{"id":9614,"date":"2018-03-23T10:43:38","date_gmt":"2018-03-23T10:43:38","guid":{"rendered":"https:\/\/new.bwiza.com\/2018\/03\/23\/ngoma-abayobozi-baranengwa-guca-amande-abaturage-batitabira-inteko-rusange-y\/"},"modified":"2025-02-12T14:32:25","modified_gmt":"2025-02-12T12:32:25","slug":"ngoma-abayobozi-baranengwa-guca-amande-abaturage-batitabira-inteko-rusange-y","status":"publish","type":"post","link":"https:\/\/bwiza.com\/?p=9614","title":{"rendered":"Ngoma: Abayobozi baranengwa guca amande abaturage batitabira Inteko rusange y\u2019abaturage"},"content":{"rendered":"

Abaturage bo mu Karere ka Ngoma mu murenge wa Kazo bemeza ko abatitabira Inteko Rusange y\u2019abaturage iba buri wa kabiri, bacibwa amande, ibyo bakabifata nko kubarenganya.<\/em> <\/strong>
\nBamwe biyumvisha ko abitabira Inteko rusange ahanini ari ababa\u00a0 bashaka kugeza ku buyobozi ibibazo bafite cyangwa abashaka inkunga bagenerwa na Leta.
\nUmuturage utuye mu murenge wa Kazo, agira ati \u201cinteko y\u2019abaturage yitabirwa n\u2019ababurana gusa cyangwa abashaka gusaba ubufasha ngo barihirwe mituweli cyangwa bakeneye guhindurirwa ibyiciro cy\u2019ubudehe, ntabwo abenshi dusobanukiwe ibijyanye n\u2019inteko z\u2019abaturage, urebye abadafite ibibazo dushaka kugeza ku buyobozi tujya mu Nteko tubishatse, ahubwo twatunguwe n\u2019uko batangiye guca amande abataragiyeyo ku wa kabiri\u201d.
\nAmande bacibwa ntibayabona nk\u2019ajya muri Leta ahubwo babona ari impano baba bihereye abayobozi.
\nAgira ati \u201cku wa kabiri ushize baduciye amafaranga 500 buri rugo kubera kutitabira inteko, babyutse bafata abantu bose batitabiriye inama babaca amafaranga 500, \u00a0warayatangaga bakandika mu makaye bari bafite, \u00a0njye mbona atari amande ari impano twihereye abayobozi badufataga, bari bakwiye kutwigisha mbere yo kuduca amande\u201c.
\nUbuyobozi bw\u2019akarere ka Ngoma\u00a0busanga guca amande abaturage bidakwiye ahubwo hakwiye gushyira imbaraga mu kubigisha.
\nUmuyobozi w\u2019akarere wungirije ushinzwe imibereho myiza, Kirenga Providence, agira ati \u201cntabwo ari ngombwa guca amande abaturage ahubwo tugomba gushyira imbaraga mu kwigisha abaturage bacu bakagira ubushake bwo kwitabira inama z\u2019inteko z\u2019abaturage ,kuko bazimenyeramo gahunda za Leta ,baganirizwa kuri gahunda zitandukanye bagatanga amakuru mashya ,hakaganirwa kuri gahunda z\u2019iterambere no kunoza imitangire ya serivisi\u201d.
\nAkomeza yamagana imyumvire ya bamwe biyumvisha ko abitabira inama bagomba kuba bafite ibibazo gusa, akanavuga ko bagiye kwifashisha Amasibo ku buryo azabafasha gukangurira abaturage kwitabira Inteko Rusange.
\n Kanda kuri SUBSCRIBE ujye ubona ibiganiro n\u2019indirimbo bishya<\/strong> <\/a><\/p>\n

\n
\"YouTube