamonyi, ngo amaze kwisegura kuri aba barimu inshuri ebyiri, abizeza ko ikibazo kigiye gukemuka, bagategereza amaso agahera mu kirere.
\nAti \u201cMayor amaze gusaba imbabazi kabiri ngo twihangane bagiye kubyihutisha, byagera muri Minicofin bakabibasubiza ngo bikoze nabi, Ku wa Gatanu [tariki ya 16 Werurwe] yari yavuze ko bitazarenga Lundi [ku wa mbere tariki ya 19 Werurwe], Lundi barabibasubiza, arongera arazisaba\u201d.
\nUshinzwe uburezi mu karere, Kayijuka Diogene ubwo yabazwaga n\u2019umunyamakuru wa Bwiza.com ku murongo wa telefoni impamvu imishahara y\u2019abarimu itinda kubageraho, yasubije agira ati \u201cNtabwo ndi mu kazi, wajya ku karere ukabaza umuyobozi w\u2019akarere\u201d.
\nUmuyobozi w\u2019akarere ka Kamonyi, Kayitesi Alice avuga ko iki kibazo cyo gutinda guhemba abarimu kitari muri Kamonyi gusa, ariko agatanga icyizere ko kirakemuka mu gihe kitarenze amasaha 24.
\nAti \u201cNi ikibazo gisanzwe, kuko ntabwo ari twe twenyine tutarahemba abarimu, ariko barayabona vuba kuko bitinze ntabwo byarenza ejo nimugoroba [itariki ya 23 Werurwe 2018]\u201d.
\nAkomeza avuga ko hari igihe inzira yo kubishyura iba igeze muri Minicofin hagaragaramo amakosa bigasubizwa inyuma mu karere, bityo amafaranga yabo akazatinda kubageraho.
\nAti \u201cMu ntangiriro z\u2019umwaka bikunze kubaho, ariko tubijeje ko ejo bazayabona, binakunze bamwe barara bayabonye, turakomeza kubikurikirana\u201d.
\nAmezi abaye abari abarimu badahembwa, ku wa 20 Mutarama nibwo baheruka gufata umushahara w\u2019uko kwezi.
\n Kanda kuri SUBSCRIBE ujye ubona ibiganiro n\u2019indirimbo bishya<\/strong> <\/a><\/p>\n

\n
\"YouTube