{"id":9631,"date":"2018-03-24T08:58:31","date_gmt":"2018-03-24T08:58:31","guid":{"rendered":"https:\/\/new.bwiza.com\/2018\/03\/24\/umunyarwandakazi-mukasarasi-yahawe-igihembo-na-leta-zunze-ubumwe-za-amerika\/"},"modified":"2025-02-12T14:32:15","modified_gmt":"2025-02-12T12:32:15","slug":"umunyarwandakazi-mukasarasi-yahawe-igihembo-na-leta-zunze-ubumwe-za-amerika","status":"publish","type":"post","link":"https:\/\/bwiza.com\/?p=9631","title":{"rendered":"Umunyarwandakazi Mukasarasi yahawe igihembo na Leta Zunze Ubumwe za Amerika"},"content":{"rendered":"

Umunyarwandakazi Godelieve Mukasarasi watangije umuryango wita ku bapfakazi n\u2019imfubyi za Jenoside witwa \u2018SEVOTA\u2019 yahawe igihembo nk\u2019umugore w\u2019indashyikirwa i Washington DC muri Leta Zunze Ubumwe za Amerika.<\/em> <\/strong>
\nMadamu Mukasarasi ari mu bagore 10 bashimiwe na Guverinema ya Amerika ku bw\u2019uruhare bagize mu guharanira amahoro, no guteza imbere abagore, ku buryo byashoboraga no kubagiraho ingaruka.
\nIbyo bihembo byatanzwe na John Sullivan, uyobora Ministeri y\u2019Ububanyi n\u2019amahanga by\u2019agateganyo. Melania Trump, umufasha wa Perezida Donald Trump ari mu bari bwitabire uwo muhango.
\nMu kiganiro n\u2019ijwi ry\u2019Amerika dukesha iyi nkuru, Mukasarasi yagize ati \u201c Iki gihembo ndagikunze kandi ndagishimye. Kije mu gihe gikenewe.\u201d
\nMuri uwo muhango madamu Mukasarasi ni na we wahawe ijambo kuvuga mu izina ry’abahawe ibihembo.
\nNyuma ya jenoside yakorewe Abatutsi mu 1994, Mukasarasi yahariye ubuzima bwe kwimakaza amahoro mu Rwanda, no guhirimbanira uburenganzira bw’abagore n’abakobwa basambanyijwe mu bihe by’intambara ku isi yose.
\nMu 1996, Mukasarasi yaje kwegerwa n’itsinda ry’abakozi b’umuryango w’abibumbye bakusanyaga amakuru kuri Jean Paul Akayesu wayoboraga Komine Taba; mu rubanza rwe ngo hamenyekane uruhare yagize muri jenoside yakorewe abatutsi.
\nYiciwe umukobwa n’umugabo ndetse akajya anaterwa ubwoba ku bw’amakuru yatanze, ariko yabirenzeho ashaka abantu bane na bo batanze ubuhamya muri uru rubanza rw’Akayesu.
\nN’ubwo gusambanya abagore n’abakobwa ku gahato ari icyaha cy’intamabara ku rwego mpuzamahanga kuva mu 1919, ariko cyari kitarahanwa na rimwe kugeza Akayesu ahamijwe iki cyaha akanagihanirwa.
\nIbikorwa by’aba bari barangajwe imbere na Mukasarasi byahinduye isura y’ubutabera mu isi, byahaye abagore ijambo babona n’ubutabera.
\nMukasarasi yagize ati \u201cIcyavuye mu gifatika nuko ku rwego rw\u2019isi, icyaha cyo gufata umugore ku ngufu cyemewe nk\u2019icyaha cyibasiye inyoko muntu.\u201d
\nMukasarasi ni umugore w’umunyamurava kandi yagize uruhare rukomeye mu bumwe n’ubwiyunge mu Rwanda, no guharanira kurengera abana n’abagore ku isi.
\n\"\"
\n\"\"
\n\"\"
\n Kanda kuri SUBSCRIBE ujye ubona ibiganiro n\u2019indirimbo bishya<\/strong> <\/a><\/p>\n

\n
\"YouTube